Kapiloho 12:9 - A Nitana Vure

⁹ Lakea a Mata Dagi ni voro puru. Ra mata hosi ni gale a hanitu, o e Satan. Ra viri i tami e huriki lobo na malala. Ni voro puru na malala turana e huriki a agelo vona.

Kapiloho 12:9 Iomraidhean Croise

A Vuhuna 3:1

A mata i moro hateka na rabu na taminga, i rangi a maka livoa lobo e BAKOVI DAGI a Vure i rata rike. I nanea a ngatavine, “I muholi a Vure i taki marua, nahea muru gu kani a maka kanena kai lobo na hania?”

A Vuhuna 3:13

Muri e BAKOVI DAGI a Vure i nanea a ngatavine, “A ra o ratea ke?” Lakea a ngatavine i koli, “A mata i tami iau a kania a kanena kai.”

Mateo 13:39

A pile, ra i varo a kukuni, i manga e Satan. A parava na nimirio i manga a nilobona parava. E huriki ri mirio ri manga e huriki a agelo.

Mateo 24:24

a vuhuna e huriki a nitamine kristo, a nitamina propet bara ri bele, ri rata a maka nivakasiri dagi, a maki dagi ni turutu vona, ri ngaru ni tami e huriki. Bara i kara ria, bara ri tami tabu e huriki a bakovi a ngatavine a Vure i vulaki ria.

Mateo 25:41

“Muri bara i taki e huriki ri pesi na limana a maurina, i ta maea, ‘Mu ha nau. A Vure i ruduraha mua. Mu vano, mu puru na kanono i nono vakaroro. Ra kanono iea, ni tunu puru ge puru vona e Satan turana e huriki a agelo vona, re huriki a hanitu.

Mateo 4:1

Na parava tara a Hanu Kiripiripi i rudua e Isu ge lakea na tabeke i ngeki, a hanitu ge tonia vonga.

Mateo 4:10

Lakea e Isu i takia, “Satan, o ha nau! A ngava ni here puru na Hinere i maea, ‘O kavurikea e Bakovi Dagi, a Vure vomu, o ramai kunana ia.’”

Mateo 4:5

Muri a hanitu i tulia e Isu, i vakapesi langea na mapana roho na Vure o Ierusalem,

Mateo 4:8

Muri a hanitu i tuli tabua e Isu, ru lakea na mapana lolo dagi tara. I vakasiria vona a tanga lobo na malala, a bagetua ne ria.

Lukas 10:18

E Isu i koli i ta maea, “A masia e Satan i boru valai na hunu, i manga a vila.

Lukas 13:16

Ra ngatavine iea, ia a hamone Abraham. I ratapilea e Satan na pida i ravulu a polona i polotolu. Pali ge navai, i uka ma ni gi kori na Parava Nimalo?”

Lukas 22:3

Lakea e Satan i dili ne Iudas Iskariot, a turane huriki a murimuri ala ravulu a polona i rua.

Lukas 22:31

Lakea e Isu i ta maea, “Simon, Simon, o longo! E Satan i nana tora a Vure pali ge toni tora mua.

Lukas 8:12

A vutuna ri boru puru na dala ri manga e huriki ri longo a ngava. Muri i valai a hanitu i panaho tala a ngava na hatene ria, i uka ma ri gi luhoi tora, i uka ma ri gi bole a nimahuri vakaroro.

Ioanes 12:31

Ngane a Vure ge pelekado e huriki, ge lili talea a matakari na malala.

Ioanes 14:30

I uka ma ga ta vilihui lokovonga, a vuhuna a matakari na malala ta ge valai ngane. Pali i uka nitora ge ratea nau.

Ioanes 16:11

Ge vakasiri ria ne Tata ge pelekado e huriki, a vuhuna i pelekadoa pali a matakari na malala, i matarida a nitora vona.

Ioanes 8:44

Mua e huriki e tune Satan, lakea mu ngaru ni muri mai a ningaru vona. Muga na hunu a malala ni ratarike, ia a bakovi ni rabalaki a viri, i koi ni muri mai a ngava muholi, a vuhuna i uka tara ngava muholi ge takia. Na tahuna i tami a viri, i ta na tabelena, a vuhuna ia a marapusi, a tamana marapusianga.

