Kapiloho 13:10 - A Nitana Vure

¹⁰ E huriki ni gi lakavu, bara ni lakavu ria. E huriki ni gi rabalaki na bainat, bara ri mate na bainat. I mavonga, e huriki a tara na Vure ri gi hatenono, ri gi luhoi torea a Vure.

Kapiloho 13:10 Iomraidhean Croise

Mateo 26:52

Lakea e Isu i takia, “O ru mulea na murina a bainat vomu, a vuhuna e rei a viri i vaubi na bainat bara i vurua na bainat.

Mateo 7:2

Bara i pelekado mua ge manga a hini mu pelekado e huriki ranga. A naro mu rata virihi e huriki ranga, a Vure tara bara i rata virihi mua vona.

Lukas 21:19

Mu pesi tata na niluhoi ne mua, bara mu bole a nimahuri.

Kolosi 1:11

A Vure ge vakatora hateka mua na nitora dagi lobo vona, lakea i uka ma mu gu tuha malulu, mu gu hatenono,

Hibru 6:12

Naha ni malai. Mu muri mai a narone huriki ri luhoi tora, ri hatenono, ri bole a maki i ta muholi muga vona a Vure ge habi ne huriki e tuna.

Kapiloho 1:9

Iau e Ioanes, a turane mua. Si vaveru na ni bole a nimadihi na rane Isu. A dili turane mua na harikianga na Vure, si pesi tora ni ramaia e Isu. Iau a vara e huriki na nitana Vure, a ngava ne Isu, lakea ni lakavu iau, ni ru dili iau na bavi, koea na bodu e Patmos.

Kapiloho 11:18

E huriki i uka ma ria a Iuda, i madihi a hatene ria, pali a rongova vomu i bele. A parava i bele pali, go pelekado e huriki ri mate pali, go rata kamumu e huriki a vora vomu, re huriki a propet, e huriki a tara na Vure, e huriki lobo ri togoa a ramu, e huriki a bakovi tavula, e huriki a bakovi dagi. A parava i bele pali go ratapile e huriki ri ratapile a malala.”

Kapiloho 14:12

I mavonga, e huriki a tara na Vure ri gi luhoi kado ri gi hatenono, re huriki ri longototo a vinara na Vure, ri luhoi torea e Isu.

Kapiloho 16:6

I kamumu, a vuhuna ri rabalaki e huriki a tara na Vure, e huriki a propet, i tua a darane ria. I mavonga i kamumu o habi ne ria a dara, ri gi ninu!”

Kapiloho 17:11

“Pali a livoa, ra i made muga, pali ngane i uka ma i tabuli, i manga a polotoluna hariki. Ia e turane huriki a hariki ala polorua. Pali bara ni ratapile.

Kapiloho 17:8

Ra livoa o masia, hosi i made, pali ngane i uka. Ngane i popote ge sike valai na lovo i marangeo, ni gi ratapile. E huriki ri made na malala, re huriki, a rane ria i uka ma ni here dili na buk na nimahuri muga na nidoko na malala, bara ri masia a livoa iea, ri ngapa, a vuhuna i muga i made, pali ngane i uka ma i tabuli, pali muri ma bara i bele tabu.

Kapiloho 2:19

Iau a lohoka na narone mua. Mu vangaru, mu luhoi tora iau, mu vakori, mu hatenono na maregoa. I muga a narone mua i kamumu, pali ngane i kamumu hateka.

Kapiloho 2:2

Iau a lohoka vona a narone mua. A lohoka na maka maregoa mu bole pali. A lohoka vona a hini mu hatenono na tahuna e huriki ri vakamadihi mua. A matakilaka vona mu koi ne huriki a bakovi hale. Mu toha e huriki ri taki ta ria a apostolo. Mu matai pali ria ri tatami.

Kapiloho 3:10

Mu longototo iau na tahuna a taki mua mu gu hatenono, mu gu pesi tora na maregoa. I mavonga ga matakari mua, i uka ma mu gu dili na tahuna na nitoni, ra popote ge valai na tanga lobo na malala, ge toha e huriki lobo ri made na malala.

Kapiloho 3:3

Mu luhoi tabu a ngava mu longoa, mu longototoa hosi. Mu longototoa, mu pulo a vilone mua. Mua bara mu koi ni hadongo, bara valai manga a viri i panaho. Bara valai vakaturutu, a habi a nimadihi ne mua.