Kapiloho 18:9 - A Nitana Vure

⁹ “E huriki a hariki na malala, ra ri mole turana, ri vivi ni muri mai a ningaru hale lobo na kakaine ria turana, bara ri tangi, ri haloho na tahuna ri masia a pokona kanono vona.

Kapiloho 18:9 Iomraidhean Croise

A Vuhuna 19:28

I mata puru o Sodoma o Gomora, i mata lokovonga liu i masia a bila i poko bulolo, i manga a pokona kanunga.

Vinara 29:23

A maka hania bara ri hale ri tabuli tavula. A maka maki ni kani bara i dili ne ria a mami a bega, i uka ma ri gi koru. A maka varili ranga i uka ma ri gi gaga vona a malala iea. A robo ne mua bara i manga e Sodoma, e Gomora, e Adma, e Seboim. Ra tanga nga e BAKOVI DAGI i ratapile hosi na tahuna i madihi a hatena ne huriki ri rata a naro hale.

1 Timoti 5:11

Pali naha ni here a rane huriki a havuri sirula, a vuhuna na tahuna ri hataki a kuline ria i milamila, bara ri lohopilea e Kristo, ri ngaru ni parangi tabu.

Kapiloho 14:11

A pokona nimadihi ne ria ge poko rike vakaroro. Ri uka nimalo, ri gi bole a nimadihi mavonga na haro, na rodo, re huriki ri kavurikea e Livoa turana hanuna, ri bole a kilakila na rana.”

Kapiloho 17:2

E huriki a hariki na malala ri rata hateka a naro na molenga turana. Ngane ri manga, i manga a viri i ninu a naru vagole, i manga.”

Kapiloho 18:18

ri tangi dagi, ri matanono mavonga a pokona tanga dagi iea, ri ta maea, ‘I uka tabu tara tanga ge kamumu manga a tanga iea.’

Kapiloho 18:20

Mua e huriki mu made na hunu, mu vivi! Mua e huriki a tara na Vure, e huriki a apostolo, e huriki a propet, mu vivi, a vuhuna a Vure i ratapilea a tanga iea, a vuhuna ri rata hale mua!”

Kapiloho 18:3

I bele maea, a vuhuna a tanga lobo na malala ri ninu vona a naru vagole na moleanga vona, ri manga. E huriki a hariki na malala ri mole turana. E huriki a bakovi ni habi a maki ni gi kona, ri bole a moni dagi, a vuhuna i kona ne ria a maki i kupo, a vuhuna i ngaru ni tahoka a mahala i kupo.”

Kapiloho 18:7

I vakabagetu mule ia, i pitei na mahala dagi vona. I mavonga, mu vakamadihia, mu ratea ge dedo. Mu rata mavonga, a vuhuna i taki mulea, i ta maea, ‘Iau a hariki ngatavine. Iau, i uka ma a havuri. I uka ma ge bele nau a vuranga, ga dedo.’

Kapiloho 19:3

Muri ri gale tala tabu, ri ta maea, “Kavurikea a Vure! A pokona e Babilon i nono bara i sike vakaroro, i uka nilobona.”

Kapiloho 2:22

Mu longo! Iau ga habi a gilanga dagi vona. E huriki lobo ri mole turana, ria i uka ma ri gi pulo a vilone ria, ga habi a maregoa dagi ne ria.