Kapiloho 18:6 - A Nitana Vure

⁶ Mu rata virihi ia, i manga a hini i rata virihi e huriki ranga. Mu koli balaka rua a naro hale vona. Mu guru puru na kikei na vain vona a vain i vagole hateka na vain i habi ne huriki ranga.

Kapiloho 18:6 Iomraidhean Croise

2 Timoti 4:14

E Aleksander, a mari ni kau a maki na aen, i rata hale hateka iau. Muri e Bakovi Dagi bara i kolia a naro i rata virihi iau vona.

Kapiloho 13:10

E huriki ni gi lakavu, bara ni lakavu ria. E huriki ni gi rabalaki na bainat, bara ri mate na bainat. I mavonga, e huriki a tara na Vure ri gi hatenono, ri gi luhoi torea a Vure.

Kapiloho 14:10

bara ri ninu vona a naru vagole na rongova na Vure, i uka ma ge kiroko. A kanono, a viku ru gu ratapile ria na matane huriki a agelo na Vure, na matane Tuna Sipsip.

Kapiloho 16:19

A vuruke i ratapilea a tanga dagi iea, i pukea na tabeke i tolu. A tanga dagi lobo na malala ri mapuka puru. A Vure i luhoia a tanga dagi e Babilon, i ratea ge ninu a kikei na naru vagole na rongova vona.

Kapiloho 17:2

E huriki a hariki na malala ri rata hateka a naro na molenga turana. Ngane ri manga, i manga a viri i ninu a naru vagole, i manga.”

Kapiloho 17:4

A ngatavine i rodoa a varakia kuakua, vururu. I bagetu vona a maki ni rata na gol, a kedo mata kamumu, a meki. I nugu a kikei ni rata na gol, i vonu vona a naru katoki, ra i manga a kanena naro katoki vona ni mole.

Kapiloho 18:20

Mua e huriki mu made na hunu, mu vivi! Mua e huriki a tara na Vure, e huriki a apostolo, e huriki a propet, mu vivi, a vuhuna a Vure i ratapilea a tanga iea, a vuhuna ri rata hale mua!”