Kapiloho 14:17 - A Nitana Vure

¹⁷ Muri a agelo tara tabu i pagitala na Roho na Vure na hunu. Ia tara i nugua a vito i vere hateka.

Kapiloho 14:17 Iomraidhean Croise

Kapiloho 11:19

Muri a Roho na Vure meli na hunu, ni tala. A Tava na Ngava Dagi ni matai i tabuli pololilo na Roho vona. A vila i maravila, i kururu, i pelaka, a vuruke i pori, a vala kedo dagi i boru.

Kapiloho 14:16

Lakea a bakovi i made langa na bubu i bolea a vito vona, i voro tamali purua na malala, i vali kadolu a maki ni kani i moro na malala.

Kapiloho 14:18

Muri a agelo tara i pea a dede na nihabi, i pagitala na Roho na Vure, i valai. A agelo iea i tahoka a nitora ni matakari a kanono na dede. I gale tala dagi, i takia a agelo, ra i nugua a vito vere, i ta maea, “A kanena vain i rara pali. O bolea a vito vere vomu, o vali kadolu na malala a kanena vain, a vuhuna i rara pali.”

Kapiloho 16:1

Muri a longoa a lohona viri i gale tala dagi na Roho na Vure, i taki e huriki a agelo ala polorua, i ta maea, “Mu vano, mu guru puru na malala a tavila i polorua nga, ra ri vona a rongova na Vure.”

Kapiloho 16:17

A poloruana agelo i guru puru na vilu a tavila vona. I rata mavonga, a lohona viri tara i gale tala dagi na Roho na Vure, na gula hariki, i ta maea, “I lobo pali!”