Kapiloho 13:1 - A Nitana Vure

¹ Muri a masia tara livoa i pagitala na dari. A mapana i polorua. A pelengana i ravulu, i tabuli ne ria a tama hariki i ravulu. Ni here na maka gina takutaku a maka rana. A pelegona rana nga ri ta hale na Vure.

Kapiloho 13:1 Iomraidhean Croise

Kapiloho 11:7

Na tahuna ru vakalobo a leho ne rua ni ta propet, e Livoa bara i sike valai na lovo i marangeo, bara i vaubi turane rua. Bara i mulangi, i rabalaki rua,

Kapiloho 12:3

Muri a kilakila tara i bele tabu na hunu. A masia a mata dagi i vururu! A mapana i polorua, a pelengana i ravulu. I kube na maka gina a tama hariki i polorua.

Kapiloho 13:11

Muri a matai tabua tara livoa, i pagitala valai na malala. A pelengana i rua, i manga a tuna sipsip. A nitana i manga a nitana Mata Dagi.

Kapiloho 13:14

Ni mata taro ge rata a maka nivakasiri na murina Livoa muga, lakea i tami e huriki lobo na malala, i taki ria ri gi kau a hanuna Livoa iea, ne vona ni togoa e Livoa, a harena bainat i tabuli na gina, pali i uka ma i mate, i mahuri.

Kapiloho 13:15

Ni mata taro ge ratea a hanuna Livoa iea ge mahuri, ge ta, ge vakuku ni gi rabalaki e huriki ri koi ni kavurike a hanune Livoa iea.

Kapiloho 15:2

Muri a masia tara maki, i mata manga a dari ni rata na glas, ni pulo turana kanono. A matai tabu e huriki ri rangi mugea e Livoa turana hanuna, ri rangia a namba na rana. Ri pesi na harena dari ni rata na glas, ri nugu a hap, i habi ne ria a Vure.

Kapiloho 16:13

Muri a matai a hanitu i tolu, to page tala na ngavana Mata Dagi, a ngavane Livoa, a ngavana nitamina propet. A hanitu nga to mata manga a puho.

Kapiloho 17:16

Pali a livoa, ra o masia baroko, turana pelengana, bara ri marikoi a ngoi iea. A livoa tara, ge marikoi vona. Bara ri ratapilea, ri kali tala a varakia vona, ge bobo. Bara ri kani a bobona, ri gutua na kanono ge lobo.

Kapiloho 17:3

Lakea a Hanuna Vure i bele tora nau, a agelo i kaloho iau, miri lakea na tabeke i ngeki. A masia vonga a ngatavine i made langa na livoa vururu. Ni here vona a maka rana ri ta hale na Vure. A livoa iea, a mapana i polorua, a pelengana i ravulu.

Kapiloho 17:5

A rana ni here na dumena matana, i tahoka a pelegona kapiloho. Ni here maea, “A tanga dagi e Babilon. E kinane huriki a ngoi, a kinana maka naro katoki na malala.”

Kapiloho 19:19

Muri a matai e Livoa turana e huriki a hariki na malala, turana maka tara ne ria, ri vapopo ta ri gi vaubi turana viri i made na hos keakea, a tara vona.