Kapiloho 14:10 - A Nitana Vure

¹⁰ bara ri ninu vona a naru vagole na rongova na Vure, i uka ma ge kiroko. A kanono, a viku ru gu ratapile ria na matane huriki a agelo na Vure, na matane Tuna Sipsip.

Kapiloho 14:10 Iomraidhean Croise

A Vuhuna 19:24

Muri e BAKOVI DAGI i vakaboru valai na hunu a bega i vila, i boru puru ne Sodoma e Gomora.

Mateo 20:22

E Isu i koli, i ta maea, “I uka ma moto lohoka vona a maki moto nana vona. A nimadihi i tabukoi ga bolea, i kara marua muru gu kalohoa, o i uka?” Ru koli e maki tari rua, ru ta maea, “I kara maria.”

Mateo 25:41

“Muri bara i taki e huriki ri pesi na limana a maurina, i ta maea, ‘Mu ha nau. A Vure i ruduraha mua. Mu vano, mu puru na kanono i nono vakaroro. Ra kanono iea, ni tunu puru ge puru vona e Satan turana e huriki a agelo vona, re huriki a hanitu.

Mateo 26:39

I laho lokovonga popote i tabuli ngala­tudu, i vasileki, “O Tata, ioe bara o ngaru, o bole vurokia nau a nimadihi dagi iea ta ge valai. Pali naha ni ramai a ningaru nau. O ramai kunana a ningaru vomu.”

Markus 8:38

Koea na malala ri rata hateka a molenga, a naro hale. Pali e rei a viri i maruhu nau, i maruhu na ngava nau ngane, a Tuna Bakovi bara i maruhu vona muri ma, na tahuna i valai na nipara ne Tamana, turana e huriki a agelo vona.”

Apostolo 10:22

Lakea to koli, to ta maea, “E Kornelius, a ubu na tara na nugumaheto ala 100, i rudu mateu mete valai. Ia a bakovi malamala, i togoa a Vure. E huriki a Iuda lobo ri ngarua. A agelo na Vure i takia ge taki ioe, go lakea na ruma vona, ge longo ranga ngava go taki.”

Vinara 29:23

A maka hania bara ri hale ri tabuli tavula. A maka maki ni kani bara i dili ne ria a mami a bega, i uka ma ri gi koru. A maka varili ranga i uka ma ri gi gaga vona a malala iea. A robo ne mua bara i manga e Sodoma, e Gomora, e Adma, e Seboim. Ra tanga nga e BAKOVI DAGI i ratapile hosi na tahuna i madihi a hatena ne huriki ri rata a naro hale.

Iuda 1:7

Hosi e huriki a bakovi a ngatavine o Sodoma, o Gomora, na maka tanga tabukoi ne rua, ria ranga ri rata a naro hale. E Bakovi Dagi i ratapile ria, a vuhuna ri ramai a maka naro hale legelege na molenga. Ri ramai a ningaru hale na kakaine ria. A naro ri rata, i uka ma a naro muholi. I ratapile ria na kanono i tabuli vakaroro. A Vure i rata ria ri manga a kilakila na a ra maki ge bele ne huriki ri ngalahere vona.

Kapiloho 15:7

Tara ne huriki a maki mahuri i va i valai, i habi ne ria a tavila i polorua ni rata na gol. A tavila nga ri vona a rongova na Vure, ra i mahuri vakaroro.

Kapiloho 16:19

A vuruke i ratapilea a tanga dagi iea, i pukea na tabeke i tolu. A tanga dagi lobo na malala ri mapuka puru. A Vure i luhoia a tanga dagi e Babilon, i ratea ge ninu a kikei na naru vagole na rongova vona.

Kapiloho 18:3

I bele maea, a vuhuna a tanga lobo na malala ri ninu vona a naru vagole na moleanga vona, ri manga. E huriki a hariki na malala ri mole turana. E huriki a bakovi ni habi a maki ni gi kona, ri bole a moni dagi, a vuhuna i kona ne ria a maki i kupo, a vuhuna i ngaru ni tahoka a mahala i kupo.”

Kapiloho 18:6

Mu rata virihi ia, i manga a hini i rata virihi e huriki ranga. Mu koli balaka rua a naro hale vona. Mu guru puru na kikei na vain vona a vain i vagole hateka na vain i habi ne huriki ranga.

Kapiloho 19:15

A bainat i vere hateka i pagitala na ngavana. Ge ratapile e huriki i uka ma ria a Iuda, “ge matakari hateka ria, i manga a viri i matakari e huriki na lebo ni rata na aen.” Ge pahabebe e huriki na murina ni pahabebe na rongova na Vure i Tuhaka Hateka.

Kapiloho 19:20

Pali e Livoa ni lakavu turana nitamina propet vona, ra i rata muga a maka nivakasiri dagi na matane Livoa, i tami e huriki ri bole a kilakila ne Livoa, ri vasileki na hanuna. Rua varago ni voro puru mahuri na lovo na kanono, a viku.

Kapiloho 20:10

Lakea a hanitu, ra viri i tami e huriki nga, ni voro puru na darilomu na viku, a kanono, muga a nitamina propet turana e Livoa, ni voro puru vonga. To go bole a nimadihi dagi na haro, na rodo, na parava vakaroro, i uka nilobona.

Kapiloho 20:14

Muri, a matenga, a muri ne huriki ri mate pali, ni voro puru na darilomu na kanono. A naro iea ni gale a ruana matenga, a darilomu na kanono.

Kapiloho 21:8

Pali e huriki ri mangenge, e huriki i uka ma ri luhoi tora, e huriki ri katoki na matagu, e huriki ri rabalaki a viri, e huriki ri mole, e huriki ri rata a muto, a malulu, e huriki ri vasileki na nitamina vure, e huriki ri tatami, a murine ria a darilomu i nono na viku a kanono. Ia ni gale a ruana matenga.”