Kapiloho 13:16 - A Nitana Vure

¹⁶ A ruana Livoa i vakuku e huriki lobo, e huriki a bakovi dagi, e huriki a bakovi tavula, e huriki ri tahoka a mahala, e huriki a matasia, e huriki a vora, e huriki i uka ma ria a vora, e huriki lobo ni gi ru a kilakila na limana kanene ria, o na dumene ria.

Kapiloho 13:16 Iomraidhean Croise

A Nimariu 13:9

Ra habu iea i manga a kilakila na limane mua, na dumene mua. Bara i rata mua mu luhoi, mu vata vona a vinara ne BAKOVI DAGI, a vuhuna na nitora dagi vona i vakamariu tala hita o Egipto.

Apostolo 26:22

Pali a Vure i tuhori iau vakaroro. Ngane a pesi koea, a vakalongo e huriki a matasia, e huriki a bakovi dagi. A vakalongo kunana a ngava ne Moses, e huriki a propet ri takia ge bele.

1 Korin 12:13

E huriki ranga a Iuda, e huriki ranga a Grik, e huriki ranga a vorakato, e huriki ranga i uka ma ria a vora, hita lobo, a Hanu Kiripiripi i vahilolo hita, si bele manga a kakaine Kristo i taku kunana. Hita lobo si vaveru vona a Hanu Kiripiripi i taku kunana.

Galesia 3:28

Mua lobo mu rihi e Kristo, ngane mua lobo mu manga a viri ala taku. I uka tabu a Iuda, o a viri i uka ma a Iuda. I uka tabu a vorakato, o a viri i uka ma a vorakato. I uka tabu a bakovi o a ngatavine. Mu palupulupu.

Galesia 6:17

I vakatubu ngane, nahea tara viri ge vakamarego iau, a vuhuna a harena lebo i tabuli na kuligu, a vuhuna a luhoi torea e Isu.

Epesus 6:8

a vuhuna mu lohoka vona, ioe a vora, o i uka ma ioe a vora, a ra maki kamumu o ratea, e Bakovi Dagi bara i habia vomu a mapamu.

Vinara 11:18

“Mu ru dili na hatene mua, na niluhoi ne mua a vinara nga. Mu kolotata puru na limane mua, mu ru na dumene mua, ge manga a kilakila i uka ma mu gu longokaburungi.

Vinara 6:8

Mu kolotata puru na limane mua, mu kolo na dumene mua, ge manga a kilakila i uka ma mu gu longokaburungi.

Kolosi 3:11

Na matana Vure e huriki a Iuda, e huriki i uka ma ria a Iuda, e huriki ni pala a kuline ria, e huriki i uka ma ni pala a kuline ria, e huriki a bakovi na robo, e huriki a vora, e huriki i uka ma ria a vora, ria lobo ri palupulupu na matana Vure. E Kristo ia a maki lobo, i made pololilo ne huriki ri luhoi torea.

2 Timoti 3:8

Hosi e Ianes rua e Iambres ru marikoi vona a ngavane Moses. I mavonga kunana e huriki a bakovi nga ri marikoi a ngava muholi, a niluhoi ne ria i hale kunana. Ri tamilalu ni luhoi torea a Vure.

Kapiloho 11:18

E huriki i uka ma ria a Iuda, i madihi a hatene ria, pali a rongova vomu i bele. A parava i bele pali, go pelekado e huriki ri mate pali, go rata kamumu e huriki a vora vomu, re huriki a propet, e huriki a tara na Vure, e huriki lobo ri togoa a ramu, e huriki a bakovi tavula, e huriki a bakovi dagi. A parava i bele pali go ratapile e huriki ri ratapile a malala.”

Kapiloho 15:2

Muri a masia tara maki, i mata manga a dari ni rata na glas, ni pulo turana kanono. A matai tabu e huriki ri rangi mugea e Livoa turana hanuna, ri rangia a namba na rana. Ri pesi na harena dari ni rata na glas, ri nugu a hap, i habi ne ria a Vure.

Kapiloho 19:18

Mu valai, mu kani a bobone huriki a hariki, e huriki a ubu, e huriki a bakovi hateka, a maka hos turana e huriki ri rike ne ria, a bobone huriki a vora, e huriki i uka ma ria a vora, e huriki a bakovi tavula, e huriki a bakovi dagi, e huriki a bakovi lobo.”

Kapiloho 19:20

Pali e Livoa ni lakavu turana nitamina propet vona, ra i rata muga a maka nivakasiri dagi na matane Livoa, i tami e huriki ri bole a kilakila ne Livoa, ri vasileki na hanuna. Rua varago ni voro puru mahuri na lovo na kanono, a viku.

Kapiloho 19:5

Muri a longoa a lohona viri tara na gula hariki i ta maea, “Mua e huriki a vora na Vure, mua e huriki a bakovi dagi, a bakovi tavula, ra mu mangenge na Vure, mu kavurikea a Vure ne hita!”

Kapiloho 20:12

Lakea a matai e huriki ri mate pali, re huriki a bakovi dagi, e huriki a bakovi tavula, ria lobo ri pesi na ngalana gula hariki. A maka buk ni veve. A buk tara tabu ni veve, ra buk na nimahuri. Ni pelekado a narone huriki lobo ri mate pali, i ramai a ngava ni here na buk nga, ra a maka narone ria ri rata hosi na malala.

Kapiloho 20:4

Muri a matai a maka gula hariki. E huriki ri made ne ria, a Vure i habi a leho ne ria, ri gi pelekado a narone huriki. A matai tabu a hanune huriki a bakovi. E huriki nga ri taki tala a ngava ne Isu, a nitana Vure, i uka ma ri kavurikea e Livoa, o a hanuna, i uka ma ri bole a kilakila vona na dumene ria, na limane ria, lakea ni palakudu a lohone ria. Ngane ri mahuri mule, ri matakari turane Kristo na pida i ravulu rangale.

Kapiloho 6:15

Lakea e huriki a hariki na malala, e huriki a bakovi dagi, e huriki a ubu na tara, e huriki a bakovi na mahala, e huriki ri tahoka a nitora, e huriki lobo, re huriki a vorakato, e huriki i uka ma ria a vorakato, ria lobo ri ha, ri kapiloho pololilo na maka babe, polotano na maka kedo dagi na lolo.

Kapiloho 7:3

i ta maea, “Mu dava. Naha ni rata hale ma a malala, a dari, a maka kai. Mi gi ru taro a kilakila na Vure ne teu na dumene huriki a vora vona.”