Kapiloho 16:10 - A Nitana Vure

¹⁰ A limana agelo i guru puru na gula hariki ne Livoa, a tavila vona. A uvo i kavitagua a harikianga vona. A nimadihi dagi i bele ne huriki, lakea ri kani mule a tabelene ria.

Kapiloho 16:10 Iomraidhean Croise

Mateo 13:42

Bara ri voro rike ria na kanono dagi, lakea bara ri tangi, i madihi a hatene ria, ri karatata mavonga a ngine ria.

Mateo 13:50

Bara ri voro rike na kanono dagi e huriki a bakovi hale, lakea bara ri tangi, i madihi a hatene ria, ri karatata mavonga a ngine ria.”

Mateo 22:13

Lakea a hariki i taki e huriki a bolekori vona, i ta maea, ‘Mu kolotata a limana, a vahana, mu voro talea na uvo, na tabeke a Vure i uka ma i made vona. E huriki na tabeke iea ri tangi, i vaheri mavonga a ngine ria, a vuhuna i madihi a hatene ria.’

Mateo 24:51

Lakea a bakovi dagi bara i tolo pilea ra vora iea. Muri bara i ru turane huriki a tabele rua. Ra tanga iea, e huriki bara ri tangi, i vaheri mavonga a ngine ria, a vuhuna i madihi a hatene ria.

Mateo 8:12

Pali e huriki a Iuda, ra ri made muga na harikianga bara ni tono tala na uvo. Bara ri tangi, i vaheri mavonga a ngine ria a vuhuna i madihi a hatene ria.”

Lukas 13:28

“Muri ma bara mu matai e Abraham, e Isak, e Iakop turana e huriki a propet lobo ri dili na harikianga na Vure. Pali mua bara ni lili tala, lakea bara mu tangi, i madihi a hatene mua, mu kara tata mavonga a ngine mua.

1 Petrus 2:17

Mu togo e huriki lobo. Mu ngaru e huriki e turane hita. Mu mangenge na Vure. Mu togoa a hariki.

Kapiloho 11:10

E huriki lobo na malala ri gi vivi hateka na matenga ne rua. Ri gi rata a habu dagi, ri gi vahabi a maki, a vuhuna a propet ala rua nga ru habi a nimadihi dagi ne huriki na malala, ru mate pali.

Kapiloho 11:2

Pali naha ni rovai a mataruma, polovavo na Roho na Vure. Naha ni rovai, a vuhuna a tabeke iea ni habi ne huriki i uka ma ria a Iuda, ri gi paha katoa a tanga na Vure na keva i ravulu va a polona i rua.

Kapiloho 11:8

lakea a podane rua ru gu tabuli na rosi na tanga dagi, ra ni ta vakakika vona e Sodoma, e Egipto, na tanga ni paditata na kai tavalavala a Bakovi Dagi ne rua.

Kapiloho 17:17

Ri gi rata mavonga, a vuhuna a Vure i habi a niluhoi ne ria ri gi rata mavonga, ri gi ratea a ningaru na Vure, ri gi tahoka a ningaru i taku kunana, ri gi habi na livoa a nitora ne ria ni matakari, ge matakari, ge vano ge harena na tahuna a nitana Vure i bele muholi.

Kapiloho 17:9

“Mu luhoi kamumu. A mapana livoa i polorua ri manga a lolo i polorua, ra i made ne ria a ngatavine iea.

Kapiloho 18:2

I gale tala dagi hateka, i ta maea, “A tanga dagi e Babilon i vurua, i vurua pali! Ngane i made vona kunana e huriki a hanitu, a maka kadirovo hale, a maka maki ri tegi ri hale.

Kapiloho 18:21

Muri a agelo hateka i bole rikea a kedo dagi, i manga a kedo ni ubi vila a vit vona. I bolea, i voro purua na dari, i ta maea, “A tanga dagi e Babilon tara, ni gi voro puru hale, i uka ma ni gi matai tabu.

Kapiloho 18:23

A nipara i uka ma ge parai tabu ioe. A lohona bakovi a ngatavine ru parangi karaba i uka ma ni gi longo tabu pololilo vomu. E huriki a bakovi vomu ni habi a maki ni kona, ri dagi hateka ne huriki lobo na malala, o tami e huriki lobo na malala na muto vomu.

Kapiloho 8:12

A agelo i va i vakia a tavure vona. Muri a haro, a keva, a maka hada ni ubi, lakea a nipara ne ria i puru. A haro, a rodo, ranga, ni ratapile. Na haro, i uka ma i para a haro na tahuna ranga. Na rodo, a keva a hada i uka ma ri para na tahuna ranga.

Kapiloho 9:2

I talea a logo na lovo i marangeo, lakea a pokona kanono dagi i poko tala vona, i ratea a hini i katoki, i kavitagua a haro.