Kapiloho 2:14 - A Nitana Vure

¹⁴ Pali iau a tahoka a ngava ne mua. E huriki ranga ne mua ri muri mai a nitovo ne Balam. Re Balam hosi, i takia e Balak ge tami e huriki a Israel ri gi puru na hoa. I taki ria ri gi kani a kinani ni habi ne huriki a nitamina vure. I taki ria ri gi mole lae.

Kapiloho 2:14 Iomraidhean Croise

Ni Gi 24:14

Ngane ga hamule mai e huriki a viri nau. Pali ga taki taro ioe vona a maka maki e huriki a Israel ri gi rata na tara vomu muri ma.”

Ni Gi 31:16

Ria kunana ri longo mai a nita ne Balam ri rata e huriki a bakovi a ngatavine ne hita ri ngalahere ne BAKOVI DAGI, na tahuna ri made o Peor. Lakea a gilanga dagi i bele ne huriki a tara ne BAKOVI DAGI.

Ni Gi 31:8

Ri rabalaki turana e huriki ranga a hariki o Midian ri ala lima: e Evi, e Rekem, e Sur, e Hur, e Reba. E Balam, e tune Beor, ia tara ni padimate na bainat.

Mateo 18:7

“A Vure bara i pelekado e huriki ri vakaboru e huriki na naro hale. I muholi, a nitoni bara i bele. Pali a Vure ge pelekado a viri i vakaboru e huriki.

Apostolo 15:29

Naha ni kani a maki ni kani ni habi na nitamina vure. Naha ni kani, naha ni ninu a dara. Naha ni kani a kania ni hori a lohona i mate. Naha ni mole. Mu lele rau vona maka naro hale nga, bara mu made kamumu kunana. A ngava ne mia i pali.”

Apostolo 21:25

Pali e huriki i uka ma ria a Iuda, mi here lakea pali ne ria, naha ri gi kani a kania ni habi na nitamina vure. Naha ri gi kani a kania i vona darana o a kania ni hori a lohona. Naha ri gi rata a naro na molenga.”

A Raukea e Paulus i Here Lakea ne Huriki a Rom 11:9

E Davit tara, i takia a ngava iea, i ta maea, “Na tahuna ri vapopo na habu ge bele ne ria a vuranga tara; i manga a hoa i puru vona a livoa, a kedo ni gi sibo vona, ge koli a rabu hale ne ria.

A Raukea e Paulus i Here Lakea ne Huriki a Rom 14:13

I mavonga, naha ni vapelekado tabu. A viri i luhoi torea a Vure, naha ni torodoa ge boru na naro hale.

A Raukea e Paulus i Here Lakea ne Huriki a Rom 14:21

I kamumu go peremu vona a bobona maki, go peremu vona a vain, o go lohopile a naro tara, ra i ratea e turamu tara i boru.

1 Korin 1:23

Pali a ngava mi vara e huriki vona, mi taki ria ne Kristo ni paditata na kai tavalavala. A ngava iea i rata e huriki a Iuda ri boru, pali e huriki a Grik ri luhoi ta a ngava manga manga.

1 Korin 7:2

Pali a vuhuna a naro na molenga i bele dagi hateka, i kamumu a bakovi takutaku ge tahoka e girihina, a ngatavine takutaku ge tahoka e girihina.

Hibru 13:4

A parangia, mua lobo mu togoa. Naha ni vakahale a parangia, a vuhuna a Vure ge pelekado, ge ratapile e huriki ri mole.

Iosua 24:9

Muri e Balak e tune Sipor bakovi, a hariki o Moab, i vaubi ne mua. I talo rike a ngava lakea ne Balam e tune Beor, i takia ge ruduraha mua.

1 Petrus 2:8

I ta maea tabu, “A kedo iea i rata e huriki ri sibo, ri boru.” Ri sibo a vuhuna ri longotaroa a nitana, i manga a hini a Vure i taki muga ri gi rata.

2 Petrus 2:15

Ri lohopile pali a dala kamumu, ri ruru. Ri muri mai a narone Balam, e tune Beor. Re Balam, i ngaru ni rata a naro hale, ge bole a mahala.

Iuda 1:11

A Vure bara i ratapile ria, a vuhuna ri muri mai a narone Kain. Ri lohopile mule ria, ri gi bole a mahala, i manga e Balam hosi. Ri gegea a Vure, i manga e Kora hosi, lakea bara ri velu liu.

Kapiloho 2:20

Pali iau a tahoka a ngava ne mua, a vuhuna i uka ma mu ta pupukaria ra ngatavine e Iesebel. I taki ta ia a propet, i tovo e huriki a vora nau, i tuli ria ri gi mole, ri gi kani a kinani ni habi lakea ne huriki a nitamina vure.

Kapiloho 2:4

Pali iau a tahoka a ngava ne mua. I muga mu ngaru hateka iau. Pali ngane mu pe pali a naro ni ngaru hateka iau.

Kapiloho 21:8

Pali e huriki ri mangenge, e huriki i uka ma ri luhoi tora, e huriki ri katoki na matagu, e huriki ri rabalaki a viri, e huriki ri mole, e huriki ri rata a muto, a malulu, e huriki ri vasileki na nitamina vure, e huriki ri tatami, a murine ria a darilomu i nono na viku a kanono. Ia ni gale a ruana matenga.”

Kapiloho 22:15

Pali e huriki a ligo, re huriki a bakovi hale, e huriki a bakovi na malulu, a muto, e huriki ri mole, e huriki ri rabalaki a viri, e huriki ri kavurike a nitamina vure, e huriki ri ngaru hateka a naro taminga, bara ri made polovavo.