Kapiloho 21:7 - A Nitana Vure

⁷ E huriki ri mulangi, ga habi a maki nga ne ria. Ge iau a Vure ne ria, ge ria e huriki e tugu.

Kapiloho 21:7 Iomraidhean Croise

A Vuhuna 17:8

Ra malala e Kenan, ngane o made manga a mosi vona, ga habia vomu, ge vomu liu. Muri ga habi poloa ne huriki a hamomu. Pali iau, ge iau a Vure ne ria.”

Mateo 19:29

E rei a viri i luhoi tora iau, lakea i pe a ruma vona, i pe e huriki e turana, e kurabana, e tamana, e tuna, a hania vona, iau bara koli, bara ri bole balaka kupo tabu a maki nga, turana nimahuri vakaroro.

Mateo 25:21

“Lakea a bakovi dagi i koli, i ta maea, ‘Kamumu hateka. Ioe a vora kamumu. O rata kamumu vakaroro a leho lobo a habi vomu! Ngane go matakari a maki ge kupo, a vuhuna o matakari kamumu a leho kiroko iea. O valai o vivi turagu!’

Mateo 25:34

Muri a Hariki bara i taki e huriki ri pesi na limana a kanena, ‘Mu valai, mua e huriki e Tata i vakabagetu mua. Mu bolea a harikianga, ra ni rata puru ne mua na tahuna i ratarike a hunu a malala.

Markus 10:17

Na tahuna e Isu i pesi rike i vakatubu ni laho, a bakovi tara i nunu lakea vona, i turume puru na ngalana. I nanea e Isu i ta maea, “Mari ni tovo, o kamumu hateka. A ra maki ga ratea ga bole a nimahuri vakaroro?”

A Raukea e Paulus i Here Lakea ne Huriki a Rom 8:14

E huriki ri muri mai a Hanuna Vure, ria kunana a tuna Vure.

A Raukea e Paulus i Here Lakea ne Huriki a Rom 8:19

A maki lobo a Vure i ratarike ri dava, ri pasimata vona a parava a Vure ge vakasiri kavakava, ne rei e huriki e tuna muholi.

2 Korin 6:16

Ni gi ru dili navai a nitamina vure na Roho na Vure? Pali hita a roho na Vure Mahuri. I manga a ngava a Vure i takia hosi, i maea, “Iau ga made turane ria, ga laho turane ria. Ge iau a Vure ne ria, ge ria e huriki a ngate nau.

2 Korin 6:18

ge iau e tamane mua, ge mua e huriki e tugu a bakovi a ngatavine. Iau e Bakovi Dagi Tuhaka Hateka a ta maea.’”

Hibru 8:10

A ngava dagi karaba ta ga ratea ne huriki a Israel i maea: Iau e Bakovi Dagi a ta maea, ‘Muri ma ga ru a vinara nau ge tabuli na niluhoi ne ria, ga here a ngava nau na hatene ria. Iau, ge iau a Vure ne ria. Ge ria e huriki a ngate nau.

1 Petrus 3:9

A viri ge rata hale mua, naha ni koli. A viri ge harogi mua, naha ni koli. Pali mu gamai ria, a vuhuna a Vure i gale mua mu gu rata mavonga, lakea mua ranga, bara ni gamai.

Kapiloho 2:11

E rei a viri i ngaru ni longokilala, ge longo kamumu, ge luhoi kado a ngava a Hanuna Vure i taki virihi e huriki a tara na Vure. E huriki ri mulangi na vabinga, a ruana matenga i uka ma ge padoi ria.”

Kapiloho 2:17

E rei a viri i ngaru ni longokilala, ge longo kamumu, ge luhoi kado a ngava a Hanu Kiripiripi i taki virihi e huriki a tara na Vure. E huriki ri mulangi na vabinga, ga habi ne ria ranga mana, ra i tabuli kapiloho. Ga habi ne ria a kedo keakea, a rane ria karaba ni here vona. A rana karaba iea, i uka tara viri ge lohoka vona. A viri i bole a kedo iea, ia kikeri ge lohoka vona a rana karaba iea.”

Kapiloho 2:25

Mu nugu tata kunana a niluhoi ne mua, ge harena na parava ga valai vona.

Kapiloho 2:7

E rei a viri i ngaru ni longokilala, ge longo kamumu, ge luhoi kado a ngava a Hanu Kiripiripi i taki virihi e huriki a tara na Vure. E huriki ri mulangi na vabinga, ga taki ria ri gi kani a kanena kai na nimahuri, ra i pesi na hania na Vure.”

Kapiloho 21:3

A longoa a lohona viri i gale valai na gula hariki, i ta dagi, i ta maea, “Mu longo! A Vure i made turana e huriki a bakovi. Ge made turane ria, ge ria e huriki a ngate vona, ge ia a Vure ne ria.