Kapiloho 14:11 - A Nitana Vure

¹¹ A pokona nimadihi ne ria ge poko rike vakaroro. Ri uka nimalo, ri gi bole a nimadihi mavonga na haro, na rodo, re huriki ri kavurikea e Livoa turana hanuna, ri bole a kilakila na rana.”

Kapiloho 14:11 Iomraidhean Croise

A Vuhuna 19:28

I mata puru o Sodoma o Gomora, i mata lokovonga liu i masia a bila i poko bulolo, i manga a pokona kanunga.

A Nimariu 15:18

Nimariu BAKOVI DAGI, a nimatakari vomu i tabuli vakaroro.”

Mateo 11:28

“E rei a viri i tahoka a nimava i kupo, o valai nau, ga habi a nimalo vomu.

Mateo 25:41

“Muri bara i taki e huriki ri pesi na limana a maurina, i ta maea, ‘Mu ha nau. A Vure i ruduraha mua. Mu vano, mu puru na kanono i nono vakaroro. Ra kanono iea, ni tunu puru ge puru vona e Satan turana e huriki a agelo vona, re huriki a hanitu.

Mateo 25:46

“Muri bara ri vano, ri bole a nimadhi vakaroro. Pali e huriki ri malamala bara ri bole a nimahuri vakaroro.”

Vinara 28:65

Na tahuna mu made turana a maka kabu nga, i uka ma mu gu matavisi a nimade kamumu. Bara mu bala a tanga na tabeke mu taki ta a malala ne mua. E BAKOVI DAGI bara i rata mua mu luhoi viliha, i madihi a hatene mua, bara mu luhoi mu velu pali.

Hibru 1:8

Pali a Vure i luhoia e Tuna, lakea i ta maea, “Ioe, a Vure, go matakari vakaroro, o matakari e huriki na naro kiripiripi.

Kapiloho 11:15

Muri, a poloruana agelo i vakia a tavure vona. Lakea a longo e huriki ri ta dagi meli na hunu, ri ta maea, “A harikianga na malala ngane ne vona e Bakovi Dagi ne hita, turana e Kristo vona. Ge matakari na parava vakaroro, i uka nilobona.”

Kapiloho 13:12

I tahoka a nitora manga e Livoa muga, i matakari na rana. I rata e huriki lobo na malala ri kavurikea e Livoa muga, ra viri ni padi a gina, pali i mahuri mule.

Kapiloho 13:15

Ni mata taro ge ratea a hanuna Livoa iea ge mahuri, ge ta, ge vakuku ni gi rabalaki e huriki ri koi ni kavurike a hanune Livoa iea.

Kapiloho 13:17

A kilakila iea, a rane Livoa muga, o a namba na rana. E rei a viri i uka kilakila, i uka ma ge kona a maki, i uka ma ge habi a maki ni gi kona.

Kapiloho 14:9

Muri, i muri valai a toluna agelo, i ta dagi, i ta maea, “E huriki ri kavurikea e Livoa turana hanuna, ri bole a kilakila na dumene ria o na limane ria,

Kapiloho 18:18

ri tangi dagi, ri matanono mavonga a pokona tanga dagi iea, ri ta maea, ‘I uka tabu tara tanga ge kamumu manga a tanga iea.’

Kapiloho 18:9

“E huriki a hariki na malala, ra ri mole turana, ri vivi ni muri mai a ningaru hale lobo na kakaine ria turana, bara ri tangi, ri haloho na tahuna ri masia a pokona kanono vona.

Kapiloho 19:3

Muri ri gale tala tabu, ri ta maea, “Kavurikea a Vure! A pokona e Babilon i nono bara i sike vakaroro, i uka nilobona.”

Kapiloho 20:10

Lakea a hanitu, ra viri i tami e huriki nga, ni voro puru na darilomu na viku, a kanono, muga a nitamina propet turana e Livoa, ni voro puru vonga. To go bole a nimadihi dagi na haro, na rodo, na parava vakaroro, i uka nilobona.

Kapiloho 22:5

A rodo i uka ma ge bele tabu vonga. I uka ma ri gi ngarua a nipara, o a haro, a vuhuna a Vure e Bakovi Dagi ia a nipara ne ria. Ri gi matakari turana na parava vakaroro, i uka nilobona.

Kapiloho 7:12

ri ta maea, “I muholi! A Vure ne hita i bagetu kamumu hateka! I tahoka a nipara dagi hateka! I tahoka a lohokanga lobo! Si gi kavurike vakaroro ia! Si gi togo vakaroro ia! I tahoka a nitora lobo! I tuhaka hateka! I muholi!”