Kapiloho 16:21 - A Nitana Vure

²¹ A vala kedo dagi i boru valai na hunu, ri taho e huriki. A nimava na vala kedo i taku i manga a kilo i 50! E huriki a bakovi a ngatavine ri harogia a Vure, a vuhuna a vuranga iea i dagi hateka.

Kapiloho 16:21 Iomraidhean Croise

A Nimariu 9:18

Ngane o longo, kuduvi na tahuna maea ga rudu vilia a vala-kedo. Ra vala-kedo maea i uka ma i boru hosi koea o Egipto, i tubu na tahuna e Egipto ni rata rike karaba, i valai i harena mona.

A Nimariu 9:22

Muri e BAKOVI DAGI i takia e Moses, “O toto rike na hunu a limamu, ge boru puru a vala-kedo na tabeke lobo ne Egipto, ge ratapile e huriki a bakovi, a hos, a bulmakau, a maki ni kani na hania.”

Iosua 10:11

Na tahuna e huriki a Amor ri ha ramaia a dala na lolo i raga o Bet-Horon, e BAKOVI DAGI i vakaboru a vala-kedo, i padimate e huriki a Amor, i vano i harena o Aseka. E huriki ri mate na vala-kedo i kupo hateka na viri e huriki a Israel ri rabalaki na bainat.

Kapiloho 11:19

Muri a Roho na Vure meli na hunu, ni tala. A Tava na Ngava Dagi ni matai i tabuli pololilo na Roho vona. A vila i maravila, i kururu, i pelaka, a vuruke i pori, a vala kedo dagi i boru.

Kapiloho 16:11

Pali i uka ma ri pulo a vilone ria, ri gi ngalahere na naro hale ne ria. Ri harogia a Vure meli na hunu na nimadihi dagi ri bole, na maka ngarava i tuvu ne ria.

Kapiloho 16:9

A haro i kara hateka, i gutu parina kesi e huriki. Pali i uka ma ri pulo a vilone ria, ri gi vakabagetua a Vure. Ri harogia a rana Vure, ra viri i matakari a maka vuranga nga.

Kapiloho 8:7

A agelo muga i vakia a tavure vona, lakea a vala kedo turana kanono, a dara, ni voro puru na malala. A maka maki ni nagi na tabeke i tolu. A tabekena malala i taku, a tabekena kai i taku ni gutu na kanono, i lobo. A varili lobo na malala i nono lobo liu.