Kapiloho 21:14 - A Nitana Vure

¹⁴ A nure iea, ni hae langa na kedo i ravulu a polona i rua. A kedo takutaku nga, ni here a rana a apostolo takutaku na Tuna Sipsip ala ravulu a polona i rua.

Kapiloho 21:14 Iomraidhean Croise

Mateo 16:18

A taki ioe, ioe e Petrus. Ga vakapesi langa na kedo iea a tara nau. A nitora na matenga i uka ma ge ratapilea.

Apostolo 1:26

Muri ri voro a satu, lakea e Matias i mulangi. Ri bole dilia ge leho turane huriki a apostolo ala ravulu a polona i taku.

Galesia 2:9

I mavonga, na tahuna e Iakop, e Sipas, re Petrus, e Ioanes, ra to manga a butu na lotu, to matakilaka vona a Vure i habi a leho nau, to tuba a limane maria e Barnabas, to rudu lakea maria ne huriki i uka ma ria a Iuda. Pali tou to go leho turana e huriki a Iuda.

Epesus 2:20

Mua mu manga a roho i haea a Vure. Mia e huriki a apostolo, e huriki a propet mi manga a butu na roho, i vonu a Vure. E Isu Kristo i manga a burena butu.

Epesus 3:5

I uka ma ni vakasiri ne huriki hosi. Pali ngane ni vakasiri ne huriki a apostolo a propet na Vure, na nitora na Hanuna.

Epesus 4:11

Ia kunana a viri i rata e huriki ranga, ge ria a apostolo, e huriki ranga ge ria a propet, e huriki ranga ri gi vakalongo a Velenga Kamumu, e huriki ranga ri gi matakari e huriki a tara na Vure, e huriki ranga ri gi tovo.

Hibru 11:10

E Abraham i luhoi torea a Vure, i davea a parava ge masia a tanga dagi, ra tanga i tahoka a vuhuna. Ra tanga iea, a Vure kunana i luhoi kadoa, i kisi purua.

Iuda 1:17

Mua o huriki a turagu, nahea mu gu turutu vona e huriki a bakovi nga, a vuhuna e huriki a apostolo ne Isu Kristo, a Bakovi Dagi ne hita, ri taki muga vona a maka naro nga.

Kapiloho 18:20

Mua e huriki mu made na hunu, mu vivi! Mua e huriki a tara na Vure, e huriki a apostolo, e huriki a propet, mu vivi, a vuhuna a Vure i ratapilea a tanga iea, a vuhuna ri rata hale mua!”

Kapiloho 21:13

A logo i tolu to pesi na tabeke na nirikena haro. A logo i tolu to pesi na tabeke mule sike. A logo i tolu to pesi na tabeke mule puru. A logo i tolu to pesi na tabeke na nirolona haro.