Kapiloho 21:2 - A Nitana Vure

² A masia a tanga na Vure, re Ierusalem karaba, i valai na Vure, i puru valai na hunu, i manga a ngatavine i parangi karaba i bagetu kamumu hateka, i davea e girihina.

Kapiloho 21:2 Iomraidhean Croise

Ioanes 3:29

A bakovi tara ge parangi a ngatavine, a ngatavine iea ne vona kunana. A turana bakovi iea bara i davea, i talangakia. Na tahuna i longoa, bara i vivi. Iau ngane, a vivi mavonga liu.

2 Korin 11:2

Iau a bage ne mua i manga a Vure i bage ne mua. Mu manga a sirula a habikaria na bakovi ala taku kunana, re Kristo.

Hibru 11:10

E Abraham i luhoi torea a Vure, i davea a parava ge masia a tanga dagi, ra tanga i tahoka a vuhuna. Ra tanga iea, a Vure kunana i luhoi kadoa, i kisi purua.

Hibru 11:16

Pali i uka ma ri dodoa a tanga muga ne ria. Ri ngaru ni bele na tanga tara, ra i rangi a tanga lobo na malala. Ri ngaru ni bele na tanga na hunu. I mavonga, a Vure i uka ma i maruhu ne ria. I vivi vona a hini ri gale ia a Vure ne ria. I kisi puru pali a tanga dagi ne ria.

Hibru 12:22

E huriki a Israel ri bele na tanga maea. Pali mua, a tanga mu bele vona i uka ma i maea. Mua mu bele na Lolo e Sion. Mu bele na tanga dagi na Vure Mahuri, e Ierusalem na Hunu. E huriki a agelo ala kupo hateka ri made vonga, ri rata a habu dagi.

Hibru 13:14

Si gi rata mavonga, a vuhuna si uka tanga muholi koea na malala. Si pasimata vona a tanga dagi muholi ta ge bele muri ma.

Kapiloho 1:1

Iea ngane a ngava a Vure i vakalongo ne Isu Kristo, ge vakalongo polo ne huriki a vora vona. A ngava na maka maki ge bele malaviriri. I rudua a agelo vona ge vakalongo a ngava nga na vora vona, ra iau, e Ioanes.

Kapiloho 1:4

Iau e Ioanes a here lakea ne mua e huriki a tara na Vure i polorua, mu made o Asia. Ra Viri i made mona, i made hosi, bara i hamule valai, i rata kamumu mua, i habi a nivalemu ne mua. Pali e huriki a hanu i polorua, ra ri pesi na ngalana gula hariki vona, ria ranga ri gi rata kamumu mua, ri gi habi a nivalemu ne mua.

Kapiloho 1:9

Iau e Ioanes, a turane mua. Si vaveru na ni bole a nimadihi na rane Isu. A dili turane mua na harikianga na Vure, si pesi tora ni ramaia e Isu. Iau a vara e huriki na nitana Vure, a ngava ne Isu, lakea ni lakavu iau, ni ru dili iau na bavi, koea na bodu e Patmos.

Kapiloho 11:2

Pali naha ni rovai a mataruma, polovavo na Roho na Vure. Naha ni rovai, a vuhuna a tabeke iea ni habi ne huriki i uka ma ria a Iuda, ri gi paha katoa a tanga na Vure na keva i ravulu va a polona i rua.

Kapiloho 21:10

Lakea a Hanu Kiripiripi i bele tora nau, a agelo i bole sike iau na mapana lolo dagi. I vakasiri iau vona a tanga na Vure, e Ierusalem, i puru valai na Vure na hunu.

Kapiloho 21:9

Muri a turana e huriki a agelo ala polorua, ra ri guru tala a tavila i polorua na ikuna vuranga i polorua, i valai, i taki iau, i ta maea, “O valai, ga vakasiri ioe vona e Girihina Tuna Sipsip, ra i parangi karaba vona.”

Kapiloho 22:17

A Hanuna Vure, e girihine Tune Sipsip ru ta maea, “O valai.” E huriki ri longo, ria ranga ri gi ta maea, “O valai.” E huriki ri marohu ri gi valai. E huriki ri ngaru ni ninu ri gi valai, ri gi kiru a naru, i uka ma ri gi konea.

Kapiloho 22:19

Pali e rei a viri i ravunu vuroki ranga nita propet i tabuli na buk iea, a Vure bara i ratea i uka ma ge kani na kai na nimahuri, i uka ma ge dili na tanga vona, i manga a ngava ni taki tala na buk iea.

Kapiloho 3:12

E rei a viri i mulangi ga vakapesia, ge manga a butu na roho na Vure nau. I uka ma ge pagitala vona a roho iea. Ga here vona a rana Vure nau, a rana tanga na Vure nau, re Ierusalem karaba, ra ge puru valai na Vure nau meli na hunu, ga here vona a ragu karaba.