Kapiloho 17:7 - A Nitana Vure

⁷ Pali a agelo i taki iau, i ta maea, “I navai o turutu? Ga taki ioe vona a pelegona kapiloho na ngatavine iea, turana livoa i rike vona, i tahoka a mapana i polorua, a pelengana i ravulu.

Kapiloho 17:7 Iomraidhean Croise

Kapiloho 1:20

Pali a hada i polorua a nugu na limagu a kanegu, turana butu na nipara i polorua ni rata na gol, ngane ga taki ioe vona a pelegona nita kapiloho. A hada i polorua nga, a agelo na tara na Vure i polorua. A butu na nipara nga, a tara na Vure i polorua.”

Kapiloho 12:3

Muri a kilakila tara i bele tabu na hunu. A masia a mata dagi i vururu! A mapana i polorua, a pelengana i ravulu. I kube na maka gina a tama hariki i polorua.

Kapiloho 17:8

Ra livoa o masia, hosi i made, pali ngane i uka. Ngane i popote ge sike valai na lovo i marangeo, ni gi ratapile. E huriki ri made na malala, re huriki, a rane ria i uka ma ni here dili na buk na nimahuri muga na nidoko na malala, bara ri masia a livoa iea, ri ngapa, a vuhuna i muga i made, pali ngane i uka ma i tabuli, pali muri ma bara i bele tabu.

Kapiloho 18:1

Muri a matai tabua tara agelo i pe a hunu, i puru valai. I tahoka a nitora dagi. A bagetuanga vona i parai a malala, i ratea i palala hateka.