Kapiloho 21:8 - A Nitana Vure

⁸ Pali e huriki ri mangenge, e huriki i uka ma ri luhoi tora, e huriki ri katoki na matagu, e huriki ri rabalaki a viri, e huriki ri mole, e huriki ri rata a muto, a malulu, e huriki ri vasileki na nitamina vure, e huriki ri tatami, a murine ria a darilomu i nono na viku a kanono. Ia ni gale a ruana matenga.”

Kapiloho 21:8 Iomraidhean Croise

Mateo 10:28

Naha ni mangenge ne huriki a bakovi. Ria bara ri rabalaki kunana a kakaine mua. Pali a hanune mua, ri keri ni rabalakia. A viri bara mu mangenge vona, a Vure, a vuhuna i kara ia ge ratapile a kakaine mua, a hanune mua na imperno.

Mateo 25:25

Lakea a mangenge, a kelia a malala, a tanu vonga a moni vomu i 1,000. O mata valai, a moni vomu nga.’

Mateo 8:26

E Isu i koli, i ta maea, “I navai mu mangenge? I uka ma mu luhoi tora hateka.” Muri i pesi rike i tahate a vilu a dari, ru pasi valo puru, a dari i malilo liu.

Ioanes 8:44

Mua e huriki e tune Satan, lakea mu ngaru ni muri mai a ningaru vona. Muga na hunu a malala ni ratarike, ia a bakovi ni rabalaki a viri, i koi ni muri mai a ngava muholi, a vuhuna i uka tara ngava muholi ge takia. Na tahuna i tami a viri, i ta na tabelena, a vuhuna ia a marapusi, a tamana marapusianga.

Vinara 20:8

“E huriki a ubu ri gi taki tabu ria ri gi ta maea, “I tahoka ranga bakovi koea ri mangenge i vakulu a tagane ria? Ge tahoka a bakovi maea koea, ri gi hamule na tanga, ma ri gi rata e huriki a nugumaheto ranga ri gi mangenge.”

2 Tesalonika 2:9

Na tahuna a bakovi ni longotaro a Vure i bele kavakava, bara i leho na nitora ne Satan. Bara i rata a maka nitamina nivakasiri legelege.

1 Timoti 4:2

A maka ngava taminga nga, e huriki a bakovi na taminga bara ri tamilalu ni tovo polo ne huriki, ta i muholi. A niluhoi ne ria i marogo kesi, i uka ma ri hatakia a naro hale ne ria.

Titus 1:16

Re huriki nga ri taki ta ri lohoka na Vure. Pali a narone ria i vakasiri hita, i uka ma ri lohoka na Vure. I uka ma ri longototoa a Vure, i uka ma i kara ria ri gi ratea tara maki kamumu. Re huriki nga, a huluvonga.

Hibru 12:24

Mu bele ne Isu. I vakatora a ngava dagi karaba. Mu bele na darane Isu. A ngava na darane Isu i rangi a ngava na darane Abel.

Hibru 13:4

A parangia, mua lobo mu togoa. Naha ni vakahale a parangia, a vuhuna a Vure ge pelekado, ge ratapile e huriki ri mole.

1 Ioanes 2:22

E rei a viri i takia e Isu, ta a Vure i uka ma i rudua ge korimule e huriki, a viri iea a bakovi na taminga. Ia a pile ne Kristo. I ngalahere varago ne Tamana, ne Tuna.

1 Ioanes 3:15

E rei a viri i marikoi e turana, i manga a mari ni rabalaki a viri. Pali mu lohoka vona, e rei a viri i rabalaki a viri i uka ma i bole a nimahuri vakaroro.

1 Ioanes 5:10

E huriki ri luhoi torea a Tuna Vure, ri lohoka na hatene ria i muholi ia a Tuna Vure. E rei a viri i uka ma i luhoi torea a Tuna Vure, i manga i galea a Vure a bakovi na taminga, a vuhuna i uka ma i longo mai a ngava a Vure i vaka­longo hita vona e Tuna.

Kapiloho 14:10

bara ri ninu vona a naru vagole na rongova na Vure, i uka ma ge kiroko. A kanono, a viku ru gu ratapile ria na matane huriki a agelo na Vure, na matane Tuna Sipsip.

Kapiloho 19:20

Pali e Livoa ni lakavu turana nitamina propet vona, ra i rata muga a maka nivakasiri dagi na matane Livoa, i tami e huriki ri bole a kilakila ne Livoa, ri vasileki na hanuna. Rua varago ni voro puru mahuri na lovo na kanono, a viku.

Kapiloho 2:11

E rei a viri i ngaru ni longokilala, ge longo kamumu, ge luhoi kado a ngava a Hanuna Vure i taki virihi e huriki a tara na Vure. E huriki ri mulangi na vabinga, a ruana matenga i uka ma ge padoi ria.”

Kapiloho 2:2

Iau a lohoka vona a narone mua. A lohoka na maka maregoa mu bole pali. A lohoka vona a hini mu hatenono na tahuna e huriki ri vakamadihi mua. A matakilaka vona mu koi ne huriki a bakovi hale. Mu toha e huriki ri taki ta ria a apostolo. Mu matai pali ria ri tatami.

Kapiloho 21:27

I uka tara maki katoki ge dili vona. I uka tara viri i rata a naro ni maruhu vona, o a naro taminga ge dili vonga. E huriki ri gi dili vona kunana, e huriki a rane ria ni here dili na buk na nimahuri na Tuna Sipsip.

Kapiloho 22:15

Pali e huriki a ligo, re huriki a bakovi hale, e huriki a bakovi na malulu, a muto, e huriki ri mole, e huriki ri rabalaki a viri, e huriki ri kavurike a nitamina vure, e huriki ri ngaru hateka a naro taminga, bara ri made polovavo.

Kapiloho 9:17

A matai na vuregu, a maka hos nga, turana e huriki ri rike ne ria ri mata maea: ri rodo a galeu na ngalane ria, ni kalu ri vururu manga a kanono, ri goma goma manga a hunu, ri ngango ngango manga a viku. A gina maka hos nga ri mata manga a gina laion. I pagitala na ngutune ria a pokona kanono, a viku.

Kapiloho 9:21

E huriki nga, ri rabalaki a viri, ri rata a muto, ri mole, ri panaho, i uka ma ri pulo a vilone ria, ri gi ngalahere na maka naro hale nga.