Kapiloho 17:1 - A Nitana Vure

¹ Muri a agelo tara, a turane huriki a agelo ala polorua, ra ri guru tala a tavila i polorua, i valai, i taki iau, “O valai, ga vakasiri ioe vona a Vure ge vakamadihi navai a ngoi dagi, ra i made langa na naru i kupo.

Kapiloho 17:1 Iomraidhean Croise

Lukas 24:32

Lakea ru vanana, ru ta maea, “Muholi hateka, i rikerike a hatene tarua, na tahuna te lalaho na dala, i ta turane tarua, i tuveve puru ne tarua a ngava lobo na Hinere.”

Lukas 9:30

A bakovi ala rua, e Moses e Elaisa, ru bele vakaturutu turana bagetuanga na hunu, ru ta turana e Isu. To vata vona e Isu ge mate o Ierusalem.

Kapiloho 1:1

Iea ngane a ngava a Vure i vakalongo ne Isu Kristo, ge vakalongo polo ne huriki a vora vona. A ngava na maka maki ge bele malaviriri. I rudua a agelo vona ge vakalongo a ngava nga na vora vona, ra iau, e Ioanes.

Kapiloho 15:1

Muri a kilakila vakaturutu i bele na hunu. I dagi hateka, e huriki ri turutu vona. A matai a agelo ala polorua, ri nugu a vuranga i polorua. A vuranga nga, a iku na maka vuranga lobo, a vuhuna ri gi vakaloboa a rongova na Vure.

Kapiloho 16:19

A vuruke i ratapilea a tanga dagi iea, i pukea na tabeke i tolu. A tanga dagi lobo na malala ri mapuka puru. A Vure i luhoia a tanga dagi e Babilon, i ratea ge ninu a kikei na naru vagole na rongova vona.

Kapiloho 18:1

Muri a matai tabua tara agelo i pe a hunu, i puru valai. I tahoka a nitora dagi. A bagetuanga vona i parai a malala, i ratea i palala hateka.

Kapiloho 19:2

A naro i pelekado e huriki vona i muholi, i malamala. I vakamadihi pali a ngoi dagi, ra viri i vakahale e huriki lobo na malala na moleanga vona. A Vure i koli a narona ni rabalaki e huriki a vora vona.”

Kapiloho 19:9

Muri a agelo i taki iau, i ta maea, “O here maea: E huriki a Vure i gale ria ri gi valai na habu na parangia na Tuna Sipsip, ri gi vivi.” Muri i taki iau, “A ngava nga, a ngava muholi na Vure.”

Kapiloho 21:15

Ra agelo i ta turagu, i nugu a kodo ni rovai, ni rata na gol, ne vona ni rovai a tanga, a nure vona, turana maka logo vona.

Kapiloho 21:9

Muri a turana e huriki a agelo ala polorua, ra ri guru tala a tavila i polorua na ikuna vuranga i polorua, i valai, i taki iau, i ta maea, “O valai, ga vakasiri ioe vona e Girihina Tuna Sipsip, ra i parangi karaba vona.”

Kapiloho 4:1

Muri a mata lakea, a masia a logo i mata ka na hunu. Muri, a longo tabu a lohona viri a longo mugea, ra viri i nangi dagi manga a nangina tavure. I taki iau, i ta maea, “O sike valai. Ga vakasiri ioe vona a maki ge bele muri ma.”