Kapiloho 13:7 - A Nitana Vure

⁷ A Vure i mata taroa, i vaubi turana e huriki a tara na Vure, i mulangi. I habi a nitora vona ge matakari e huriki lobo na malala, e huriki a kabu lobo, a kuli lobo, a maka tabele lobo, a maka robo lobo na malala.

Kapiloho 13:7 Iomraidhean Croise

A Nimariu 9:16

Pali iau a matataro mua i uka ma mu bole a vuranga ma, ga vakasiri mua vona a nitora dagi nau, lakea e huriki bara ri vakarere a ragu na tabeke lobo na malala.

Lukas 4:6

Lakea a hanitu i takia e Isu, i ta maea, “Bara habi lobo vomu a maka tanga nga turana bagetua ne ria, a vuhuna a maka tanga nga ni habi lobo nau, lakea iau bara habi na viri a ngarua.

Ioanes 19:11

E Isu i koli, i ta maea, “A Vure a viri i habi a nitora vomu. Ia i uka ma ge habia vomu a nitora iea, i uka ma go tahoka a nitora ni rabalaki iau. Pali a viri i habi iau na limamu, a naro hale vona i dagi hateka na naro hale vomu.”

Kapiloho 10:11

Muri ni taki iau, “O ta propet tabu, o vakalongo e huriki vona a Vure ge rata navai na kabu i kupo, a robo i kupo, e huriki ri ta na tabele legelege, a hariki i kupo.”

Kapiloho 11:18

E huriki i uka ma ria a Iuda, i madihi a hatene ria, pali a rongova vomu i bele. A parava i bele pali, go pelekado e huriki ri mate pali, go rata kamumu e huriki a vora vomu, re huriki a propet, e huriki a tara na Vure, e huriki lobo ri togoa a ramu, e huriki a bakovi tavula, e huriki a bakovi dagi. A parava i bele pali go ratapile e huriki ri ratapile a malala.”

Kapiloho 11:7

Na tahuna ru vakalobo a leho ne rua ni ta propet, e Livoa bara i sike valai na lovo i marangeo, bara i vaubi turane rua. Bara i mulangi, i rabalaki rua,

Kapiloho 12:17

Muri a mata, i madihi hateka a hatena vona a ngatavine, lakea i vano, i vaubi turana e huriki e tuna ranga, re huriki ri longo mai a vinara na Vure, ri luhoi tora a ngava muholi ne Isu. A mata i vano, i pesi na lavu na dari.

Kapiloho 17:15

Muri a agelo i ta maea, “A maka naru o masia a ngoi i made langa ne ria, ri manga e huriki a bakovi a ngatavine na robo lobo, na tabele lobo na malala.

Kapiloho 5:9

Lakea ri kaloloa a linge karaba, ri kalolo maea, “Ioe kunana, i kara ioe go bolea a raukea iea, go laga vuroki a buluka ni pipikari vona, a vuhuna ni rabalaki ioe, a daramu i konamule e huriki a bakovi a ngatavine, ri gi ne vona a Vure. O kona tala ria na kabu lobo na malala, a tabele lobo na malala, a kuli lobo na malala, na robo lobo na malala.