Kapiloho 13:13 - A Nitana Vure

¹³ A ruana livoa i rata a maka nivakasiri dagi. A nivakasiri tara i ratea, i vakaboru na hunu a kanono, na matana e huriki a bakovi a ngatavine.

Kapiloho 13:13 Iomraidhean Croise

A Nimariu 7:22

E huriki a bakovi na malulu o Egipto ria ranga ri rata ra naro i ratea e Aron. Lakea e Parao i gigitora, i uka ma i longototo e Moses e Aron. I tababana ni hehe, i manga a ngava e BAKOVI DAGI i taki mugea.

A Nimariu 8:7

E huriki a bakovi na malulu, ria ranga ri rata mavonga. Ri rata a maka bura ri pe a naru ri rike na malala ne Egipto.

A Nimariu 9:11

E huriki a bakovi na malulu i uka ma ri bele ne Moses, a vuhuna i tuvu ne ria a loto turane huriki lobo o Egipto.

Ni Gi 16:35

E BAKOVI DAGI i rudua a kanono, i valai i gutu parina e huriki a bakovi ala 250, ra ri rata a nihabi na havu mangisipa.

Mateo 16:1

Na parava tara e huriki a Pariseo a Sadusi ri valai ri gi tonia e Isu. Ri takia ge ratea tara nivakasiri, ri gi matakilaka vona i valai na Vure.

Mateo 24:24

a vuhuna e huriki a nitamine kristo, a nitamina propet bara ri bele, ri rata a maka nivakasiri dagi, a maki dagi ni turutu vona, ri ngaru ni tami e huriki. Bara i kara ria, bara ri tami tabu e huriki a bakovi a ngatavine a Vure i vulaki ria.

Markus 13:22

a vuhuna e huriki a nitamina kristo, a nitamina propet bara ri pesi rike, ri rata a maka nivakasiri dagi, a maki dagi ni turutu vona, ri ngaru ni tami e huriki. Bara i kara ria, bara ri tami tabu e huriki a bakovi a ngatavine a Vure i vulaki ria.

2 Timoti 3:8

Hosi e Ianes rua e Iambres ru marikoi vona a ngavane Moses. I mavonga kunana e huriki a bakovi nga ri marikoi a ngava muholi, a niluhoi ne ria i hale kunana. Ri tamilalu ni luhoi torea a Vure.

Kapiloho 11:5

E rei a viri i ngaru ni rata hale rua, a kanono bara i pagitala na ngavane rua, bara i gutu parina e huriki a pile ne rua. E huriki ri ngaru ni rata hale rua bara ri mate vona a naro iea.

Kapiloho 16:14

A leho na hanitu nga, to go havai, to go rata a nivakasiri, to go tuli valai e huriki a hariki lobo na malala, ri gi vapopo turana maka tara ne ria, ri gi vaubi na parava dagi na Vure i tuhaka hateka ge pelekado e huriki vona.

Kapiloho 19:20

Pali e Livoa ni lakavu turana nitamina propet vona, ra i rata muga a maka nivakasiri dagi na matane Livoa, i tami e huriki ri bole a kilakila ne Livoa, ri vasileki na hanuna. Rua varago ni voro puru mahuri na lovo na kanono, a viku.

Kapiloho 20:9

Ri laho na bila dagi na malala, ri pesi halui a mada ne huriki a tara na Vure, na tanga dagi a Vure i ngaru hatekea. Pali a kanono i mapasi tala na hunu, i gutu parina e huriki a nugumaheto nga, ri lobo.