Kapiloho 18:20 - A Nitana Vure

²⁰ Mua e huriki mu made na hunu, mu vivi! Mua e huriki a tara na Vure, e huriki a apostolo, e huriki a propet, mu vivi, a vuhuna a Vure i ratapilea a tanga iea, a vuhuna ri rata hale mua!”

Kapiloho 18:20 Iomraidhean Croise

Epesus 2:20

Mua mu manga a roho i haea a Vure. Mia e huriki a apostolo, e huriki a propet mi manga a butu na roho, i vonu a Vure. E Isu Kristo i manga a burena butu.

Epesus 3:5

I uka ma ni vakasiri ne huriki hosi. Pali ngane ni vakasiri ne huriki a apostolo a propet na Vure, na nitora na Hanuna.

Epesus 4:11

Ia kunana a viri i rata e huriki ranga, ge ria a apostolo, e huriki ranga ge ria a propet, e huriki ranga ri gi vakalongo a Velenga Kamumu, e huriki ranga ri gi matakari e huriki a tara na Vure, e huriki ranga ri gi tovo.

Vinara 32:42

Ga padi e huriki ri ngaru ni vaubi turagu, a darane ria ge madoko na kiniperi. E huriki i uka ma ri mate na vabinga, ria ranga ga rabalaki.”

2 Petrus 3:2

A ngaru mu gu luhoi tabu a ngava ne huriki a propet hosi, ri vakalongo muga vona a ra maki ge bele muri ma. Mu luhoi tabu a ngava i vakuku mua vona a Bakovi Dagi ne hita, a Viri i korimule hita. Mia e huriki a apostolo mi vakalongo mua vona pali.

Iuda 1:17

Mua o huriki a turagu, nahea mu gu turutu vona e huriki a bakovi nga, a vuhuna e huriki a apostolo ne Isu Kristo, a Bakovi Dagi ne hita, ri taki muga vona a maka naro nga.

Kapiloho 12:12

I mavonga, mu vivi, mua e huriki mu made na hunu. Pali mua e huriki mu made na malala, mu made na dari, bara mu bole a vuranga! A hanitu i puru valai mai mua. I madihi hateka a hatena, a vuhuna i lohoka vona a parava vona i popote kunana i tabana.”

Kapiloho 18:6

Mu rata virihi ia, i manga a hini i rata virihi e huriki ranga. Mu koli balaka rua a naro hale vona. Mu guru puru na kikei na vain vona a vain i vagole hateka na vain i habi ne huriki ranga.

Kapiloho 6:10

Ra hanune huriki nga ri gale dagi, ri ta maea, “O Bakovi Dagi, ioe o tahoka a nitora lobo. Ioe o kiripiripi. Ioe a vuhuna ngava muholi. Garika go pelekado e huriki na malala, go koli a naro hale ne ria, ri rabalaki mia?”