Kapiloho 20:4 - A Nitana Vure

⁴ Muri a matai a maka gula hariki. E huriki ri made ne ria, a Vure i habi a leho ne ria, ri gi pelekado a narone huriki. A matai tabu a hanune huriki a bakovi. E huriki nga ri taki tala a ngava ne Isu, a nitana Vure, i uka ma ri kavurikea e Livoa, o a hanuna, i uka ma ri bole a kilakila vona na dumene ria, na limane ria, lakea ni palakudu a lohone ria. Ngane ri mahuri mule, ri matakari turane Kristo na pida i ravulu rangale.

Kapiloho 20:4 Iomraidhean Croise

Mateo 19:28

E Isu i koli, i ta maea, “A taki muholi mua, muri ma na malala karaba, a Tuna Bakovi bara i made na nibagetu na gula hariki vona. Mua ranga e huriki mu muri nau, bara mu made na gula hariki i ravulu a polona i rua, bara mu pelekado a kabu ne Israel i ravulu a polona i rua.

Mateo 24:10

Muri e huriki ala kupo bara ri lohopile iau, ri vatepu, ri vahabi ria na limana pile.

Markus 6:16

Pali e Herod, na tahuna i longo a ngava nga, i ta maea, “Iau a palakudua hosi a lohone Ioanes, pali ngane i mahuri mule tabu na matenga!” I ta mavonga, a vuhuna

Markus 6:27

Lakea i malaviriri kunana i rudua a nugumaheto ge palakudua a lohone Ioanes, ge bole vilia a gina. A bakovi i vano, i palakudu pololilo na bavi a lohone Ioanes.

Markus 9:11

Muri to nanea, “I navai e huriki a mari na vinara ri takia e Elaisa ta ge valai muga?”

Lukas 1:17

Bara i rata a leho vona na nitora na Vure, i manga e Elaisa hosi. Bara i laho muga ne Bakovi Dagi, ge rata e huriki a bakovi ri gi ngaru e tune ria, ge rata e huriki ri longotaro a Vure ri gi bole a niluhoi ne huriki a bakovi kamumu. I mavonga, e Ioanes bara i pelekado e huriki a bakovi a ngatavine muga ne Bakovi Dagi ge bele ne ria.”

Lukas 14:14

Re huriki a bakovi maea bara ri keri ni koli a limamu. Ra i mavonga bara o vivi, a vuhuna a limamu bara ni koli na tahuna e huriki a bakovi kamumu bara ri pesi rike mule na nimate.”

Lukas 22:30

Muri bara mu kani mu ninu turagu na harikianga nau, bara mu made na gula-hariki mu pelekado e huriki a kabu ne Israel ala ravulu a polona i rua.”

Ioanes 14:19

I uka ma ge tabaka, e huriki na malala i uka ma ri gi matai iau, pali mua bara mu matai iau tabu. Mua bara mu mahuri mule a vuhuna iau a mahuri.

A Raukea e Paulus i Here Lakea ne Huriki a Rom 11:15

Ngane a Vure i vakasiri a dala ge korimule e huriki i uka ma ria a Iuda, a vuhuna i lohopile e huriki a Iuda. Pali muri ma, na tahuna a Vure ge korimule e huriki a Iuda, bara i manga i vakamahuri mule ria na matenga.

A Raukea e Paulus i Here Lakea ne Huriki a Rom 8:17

Ngane hita e huriki a tuna Vure. I mavonga, bara si bole turane Kristo a bagetua a Vure i ru puru ne huriki e tuna. Ngane si bole a nimadihi turane Kristo, i mavonga muri ma bara si bole a bagetua turane Kristo.

2 Timoti 2:12

E huriki ri hatenono na tahuna ri bole a nimadihi, bara ni rata ria a hariki, ri matakari turane Kristo; E huriki ri lohopilea e Kristo, ia tara bara i lohopile ria;

Kapiloho 1:2

Ngane a vakalongo a maki lobo a matai, ra nitana Vure, a ngava ne Isu Kristo.

