Kapiloho 14:15 - A Nitana Vure

¹⁵ Lakea a agelo tara tabu i pagitala na Roho na Vure, i gale tala dagi, i takia ra viri i made langa na bubu, i ta maea, “A maki ni kani na malala i moro pali. A parava ni mirio i valai pali. O bolea a vito vomu, o vali kadolu!”

Kapiloho 14:15 Iomraidhean Croise

A Vuhuna 15:6

E BAKOVI DAGI i galea e Abram a bakovi malamala, a vuhuna i luhoi a nitana.

Mateo 13:30

Mu dava. Muri ma na tahuna e huriki ri gi mirio, bara taki ria ri gi pasi vuroki muga a kukuni, ri gi kolo palupu, ri gi rungani. Muri bara ri mirio a vit, ri bole lakea na roho na vit.’”

Mateo 13:39

A pile, ra i varo a kukuni, i manga e Satan. A parava na nimirio i manga a nilobona parava. E huriki ri mirio ri manga e huriki a agelo.

Mateo 23:32

Pali ngane mu vakalobo a leho e huriki e tubune mua ri doko hosi.

Markus 4:29

Pali na tahuna a kanena i moro ngane, a bakovi iea i valai malaviriri, i vali a vit, i ru kadolu, a vuhuna a parava ni mirio i valai pali.”

1 Tesalonika 2:16

a vuhuna ri ngaru ni ta pupukari mateu nahea mete ge vakalongo a Velenga Kamumu ne mua e huriki i uka ma mua a Iuda. Ri koi mu gu bole a nimahuri vakaroro. Ra i mavonga, a naro hale ne huriki a Iuda nga ri vakalipopo ri kupo hateka. Ngane a Vure i madihi a hatena pali ne ria, i pelekado ria.

Kapiloho 11:19

Muri a Roho na Vure meli na hunu, ni tala. A Tava na Ngava Dagi ni matai i tabuli pololilo na Roho vona. A vila i maravila, i kururu, i pelaka, a vuruke i pori, a vala kedo dagi i boru.

Kapiloho 13:12

I tahoka a nitora manga e Livoa muga, i matakari na rana. I rata e huriki lobo na malala ri kavurikea e Livoa muga, ra viri ni padi a gina, pali i mahuri mule.

Kapiloho 14:14

A mata rike tabu, a masia a bubu keakea. I made langa vona a viri i manga a tuna bakovi. I kubea a tama hariki ni rata na gol. I nugu a vito i vere hateka.

Kapiloho 14:16

Lakea a bakovi i made langa na bubu i bolea a vito vona, i voro tamali purua na malala, i vali kadolu a maki ni kani i moro na malala.

Kapiloho 14:17

Muri a agelo tara tabu i pagitala na Roho na Vure na hunu. Ia tara i nugua a vito i vere hateka.

Kapiloho 14:18

Muri a agelo tara i pea a dede na nihabi, i pagitala na Roho na Vure, i valai. A agelo iea i tahoka a nitora ni matakari a kanono na dede. I gale tala dagi, i takia a agelo, ra i nugua a vito vere, i ta maea, “A kanena vain i rara pali. O bolea a vito vere vomu, o vali kadolu na malala a kanena vain, a vuhuna i rara pali.”

Kapiloho 15:6

E huriki a agelo i polorua ri pagitala valai, ri nugu a vuranga i polorua. Ri rodo a varakia ola keakea, ri kabakaba, ri para hateka. Ri huraki a mota ni rata na gol.

Kapiloho 16:17

A poloruana agelo i guru puru na vilu a tavila vona. I rata mavonga, a lohona viri tara i gale tala dagi na Roho na Vure, na gula hariki, i ta maea, “I lobo pali!”

Kapiloho 6:10

Ra hanune huriki nga ri gale dagi, ri ta maea, “O Bakovi Dagi, ioe o tahoka a nitora lobo. Ioe o kiripiripi. Ioe a vuhuna ngava muholi. Garika go pelekado e huriki na malala, go koli a naro hale ne ria, ri rabalaki mia?”