Kapiloho 21:3 - A Nitana Vure

³ A longoa a lohona viri i gale valai na gula hariki, i ta dagi, i ta maea, “Mu longo! A Vure i made turana e huriki a bakovi. Ge made turane ria, ge ria e huriki a ngate vona, ge ia a Vure ne ria.

Kapiloho 21:3 Iomraidhean Croise

A Nimariu 25:8

“O taki e huriki ri gi haea tara kape nau ga made turane ria.

A Nimariu 29:45

Ga made turane huriki a Israel, ge iau a Vure ne ria.

Ni Gi 9:16

Na parava vakaroro a bubu i kavitagua a kape. Na rodo vakaroro a hubena kanono i kavitagua a kape.

Ioanes 1:14

A Nita i bele manga a bakovi, i made turane hita. Mi masia a bagetuanga vona, a bagetuanga ne Tuna a Madiva, ra viri i valai ne Tamana. Ia a mari ni dodo, a mari ni ta muholi.

Ioanes 14:23

E Isu i koli, i ta maea, “E rei a viri i ngaru iau, bara i longo mai a ngavagu. E Tata bara i ngarua, lakea bara miri bele vona, miri made turana.

2 Korin 6:16

Ni gi ru dili navai a nitamina vure na Roho na Vure? Pali hita a roho na Vure Mahuri. I manga a ngava a Vure i takia hosi, i maea, “Iau ga made turane ria, ga laho turane ria. Ge iau a Vure ne ria, ge ria e huriki a ngate nau.

2 Korin 6:18

ge iau e tamane mua, ge mua e huriki e tugu a bakovi a ngatavine. Iau e Bakovi Dagi Tuhaka Hateka a ta maea.’”

1 Tesalonika 3:11

Mete ngarua a Vure, e Tamane hita, turana Bakovi Dagi ne hita e Isu, ru gu kado puru a dalane mateu, mete ge lakene.

Hibru 11:16

Pali i uka ma ri dodoa a tanga muga ne ria. Ri ngaru ni bele na tanga tara, ra i rangi a tanga lobo na malala. Ri ngaru ni bele na tanga na hunu. I mavonga, a Vure i uka ma i maruhu ne ria. I vivi vona a hini ri gale ia a Vure ne ria. I kisi puru pali a tanga dagi ne ria.

Hibru 8:10

A ngava dagi karaba ta ga ratea ne huriki a Israel i maea: Iau e Bakovi Dagi a ta maea, ‘Muri ma ga ru a vinara nau ge tabuli na niluhoi ne ria, ga here a ngava nau na hatene ria. Iau, ge iau a Vure ne ria. Ge ria e huriki a ngate nau.

Hibru 8:2

Ngane i leho manga prister pololilo na kape muholi na Vure. A kape iea, i uka tara bakovi ge haea. A Vure kunana a viri i haea.

Kapiloho 10:4

Na tahuna a kururu i polorua nga ri koli, ta ga here puru a ngava ri taki, pali a longo tabu a lohona viri tara i ta valai na hunu, i ta maea, “Naha ni here a ngava na kururu i polorua nga. O ruhulolo kunana.”

Kapiloho 10:8

Muri a longo tabua a lohona viri, ra a longo muga, i ta valai na hunu, i ta maea, “O vano, o bolea a raukea ni veve puru pali, ra i tabuli na limana agelo i pesi langa na dari, a malala.”

Kapiloho 12:10

Muri a longoa a lohona viri i gale dagi na hunu, i ta maea, “Ngane a Vure i korimule hita pali. A nitora, a harikianga na Vure ne hita i bele pali. A nitora na Kristo vona i bele pali, a vuhuna ra viri i padi virihi bala e huriki e turane hita, ni voro puru pali. Ra viri mona kuduvi i pesi na matana Vure, i padi virihi ria.

Kapiloho 21:7

E huriki ri mulangi, ga habi a maki nga ne ria. Ge iau a Vure ne ria, ge ria e huriki e tugu.

Kapiloho 22:3

I uka tabu tara maki ni ruduraha. A gula hariki na Vure, na Tuna Sipsip ru gu tabuli na tanga iea. E huriki a vora vona ri gi kavurikea.

Kapiloho 7:15

“I mavonga ri pesi na ngalana gula hariki na Vure. Na haro, na rodo ri kavurike ia kunana. A viri i made na gula hariki ge made turane ria, ge matakari ria.