Kapiloho 1:9

Iau e Ioanes, a turane mua. Si vaveru na ni bole a nimadihi na rane Isu. A dili turane mua na harikianga na Vure, si pesi tora ni ramaia e Isu. Iau a vara e huriki na nitana Vure, a ngava ne Isu, lakea ni lakavu iau, ni ru dili iau na bavi, koea na bodu e Patmos.

Kapiloho 11:11

Pali muri na parava i tolu, a kalavana, a Vure i bango dili ne rua a bangona na nimahuri, ru pesi rike. Lakea e huriki lobo ri matai rua, ri mangenge hateka.

Kapiloho 11:15

Muri, a poloruana agelo i vakia a tavure vona. Lakea a longo e huriki ri ta dagi meli na hunu, ri ta maea, “A harikianga na malala ngane ne vona e Bakovi Dagi ne hita, turana e Kristo vona. Ge matakari na parava vakaroro, i uka nilobona.”

Kapiloho 11:3

Ga rudu a bakovi ala rua nau, ru gu taki tala ne huriki a ngava nau. Ru gu rea na varakia katokato, ru gu rata a nita propet na parava i 1,260.”

Kapiloho 11:7

Na tahuna ru vakalobo a leho ne rua ni ta propet, e Livoa bara i sike valai na lovo i marangeo, bara i vaubi turane rua. Bara i mulangi, i rabalaki rua,

Kapiloho 12:11

E huriki e turane hita ri mulangi vona pali na darana Sipsip, na ngava muholi ri vakalongo e huriki vona. Ri mulangi a vuhuna i uka ma ri mangenge ni mate.

Kapiloho 14:11

A pokona nimadihi ne ria ge poko rike vakaroro. Ri uka nimalo, ri gi bole a nimadihi mavonga na haro, na rodo, re huriki ri kavurikea e Livoa turana hanuna, ri bole a kilakila na rana.”

Kapiloho 15:2

Muri a masia tara maki, i mata manga a dari ni rata na glas, ni pulo turana kanono. A matai tabu e huriki ri rangi mugea e Livoa turana hanuna, ri rangia a namba na rana. Ri pesi na harena dari ni rata na glas, ri nugu a hap, i habi ne ria a Vure.

Kapiloho 17:8

Ra livoa o masia, hosi i made, pali ngane i uka. Ngane i popote ge sike valai na lovo i marangeo, ni gi ratapile. E huriki ri made na malala, re huriki, a rane ria i uka ma ni here dili na buk na nimahuri muga na nidoko na malala, bara ri masia a livoa iea, ri ngapa, a vuhuna i muga i made, pali ngane i uka ma i tabuli, pali muri ma bara i bele tabu.

Kapiloho 2:26

E huriki ri mulangi na vabinga, ri muri mai a narogu ge vano ge harena na tahuna ri mate, iau ga habi ne ria a nitora, ri gi matakari e huriki lobo i uka ma ria a Iuda.

Kapiloho 22:5

A rodo i uka ma ge bele tabu vonga. I uka ma ri gi ngarua a nipara, o a haro, a vuhuna a Vure e Bakovi Dagi ia a nipara ne ria. Ri gi matakari turana na parava vakaroro, i uka nilobona.

Kapiloho 3:21

E rei a viri i mulangi, bara ratea ge made turagu na gula hariki nau, i manga a hini iau tara a mulangi hosi, a made turane Tata na gula hariki vona.

Kapiloho 4:4

A gula hariki i ravulu rua a polona i va ri pesi halui a gula hariki iea. E huriki a nupesi ala ravulu rua a polona i va ri made na gula hariki nga. Ri rodo a varakia keakea, ri kube a tama hariki ni rata na gol.

Kapiloho 6:9

Na tahuna a Tuna Sipsip i lagea a limana buluka, a matai a hanune huriki ri made na taruna dede na nihabi. Re huriki nga ni rabalaki a vuhuna ri taki tala ne huriki a nitana Vure.

Kapiloho 7:3

i ta maea, “Mu dava. Naha ni rata hale ma a malala, a dari, a maka kai. Mi gi ru taro a kilakila na Vure ne teu na dumene huriki a vora vona.”