Kapiloho 18:11 - A Nitana Vure

¹¹ “E huriki a bakovi ri habi a mahala ni kona, ri tangi ngane. E rei ge kona ngane a mahala ne ria?

Kapiloho 18:11 Iomraidhean Croise

Mateo 22:5

“Pali i uka ma ri taratoto. Ri laho viliha. A viri tara i lakea na hania. A viri tara i vano ge rata a leho vona.

Ioanes 2:16

Muri i taki e huriki ri vahabi a balu, i ta maea, “Mu bole ha koea a maka balu ne mua! Naha ni ratea a roho ne Tata ge manga a roho na ni vahabi ni vakona a maki!”

2 Petrus 2:3

Ri raha, bara ri rata a ngava taminga ni bole a moni ne mua. A Vure i taki hosi pali ge pelekado ria, ge habi a nimadihi ne ria. I uka ma i tabaka, bara ri vurua.

Kapiloho 18:15

E huriki ri habi a maka maki nga ni kona, re huriki ri bole a mahala i kupo na tanga dagi iea, bara ri mangenge na nimadihi dagi i bolea, bara ri pesi basi, ri dedo, ri tangi maea,

Kapiloho 18:20

Mua e huriki mu made na hunu, mu vivi! Mua e huriki a tara na Vure, e huriki a apostolo, e huriki a propet, mu vivi, a vuhuna a Vure i ratapilea a tanga iea, a vuhuna ri rata hale mua!”

Kapiloho 18:23

A nipara i uka ma ge parai tabu ioe. A lohona bakovi a ngatavine ru parangi karaba i uka ma ni gi longo tabu pololilo vomu. E huriki a bakovi vomu ni habi a maki ni kona, ri dagi hateka ne huriki lobo na malala, o tami e huriki lobo na malala na muto vomu.

Kapiloho 18:3

I bele maea, a vuhuna a tanga lobo na malala ri ninu vona a naru vagole na moleanga vona, ri manga. E huriki a hariki na malala ri mole turana. E huriki a bakovi ni habi a maki ni gi kona, ri bole a moni dagi, a vuhuna i kona ne ria a maki i kupo, a vuhuna i ngaru ni tahoka a mahala i kupo.”

Kapiloho 18:9

“E huriki a hariki na malala, ra ri mole turana, ri vivi ni muri mai a ningaru hale lobo na kakaine ria turana, bara ri tangi, ri haloho na tahuna ri masia a pokona kanono vona.