Kapiloho 15:5 - A Nitana Vure

⁵ Muri a masia a Roho na Vure na hunu ni tala, ra Kape na Ngava Dagi.

Kapiloho 15:5 Iomraidhean Croise

A Nimariu 25:21

Ga habi vomu a tabekena kedo ge rua ru tahoka a Ngava Dagi ni here ne rua, o ru dili na tava o tukaria a matana.

A Nimariu 38:21

Ni gi palupu a maka gol, a silva, a bras ni hae a kape na Ngava Dagi vona. E Moses kunana i taki e huriki a Levi ri ratea a leho iea. E Itamar e tune Aron a prister, i matakaria ra leho iea.

Ni Gi 1:50

Pali, o habi a leho ne ria ri gi matakari a kape na Ngava Dagi turana a maka mahalana, ri gi rata a leho ne ria. Ri gi kalohoa a kape turana a maka mahalana, ri gi matakari. A maka kape ne ria ri gi vakapesi halui na kape nau.

Ni Gi 1:53

Pali e huriki na kabu ne Levi ri gi vakapesi haluia a kape na Ngava Dagi, a maka kape ne ria ri gi tagaria, ma ge valai tabukoi vona tara viri, ge rata iau ga tahate ga vakabele a vuranga ne mua a Israel.”

Mateo 27:51

Malaviriri kunana a lava­lava dagi na roho na Vure i mavida valai meli i puru tano, i bale rua. A vuruke i pori, i makeve a maka kedo dagi.

Hibru 8:5

Ri leho manga prister na kape na Vure koea na malala. Ra kape na Vure iea, i manga kunana a hanuna kape muholi na Vure i pesi na hunu. Hosi, muga ne Moses ta ge vakapesia a kape na Vure, a Vure i takia, i ta maea, “O lohotata vona a naro na kape a vakasiri ioe vona na lolo, o ramai kamumua.”

Kapiloho 11:19

Muri a Roho na Vure meli na hunu, ni tala. A Tava na Ngava Dagi ni matai i tabuli pololilo na Roho vona. A vila i maravila, i kururu, i pelaka, a vuruke i pori, a vala kedo dagi i boru.

Kapiloho 13:6

Lakea i harogia a Vure, i harogia a rana, i harogia a murina a Vure i made vona, i harogi e huriki ri made na hunu.