Kapiloho 15:2 - A Nitana Vure

² Muri a masia tara maki, i mata manga a dari ni rata na glas, ni pulo turana kanono. A matai tabu e huriki ri rangi mugea e Livoa turana hanuna, ri rangia a namba na rana. Ri pesi na harena dari ni rata na glas, ri nugu a hap, i habi ne ria a Vure.

Kapiloho 15:2 Iomraidhean Croise

Mateo 3:11

“Iau a vahilolo mua na naru a vuhuna mu pulo a vilone mua. Pali a bakovi tara bara i luve muri nau i tuhaka hateka nau. Iau i uka ma a bakovi kamumu ga bole polo a vahapolo vona. Na tahuna i valai, bara i vahilolo mua na Hanu Kiripiripi, a kanono.

1 Petrus 1:7

Mu gu bole taro a nimadihi na nitoni legelege, ge vakasiri mu luhoi tora muholi. A gol a maki i uka ma ge tabuli vakaroro. Pali ia tara, ni toni na kanono. I mavonga, a niluhoi ne mua, ra i dagi hateka na gol, ni gi toni taro, ge tabuli tabaka. Na tahuna mu bole a nitoni, pali mu pesi tata ni luhoi tora, bara ni kavurike mua, bara ni vakabagetu mua, bara ni togo mua na tahuna e Isu Kristo i bele kavakava.

1 Petrus 4:12

Mua o huriki a turagu, a maka nitoni dagi bara ri valai, ri toha mua manga a kanono. Naha ni turutu manga a maki maea i uka ma ge bele.

Kapiloho 12:11

E huriki e turane hita ri mulangi vona pali na darana Sipsip, na ngava muholi ri vakalongo e huriki vona. Ri mulangi a vuhuna i uka ma ri mangenge ni mate.

Kapiloho 13:1

Muri a masia tara livoa i pagitala na dari. A mapana i polorua. A pelengana i ravulu, i tabuli ne ria a tama hariki i ravulu. Ni here na maka gina takutaku a maka rana. A pelegona rana nga ri ta hale na Vure.

Kapiloho 13:14

Ni mata taro ge rata a maka nivakasiri na murina Livoa muga, lakea i tami e huriki lobo na malala, i taki ria ri gi kau a hanuna Livoa iea, ne vona ni togoa e Livoa, a harena bainat i tabuli na gina, pali i uka ma i mate, i mahuri.

Kapiloho 13:17

A kilakila iea, a rane Livoa muga, o a namba na rana. E rei a viri i uka kilakila, i uka ma ge kona a maki, i uka ma ge habi a maki ni gi kona.

Kapiloho 21:18

A nure ni rata na kedo a iaspa. A tanga ni rata na gol, i maga manga a glas.

Kapiloho 4:6

A maki manga a dari i malilo kamumu, i mata manga a glas, i maga hateka, i tabuli na ngalana gula hariki iea. A maki mahuri i va to pesi halui a gula hariki, na tabekena i va. A matane tou i kupo hateka, to kavitagu a ngalane tou, a bitone tou.

Kapiloho 5:8

I bole loboa a raukea iea, muri a maki mahuri i va, turana e huriki a nupesi ala ravulu rua a polona i va, ri tabuli puru na ngalana Tuna Sipsip. Ria lobo ri nugu a hap turana ulo ni rata na gol ri vona a havu mangisipa. A havu iea a maka nivasileki ne huriki a tara na Vure.