Kapiloho 13:2 - A Nitana Vure

² A livoa iea i mata manga a pusi dagi tara ni gale a lepad. A vahana i manga a vahana bea. A ngavana i manga a ngavana laion. A mata dagi i habi a nitora dagi vona, i habia a gula hariki vona, a nitora ni matakari.

Kapiloho 13:2 Iomraidhean Croise

2 Timoti 4:17

Pali e Bakovi Dagi kunana i pesi turagu, i habi a nitora nau, ga vakalongo a Velenga Kamumu lobo koea ne huriki i uka ma ria a Iuda. A Vure i korimule iau na ngina laion.

1 Petrus 5:8

Mu matapara, mu matadoko, a vuhuna a pile ne mua, e Satan, i laho viliha manga a laion i roro, i matakana a viri ge ratapilea.

Kapiloho 12:13

Na tahuna a Mata Dagi i matakilaka vona ni voro puru na malala, i vano, i valili vona a ngatavine, ra muga i podea a koma bakovi.

Kapiloho 12:15

Lakea a mata i muta tala a naru, i tua lakea na ngatavine, ta ge vakapasiri ia vona.

Kapiloho 12:9

Lakea a Mata Dagi ni voro puru. Ra mata hosi ni gale a hanitu, o e Satan. Ra viri i tami e huriki lobo na malala. Ni voro puru na malala turana e huriki a agelo vona.

Kapiloho 13:12

I tahoka a nitora manga e Livoa muga, i matakari na rana. I rata e huriki lobo na malala ri kavurikea e Livoa muga, ra viri ni padi a gina, pali i mahuri mule.

Kapiloho 13:4

Ri kavurikea a Mata Dagi, a vuhuna i habi ne Livoa a nitora. Ri kavurike tabua e Livoa, ri ta maea, “I uka tara viri i manga a Livoa iea. E rei i kara ni vaubi turana?”

Kapiloho 16:10

A limana agelo i guru puru na gula hariki ne Livoa, a tavila vona. A uvo i kavitagua a harikianga vona. A nimadihi dagi i bele ne huriki, lakea ri kani mule a tabelene ria.

Kapiloho 17:12

“A pelengana livoa i ravulu o matai pali, ri manga a hariki i ravulu. I uka ma ri bole ma a nitora. Muri ma bara ri bole a nitora ni matakari, manga a hariki. Bara ri matakari turana e Livoa na parava popote kunana.

Kapiloho 19:20

Pali e Livoa ni lakavu turana nitamina propet vona, ra i rata muga a maka nivakasiri dagi na matane Livoa, i tami e huriki ri bole a kilakila ne Livoa, ri vasileki na hanuna. Rua varago ni voro puru mahuri na lovo na kanono, a viku.

Kapiloho 2:13

Iau a lohoka vona mu made vai. A gula hariki ne Satan i tabuli na tanga iea. Pali mu tabana ni pesi tora na ragu. E Antipas, ra bakovi ne mua i kinigao ni taki tala a nitagu, ni rabalaki vonga na tanga ne Satan. Pali i uka ma mu lobo ni luhoi tora iau.

Kapiloho 20:2

I puru valai, i lakavua a Mata Dagi, ra mata i laho paru hosi, ra hanitu, e Satan. I lakavua, i kolotatea ge tabuli na pida i ravulu rangale (1,000).