Kapiloho 13:6 - A Nitana Vure

⁶ Lakea i harogia a Vure, i harogia a rana, i harogia a murina a Vure i made vona, i harogi e huriki ri made na hunu.

Kapiloho 13:6 Iomraidhean Croise

Mateo 12:34

Mua e huriki a tuna mata. A narone mua i hale, lakea a ngavane mua, ria ranga ri hale. A ngava si taki i valai pololilo na hatene hita.

Mateo 15:19

A maki hale nga ri pagitala na hatena bakovi: a niluhoi hale, a naro ni rabalaki a viri, a molenga, a panahoa, a marapusianga, a nipadimomo.

Ioanes 1:14

A Nita i bele manga a bakovi, i made turane hita. Mi masia a bagetuanga vona, a bagetuanga ne Tuna a Madiva, ra viri i valai ne Tamana. Ia a mari ni dodo, a mari ni ta muholi.

A Raukea e Paulus i Here Lakea ne Huriki a Rom 3:13

“Na ngavane ria, ri bimate e huriki. A tabelene ria, ri tatami kunana.” “A nitane ria i ratapile e huriki, i manga a mata hale i kara mate a viri.”

Kolosi 1:19

a vuhuna a Vure i ngaru a rabuna lobo ge tabuli vona.

Kolosi 2:9

Nahea ri gi tami mua, a vuhuna a naro lobo na Vure i tabuli pololilo na kakaine Kristo.

Hibru 9:2

Ra Mailo na Vure iea, ni hae maea. A tabeke ni dili vona muga ni gale a ‘Tabeke Nitaba’. A butuna lam turana dede ni ru langa a bret ni habi na Vure ru tabuli pololilo vona.

Hibru 9:24

a vuhuna e Kristo i uka ma ia a prister na malala, ge dili na tabeke ni taba, ra i tabuli pololilo na kape ni hae na limana bakovi. I uka. A mailo iea a hanuna maki muholi na hunu. I sike liu na hunu, na matana Vure, i leho ni kori hita.

Kapiloho 11:12

Muri ru longoa a lohona viri na hunu i ta dagi, i taki rua, i ta maea, “Muru sike valai!” Lakea ru sike na hunu turana bubu, pali e huriki a pile ne rua ri matanono kunana.

Kapiloho 12:12

I mavonga, mu vivi, mua e huriki mu made na hunu. Pali mua e huriki mu made na malala, mu made na dari, bara mu bole a vuranga! A hanitu i puru valai mai mua. I madihi hateka a hatena, a vuhuna i lohoka vona a parava vona i popote kunana i tabana.”

Kapiloho 15:5

Muri a masia a Roho na Vure na hunu ni tala, ra Kape na Ngava Dagi.

Kapiloho 18:20

Mua e huriki mu made na hunu, mu vivi! Mua e huriki a tara na Vure, e huriki a apostolo, e huriki a propet, mu vivi, a vuhuna a Vure i ratapilea a tanga iea, a vuhuna ri rata hale mua!”

Kapiloho 21:3

A longoa a lohona viri i gale valai na gula hariki, i ta dagi, i ta maea, “Mu longo! A Vure i made turana e huriki a bakovi. Ge made turane ria, ge ria e huriki a ngate vona, ge ia a Vure ne ria.

Kapiloho 4:1

Muri a mata lakea, a masia a logo i mata ka na hunu. Muri, a longo tabu a lohona viri a longo mugea, ra viri i nangi dagi manga a nangina tavure. I taki iau, i ta maea, “O sike valai. Ga vakasiri ioe vona a maki ge bele muri ma.”

Kapiloho 4:4

A gula hariki i ravulu rua a polona i va ri pesi halui a gula hariki iea. E huriki a nupesi ala ravulu rua a polona i va ri made na gula hariki nga. Ri rodo a varakia keakea, ri kube a tama hariki ni rata na gol.

Kapiloho 5:13

Muri a longo a maki mahuri lobo na hunu, a maki mahuri lobo na malala, polotano na malala, pololilo na dari, ria lobo ri ta maea, “A viri i made na gula hariki, turana Tuna Sipsip, si gi vakabagetu, si gi togo, si gi kavurike vakaroro rua!”

Kapiloho 7:15

“I mavonga ri pesi na ngalana gula hariki na Vure. Na haro, na rodo ri kavurike ia kunana. A viri i made na gula hariki ge made turane ria, ge matakari ria.

Kapiloho 7:9

Muri a matai a tara dagi hateka, ni keri ni gi! Ri valai na robo lobo na malala, na kabu lobo na malala, na kuli lobo na malala, na tabele lobo na malala. Ri pesi na ngalana gula hariki, na ngalana Tuna Sipsip. Ri rodo a varakia ola keakea, ri nugu a pagana niu.