Kapiloho 16:14 - A Nitana Vure

¹⁴ A leho na hanitu nga, to go havai, to go rata a nivakasiri, to go tuli valai e huriki a hariki lobo na malala, ri gi vapopo turana maka tara ne ria, ri gi vaubi na parava dagi na Vure i tuhaka hateka ge pelekado e huriki vona.

Kapiloho 16:14 Iomraidhean Croise

Mateo 24:14

A Velenga Kamumu na harikianga bara ni vakalongo taro na tanga lobo na malala. Muri bara i bele a nilobona parava.

Mateo 24:24

a vuhuna e huriki a nitamine kristo, a nitamina propet bara ri bele, ri rata a maka nivakasiri dagi, a maki dagi ni turutu vona, ri ngaru ni tami e huriki. Bara i kara ria, bara ri tami tabu e huriki a bakovi a ngatavine a Vure i vulaki ria.

Markus 13:22

a vuhuna e huriki a nitamina kristo, a nitamina propet bara ri pesi rike, ri rata a maka nivakasiri dagi, a maki dagi ni turutu vona, ri ngaru ni tami e huriki. Bara i kara ria, bara ri tami tabu e huriki a bakovi a ngatavine a Vure i vulaki ria.

Lukas 2:1

Na tahuna iea e Kaiser Augustus i vakuku e huriki ri gi hamule mai a vuhutanga ne ria, ri gi here puru a rane ria. I mavonga ni gi gi palupu e huriki a bakovi a ngatavine na tabeke lobo i matakari e Rom. A rabu ni gi palupu e huriki lobo i uka ma ni rata hosi. Ni rata karaba ngane na tahuna e Kuirinus i matakari o Siria.

Ioanes 8:44

Mua e huriki e tune Satan, lakea mu ngaru ni muri mai a ningaru vona. Muga na hunu a malala ni ratarike, ia a bakovi ni rabalaki a viri, i koi ni muri mai a ngava muholi, a vuhuna i uka tara ngava muholi ge takia. Na tahuna i tami a viri, i ta na tabelena, a vuhuna ia a marapusi, a tamana marapusianga.

A Raukea e Paulus i Here Lakea ne Huriki a Rom 1:8

A ngaru ni taki taro mua, na tahuna a luhoi mua, a kavurikea a Vure nau na rane Isu Kristo, a vuhuna na tanga lobo ri tuverei vona a hini mu luhoi torea e Kristo.

2 Tesalonika 2:9

Na tahuna a bakovi ni longotaro a Vure i bele kavakava, bara i leho na nitora ne Satan. Bara i rata a maka nitamina nivakasiri legelege.

1 Timoti 4:1

A Hanu Kiripiripi i ta kavakava i ta maea, muri ma, na nilobona parava ta ge valai, i ranga e huriki bara ri ha taroa a Vure. Lakea bara ri vakatubu ni muri mai a ngava taminga i valai ne huriki a hanitu.

Iakop 3:15

Ra rabu nga i uka ma ru valai na Vure, a naro na malala kunana. Ra naro maea ru bele na vilo hosi, ru valai na hanitu.

Iosua 11:5

Ri ru palupu e huriki a tara ne ria, ri vaubi turane huriki a Israel. A mada ne ria ri ratea tabukoi na naru e Merom.

1 Ioanes 5:19

Hita e huriki a ngate na Vure. Pali e huriki ranga, a nitora ne Satan i matakari ria.

Kapiloho 12:9

Lakea a Mata Dagi ni voro puru. Ra mata hosi ni gale a hanitu, o e Satan. Ra viri i tami e huriki lobo na malala. Ni voro puru na malala turana e huriki a agelo vona.

Kapiloho 13:3

A gina tara i mata manga i tahoka a harena bainat i mate vona, pali ni vakamahuri pali, a harena bainat i mavu pali. E huriki lobo na malala ri turutu vona, ri ramaia e Livoa iea.

Kapiloho 16:16

A hanitu i tolu nga, to tuli valai e huriki a hariki nga, ri vapopo na tanga tara, ra ni gale na nita Hibru e Armagada.

Kapiloho 16:7

Muri a longoa a dede na nihabi i ta maea, “O Bakovi Dagi, Vure Tuhaka hateka, i muholi hateka, a naro vomu ni pelekado e huriki i malamala, i kamumu.”

Kapiloho 17:14

Bara ri vaubi na Tuna Sipsip, lakea a Tuna Sipsip bara i ratapile ria, a vuhuna ia a Bakovi Dagi ne huriki a bakovi dagi. Ia a Hariki ne huriki a hariki. I gale e huriki ri laho turana, i vulaki ria, ri rata a maki lobo i taki ria ri gi rata.”

Kapiloho 20:8

Bara i pagitala valai, i tami e huriki lobo na tabeke lobo na malala, re huriki a Gog, a Magog. Bara i gale valai ria, ri gi vapopo, ri gi vaubi. Ri ala kupo hateka, ni keri ni gi, i manga a hire na lavu.

Kapiloho 3:10

Mu longototo iau na tahuna a taki mua mu gu hatenono, mu gu pesi tora na maregoa. I mavonga ga matakari mua, i uka ma mu gu dili na tahuna na nitoni, ra popote ge valai na tanga lobo na malala, ge toha e huriki lobo ri made na malala.

Kapiloho 6:17

a vuhuna a parava dagi na rongova ne rua i bele ngane. Pali e rei ge mahuri?”