Apostolo 26:18

go vakapalala a matane ria, ri gi pe a uvo, ri gi valai na hini i palala, ri gi ha vona a nitora ne Satan, ri gi valai na Vure, i mavonga a Vure bara i puga vuroki a naro hale ne ria, ri gi bole a murine ria turana e huriki ri luhoi a Vure ni vulaki pali.’

A Raukea e Paulus i Here Lakea ne Huriki a Rom 16:18

E huriki nga i uka ma ri rata a leho ne Kristo a Bakovi Dagi ne hita. Ri ngaru ni ramai a ningaru ne ria kunana. Ri voko e huriki na ngava, ri tami e huriki a muri golu.

A Raukea e Paulus i Here Lakea ne Huriki a Rom 16:20

A Vure a viri i habi a nivalemu. I uka ma ge tabaka, bara i pahamomoa e Satan polotano na vahane mua. A Bakovi Dagi ne hita, e Isu Kristo, ge rata kamumu mua.

2 Korin 11:14

I uka ma a turutu ne ria, a vuhuna e Satan tara i tamilalu, ta ia a agelo na nipara.

2 Korin 11:3

Pali a mangenge, ma ni gi tami mua, mu gu lobo ni luhoia e Kristo na naro malamala, na naro muholi, i manga hosi a mata i tamia e Eva.

2 Korin 12:7

Ni habi nau a maregoa, i uka ma ga gigi tora vona a maki a Vure i vakasiri nau. A vinuru ne Satan i rata iau, i uka ma ga gigi tora.

2 Korin 2:11

A rata mavonga, e Satan i uka ma ge tami hita. I uka ma si manga vona a narona.

2 Korin 4:4

A vure na malala i vakauvo a niluhoi ne huriki i uka ma ri luhoi torea e Kristo, i uka ma ri gi matai a nipara na Velenga Kamumu na bagetuanga ne Kristo, re Kristo ia a Vure.

Epesus 4:14

Muri i uka ma si gi vilikoma tabu. A maka nitovo karaba legelege i uka ma ri gi kule lae hita manga a aga, i kule laea a vilu, a bokona dari. Na tahuna e huriki ri ngaru ni tami hita na nita taminga ne ria, i nangi manga a ngava muholi, i uka ma si gi longo mai.

2 Tesalonika 2:3

Naha ni longo mai ria, a vuhuna a parava iea i uka ma ge bele tavula. I muga, e huriki ala kupo bara ri tagege, ri longotaro a nitana Vure. Muri, a bakovi ni longotaro a Vure bara i bele kavakava, ra bakovi iea bara i vurua na kanono.

1 Timoti 2:14

Pali e Satan i uka ma i tamia e Adam. I tamia e Eva, lakea e Eva i longotaroa a Vure.

2 Timoti 3:13

Pali e huriki a bakovi hale, e huriki a bakovi na taminga, a narone ria bara i hale liu. Ri tami e huriki. Ria ranga, e huriki bara ri tami ria.

Hibru 2:14

E Isu i bele manga kunana a bakovi, a vuhuna hita e huriki a Vure i gale hita e tuna a bakovi. I bele manga a bakovi, ge mate, ge ratapilea a viri i nugua a nitora na matenga, re Satan.

1 Petrus 5:8

Mu matapara, mu matadoko, a vuhuna a pile ne mua, e Satan, i laho viliha manga a laion i roro, i matakana a viri ge ratapilea.

1 Ioanes 5:19

Hita e huriki a ngate na Vure. Pali e huriki ranga, a nitora ne Satan i matakari ria.

Iuda 1:9

Pali a agelo dagi, e Mikael, i uka ma i harogi tavula e huriki a agelo hale. Hosi, i vaubi turane Satan, ru vagege vona a podane Moses, e rei ge bolea. I uka ma i ratapilea e Satan na ngava. I ta kunana, i ta maea, “E Bakovi Dagi ge tahate ioe.”

Kapiloho 12:12

I mavonga, mu vivi, mua e huriki mu made na hunu. Pali mua e huriki mu made na malala, mu made na dari, bara mu bole a vuranga! A hanitu i puru valai mai mua. I madihi hateka a hatena, a vuhuna i lohoka vona a parava vona i popote kunana i tabana.”

Kapiloho 12:3

Muri a kilakila tara i bele tabu na hunu. A masia a mata dagi i vururu! A mapana i polorua, a pelengana i ravulu. I kube na maka gina a tama hariki i polorua.

