Kapiloho 2:2 - A Nitana Vure

² Iau a lohoka vona a narone mua. A lohoka na maka maregoa mu bole pali. A lohoka vona a hini mu hatenono na tahuna e huriki ri vakamadihi mua. A matakilaka vona mu koi ne huriki a bakovi hale. Mu toha e huriki ri taki ta ria a apostolo. Mu matai pali ria ri tatami.

Kapiloho 2:2 Iomraidhean Croise

Mateo 7:23

Pali iau ga ta kavakava ne ria, ga ta maea, ‘I uka ma lohoka ne mua. Mu malele ha nau, mua e huriki a mari ni putu puru a vinara.’

Ioanes 6:6

I lohoka pali na maki ge ratea, pali i nana kunanea e Pilip, ge tonia.

Galesia 1:7

Pali i muholi hateka, i uka tabu tara Velenga Kamumu. Pali e huriki ranga ri vakamarego mua, ri ngaru ni vakavaroru a Velenga Kamumu ne Kristo.

Epesus 4:14

Muri i uka ma si gi vilikoma tabu. A maka nitovo karaba legelege i uka ma ri gi kule lae hita manga a aga, i kule laea a vilu, a bokona dari. Na tahuna e huriki ri ngaru ni tami hita na nita taminga ne ria, i nangi manga a ngava muholi, i uka ma si gi longo mai.

1 Tesalonika 1:3

Na tahuna mete vasileki na Vure, e Tamane hita, mete luhoi mulea a leho kamumu mu ratea a vuhuna mu luhoi torea a Vure, a leho kamumu mu ratea a vuhuna mu ngaru e huriki. Mete luhoi mule tabu a hini mu hatenono na tahuna mu bole a nimadihi, a vuhuna mu pasimata ne Isu Kristo a Bakovi Dagi ne hita ge hamule valai.

1 Tesalonika 5:21

Pali mu pelekado kamumu a ngava lobo ne ria. A ngava ge muholi, mu longo mai.

2 Timoti 2:19

Pali a Vure i vunua pali a butu i tora hateka. I uka tara viri ge ulua. A butu iea, a ngava ni here vona, i ta maea, “E Bakovi Dagi i lohoka vona e huriki a tara vona.” A ngava tara tabu ni here i maea: “E huriki ri galea a rane Bakovi Dagi ri gi malele ha na naro hale.”

Hibru 6:10

Mu leho tora vakaroro ni kori e huriki a tara na Vure. Mu vakasiri manga mu ngarua a Vure. I uka ma ge mata kepa vona a Vure, a vuhuna a narona i kiripiripi kunana.

1 Ioanes 4:1

Mua e huriki a turagu, e huriki a nitamina propet ri laho lae. I mavonga, naha ni longo mai a nitovo ne huriki a bakovi lobo. Mu toni a niluhoi ne ria, ri valai na Vure, o i uka.

Kapiloho 2:5

I mavonga, a ngaru mu gu luhoi mule a naro kamumu ne mua hosi, mu matakilaka vona a hini mu boru valai meli, mu puru liu. Mu pulo a vilone mua, mu rata tabu a maka naro kamumu mu rata hosi na tahuna mu luhoi tora karaba. Ge uka, bara valai, a bole vurokia a butu na nipara ne mua.

Kapiloho 2:6

Pali a naro kamumu tara ne mua i maea, mu marikoi a narone huriki a murimuri ne Nikolas, i manga iau tara a marikoi a narone ria.

Kapiloho 2:9

Iau a lohoka vona, mua ni vakamarego, mu bala a maki na malala, pali mu tahoka a mahala. A lohoka ne huriki ri taki ta ria a Iuda muholi, pali ria a tara ne Satan, ri padi a kidune mua.

Kapiloho 3:1

Muri i ta tabu, i ta maea, “O here lakea na agelo ne huriki a tara na Vure o Sardis, o here maea: A ngava iea i valai na Viri i matakari a hanuna Vure i polorua, i nugu a hada i polorua. A lohoka na narone mua. E huriki ri pahaluhoi ta mu tahoka a nimahuri, pali mu mate pali.

Kapiloho 3:15

A lohoka vona a narone mua. I uka ma mu piu, i uka ma mu rongo. A ngaru mu gu piu, o mu gu rongo!

Kapiloho 3:8

A lohoka na narone mua. Mu longo! A ru na ngalane mua a dua i mata ka. I uka tara viri ge tukaria. A lohoka ne mua, mu uka nitora. Pali mu longototo a nitagu, i uka ma mu lohopilea a ragu.