Kapiloho 2:13 - A Nitana Vure

¹³ Iau a lohoka vona mu made vai. A gula hariki ne Satan i tabuli na tanga iea. Pali mu tabana ni pesi tora na ragu. E Antipas, ra bakovi ne mua i kinigao ni taki tala a nitagu, ni rabalaki vonga na tanga ne Satan. Pali i uka ma mu lobo ni luhoi tora iau.

Kapiloho 2:13 Iomraidhean Croise

Mateo 10:23

Na tahuna a tanga tara i vakamadihi mua, mu ha taroa, mu lakea na tanga tara. A taki muholi mua, i uka ma mu gu paha lobo ma a tanga o Israel, a Tuna Bakovi bara i valai pali.

Mateo 24:9

“Muri bara ni lakavu mua, ni vakamadihi mua, ni rabalaki mua. E huriki na tanga lobo bara ri marikoi ne mua, a vuhuna mu ramai iau.

Mateo 4:10

Lakea e Isu i takia, “Satan, o ha nau! A ngava ni here puru na Hinere i maea, ‘O kavurikea e Bakovi Dagi, a Vure vomu, o ramai kunana ia.’”

Lukas 21:17

E huriki lobo bara ri marikoi ne mua a vuhuna mu muri nau.

Apostolo 22:20

Ri lohoka vona a do rike e huriki na tahuna ri rabalakia a vora vomu e Stepan, a matakari a maka varakia ne huriki ri padimatea na kedo.’

Apostolo 9:14

Ngane e huriki a prister dagi ri rudu vilia ge lakavu e huriki ri gale a ramu.”

1 Tesalonika 5:21

Pali mu pelekado kamumu a ngava lobo ne ria. A ngava ge muholi, mu longo mai.

1 Timoti 5:8

A viri i uka ma i matakari a viri vona, ra kabu vona muholi, i pea pali a Vure. Ra bakovi maea, a narona i hale hateka ne huriki i uka ma ri luhoi torea a Vure.

2 Timoti 1:13

O ramai kamumu a ngava muholi a tovo ioe vona. O ngaru e huriki, o luhoi torea e Isu Kristo, a vuhuna o madoko turana.

2 Timoti 2:12

E huriki ri hatenono na tahuna ri bole a nimadihi, bara ni rata ria a hariki, ri matakari turane Kristo; E huriki ri lohopilea e Kristo, ia tara bara i lohopile ria;

Hibru 10:23

Nahea si gi loho ruarua. Si gi pesi tata na ni luhoi tora a maki si pasimata vona si gi bole, a vuhuna a Vure i keri ni tatami. I rata lobo a maki i taki ge rata.

Hibru 3:6

Pali e Kristo i uka ma ia a vora. Ia a Tuna Vure. I matakari kamumu e huriki a tara na Vure, i manga e Tamana i ngarua ge ratea. Hita bara si pesi tata ni luhoi torea a Vure, ni pasimata vona a maki a Vure ge rata ne hita, bara hita e huriki a tara vona.

Iakop 2:7

Re huriki a bakovi na mahala nga, ria kunana ra viri ri biu a rane Isu Kristo. A rana i kamumu hateka. Pali mua e huriki a ngate vona.

Kapiloho 1:5

E Isu Kristo, ra viri i vakalongo hita na maki lobo a Vure i takia ge taki ne hita, ra viri i mahuri mule na matenga muga ne hita lobo, ra matakari ne huriki a matakari lobo na malala, ia tara ge rata kamumu mua, ge habi a nivalemu ne mua. I ngaru hateka hita. Na darana i vakamatukapaga hita na naro hale ne hita.

Kapiloho 11:3

Ga rudu a bakovi ala rua nau, ru gu taki tala ne huriki a ngava nau. Ru gu rea na varakia katokato, ru gu rata a nita propet na parava i 1,260.”

Kapiloho 12:11

E huriki e turane hita ri mulangi vona pali na darana Sipsip, na ngava muholi ri vakalongo e huriki vona. Ri mulangi a vuhuna i uka ma ri mangenge ni mate.

Kapiloho 13:2

A livoa iea i mata manga a pusi dagi tara ni gale a lepad. A vahana i manga a vahana bea. A ngavana i manga a ngavana laion. A mata dagi i habi a nitora dagi vona, i habia a gula hariki vona, a nitora ni matakari.

Kapiloho 14:12

I mavonga, e huriki a tara na Vure ri gi luhoi kado ri gi hatenono, re huriki ri longototo a vinara na Vure, ri luhoi torea e Isu.

Kapiloho 17:14

Bara ri vaubi na Tuna Sipsip, lakea a Tuna Sipsip bara i ratapile ria, a vuhuna ia a Bakovi Dagi ne huriki a bakovi dagi. Ia a Hariki ne huriki a hariki. I gale e huriki ri laho turana, i vulaki ria, ri rata a maki lobo i taki ria ri gi rata.”

Kapiloho 17:6

A masia a ngatavine iea, i ninu pali a darane huriki a tara na Vure, a dara ne huriki ri mate a vuhuna ri vakalongo e huriki ne Isu. I ninu a darane ria, i manga. Na tahuna a masia, a turutu.

Kapiloho 2:2

Iau a lohoka vona a narone mua. A lohoka na maka maregoa mu bole pali. A lohoka vona a hini mu hatenono na tahuna e huriki ri vakamadihi mua. A matakilaka vona mu koi ne huriki a bakovi hale. Mu toha e huriki ri taki ta ria a apostolo. Mu matai pali ria ri tatami.

Kapiloho 3:11

Iau ga bele malaviriri. A maki mu tahoka, mu nugu tata torea. A mapane mua, ma ge radia a bakovi tara.

Kapiloho 3:3

Mu luhoi tabu a ngava mu longoa, mu longototoa hosi. Mu longototoa, mu pulo a vilone mua. Mua bara mu koi ni hadongo, bara valai manga a viri i panaho. Bara valai vakaturutu, a habi a nimadihi ne mua.