Kapiloho 12:7

Muri a vabinga dagi i bele na hunu. E Mikael turana e huriki a agelo vona ri vaubi turana Mata Dagi, e huriki a agelo vona. A mata dagi turana e huriki a agelo vona, ri koli,

Kapiloho 12:8

pali i uka ma ri gao, i uka ma ri mulangi, lakea ni tono tala ria na hunu.

Kapiloho 13:14

Ni mata taro ge rata a maka nivakasiri na murina Livoa muga, lakea i tami e huriki lobo na malala, i taki ria ri gi kau a hanuna Livoa iea, ne vona ni togoa e Livoa, a harena bainat i tabuli na gina, pali i uka ma i mate, i mahuri.

Kapiloho 16:14

A leho na hanitu nga, to go havai, to go rata a nivakasiri, to go tuli valai e huriki a hariki lobo na malala, ri gi vapopo turana maka tara ne ria, ri gi vaubi na parava dagi na Vure i tuhaka hateka ge pelekado e huriki vona.

Kapiloho 18:2

I gale tala dagi hateka, i ta maea, “A tanga dagi e Babilon i vurua, i vurua pali! Ngane i made vona kunana e huriki a hanitu, a maka kadirovo hale, a maka maki ri tegi ri hale.

Kapiloho 18:23

A nipara i uka ma ge parai tabu ioe. A lohona bakovi a ngatavine ru parangi karaba i uka ma ni gi longo tabu pololilo vomu. E huriki a bakovi vomu ni habi a maki ni kona, ri dagi hateka ne huriki lobo na malala, o tami e huriki lobo na malala na muto vomu.

Kapiloho 19:20

Pali e Livoa ni lakavu turana nitamina propet vona, ra i rata muga a maka nivakasiri dagi na matane Livoa, i tami e huriki ri bole a kilakila ne Livoa, ri vasileki na hanuna. Rua varago ni voro puru mahuri na lovo na kanono, a viku.

Kapiloho 2:13

Iau a lohoka vona mu made vai. A gula hariki ne Satan i tabuli na tanga iea. Pali mu tabana ni pesi tora na ragu. E Antipas, ra bakovi ne mua i kinigao ni taki tala a nitagu, ni rabalaki vonga na tanga ne Satan. Pali i uka ma mu lobo ni luhoi tora iau.

Kapiloho 2:24

Pali e huriki ranga ne mua o Tiatira, i uka ma mu muri mai a nitovo hale iea. I uka ma mu tovo na maki ni gale a nitovo dagi ne Satan. A taki mua, i uka ma ga habi tara nimava ne mua.

Kapiloho 2:9

Iau a lohoka vona, mua ni vakamarego, mu bala a maki na malala, pali mu tahoka a mahala. A lohoka ne huriki ri taki ta ria a Iuda muholi, pali ria a tara ne Satan, ri padi a kidune mua.

Kapiloho 20:10

Lakea a hanitu, ra viri i tami e huriki nga, ni voro puru na darilomu na viku, a kanono, muga a nitamina propet turana e Livoa, ni voro puru vonga. To go bole a nimadihi dagi na haro, na rodo, na parava vakaroro, i uka nilobona.

Kapiloho 20:8

Bara i pagitala valai, i tami e huriki lobo na tabeke lobo na malala, re huriki a Gog, a Magog. Bara i gale valai ria, ri gi vapopo, ri gi vaubi. Ri ala kupo hateka, ni keri ni gi, i manga a hire na lavu.

Kapiloho 3:9

Mu longo! Re huriki a tara ne Satan, ri taki ta ria a Iuda, pali ri tatami. I uka ma ria a Iuda. Mu longo! Ga rata ria ri gi valai mai mua, ri gi turume puru na vahane mua. I mavonga, ri gi matakilaka vona iau a ngaru hateka mua.

Kapiloho 9:1

Muri a limana agelo i vakia a tavure vona, lakea a masia a hada i mapasi tala na hunu, i puru na malala. Ni habi vona a ki na lovo i marangeo.

Kapiloho 9:20

E huriki a bakovi a ngatavine, ra i uka ma ri mate na maki hale i tolu nga, i uka ma ri pulo a vilone ria, i uka ma ri lobo ni vasileki na hanitu, a nitamina vure ni rata na gol, a silva, a brans, a kedo, a kai. A maka nitamina vure nga ri keri ni matai, ri keri ni longo, ri keri ni laho.