Kapiloho 11:17 - A Nitana Vure

¹⁷ ri ta maea, “O Bakovi Dagi, Vure Tuhaka Hateka, mi kavurike ioe. O made ngane. O made hosi. O vakasiri a nitora dagi vomu, o vakatubu ni matakari.

Kapiloho 11:17 Iomraidhean Croise

A Vuhuna 17:1

Na tahuna e Abram i tahoka a pida i 99, i bele vona e BAKOVI DAGI i takia, “Iau a Vure Tuhaka, o laho na matagu, o rata a naro malamala.

Mateo 11:25

Muri e Isu i ta maea, “O Tata, ioe a Bakovi Dagi na hunu a malala. A kavurike ioe, a vuhuna o vakasiri a nitamu ne huriki a bakovi tavula, pali o ruhuloloa a nitamu ne huriki ri luhoi ta ri lohoka hateka.

Lukas 10:21

Muri a Hanu Kiripiripi i ratea e Isu i vivi, lakea i ta maea, “O Tata, ioe a Bakovi Dagi na hunu a malala. A kavurike ioe, a vuhuna o vakasiri a nitamu ne huriki a bakovi tavula, pali o ruhuloloa ne huriki ri luhoi ta ri lohoka hateka. I muholi, o Tata, o muri mai a ningaru vomu o rata mavonga.”

Ioanes 11:41

Muri ri kule talea a kedo. Lakea e Isu i mata rike na hunu, i ta maea, “Tata, a kavurike ioe a vuhuna o longo iau pali.

2 Korin 2:14

Pali iau a kavurike hatekea a Vure. Mi rihi e Kristo, a Vure i tuli mia na matane huriki lobo, mi manga a vora­kato vona i lakavu na vabinga. I rudu tala mia, mi vakalongo lae a Velenga Kamumu, i manga a pokona havu mangisipa i huli lae.

2 Korin 9:15

Si gi kavurikea a Vure vona a maki i habi tavula ne hita. I kamumu hateka, si keri ni tuveve polo na ngava!

1 Timoti 1:12

A kavurikea a Bakovi Dagi ne hita e Isu Kristo, ra i habia nau a nitora ga ratea a leho iea. A kavurikea, a vuhuna i luhoi iau a kara ni rata lobo a leho i habi nau, i vulaki iau ga rata.

Kapiloho 1:4

Iau e Ioanes a here lakea ne mua e huriki a tara na Vure i polorua, mu made o Asia. Ra Viri i made mona, i made hosi, bara i hamule valai, i rata kamumu mua, i habi a nivalemu ne mua. Pali e huriki a hanu i polorua, ra ri pesi na ngalana gula hariki vona, ria ranga ri gi rata kamumu mua, ri gi habi a nivalemu ne mua.

Kapiloho 1:8

A Vure e Bakovi Dagi i ta maea, “Iau kunana a nitubuna maki lobo. Iau kunana a nilobona maki lobo. Iau a made ngane, a made hosi, ga made vakaroro. Iau a tahoka a nitora lobo.”

Kapiloho 11:15

Muri, a poloruana agelo i vakia a tavure vona. Lakea a longo e huriki ri ta dagi meli na hunu, ri ta maea, “A harikianga na malala ngane ne vona e Bakovi Dagi ne hita, turana e Kristo vona. Ge matakari na parava vakaroro, i uka nilobona.”

Kapiloho 15:3

Ri kalolo a linge ne Moses, a vora na Vure, a linge na Tuna Sipsip. Ri kalolo maea, “O Bakovi Dagi, a Vure tuhaka hateka! E huriki ri turutu na maka maki o rata, ri dagi hateka! Hariki ne huriki lobo na malala, A naromu i muholi, i malamala!

Kapiloho 16:14

A leho na hanitu nga, to go havai, to go rata a nivakasiri, to go tuli valai e huriki a hariki lobo na malala, ri gi vapopo turana maka tara ne ria, ri gi vaubi na parava dagi na Vure i tuhaka hateka ge pelekado e huriki vona.

Kapiloho 16:5

Muri a longoa a agelo, ra i matakari a maka naru, i ta maea, “Ioe o Malamala hateka, ra Viri o made ngane, o made hosi. A naro o pelekado e huriki vona i kamumu.

Kapiloho 16:7

Muri a longoa a dede na nihabi i ta maea, “O Bakovi Dagi, Vure Tuhaka hateka, i muholi hateka, a naro vomu ni pelekado e huriki i malamala, i kamumu.”

Kapiloho 18:8

I mavonga, a vuranga i kupo ge bele vona na parava i taku kunana. A matenga, a nidedo, a vitoloa ge bele vona. A kanono ge gutu parinea, ge lobo, a vuhuna a viri i pelekadoa i gao hateka, ra Vure, a Bakovi Dagi.”

Kapiloho 19:11

Muri a masia a hunu, i mata ka. A masia hos keakea! A viri i rike vona ni gale a ‘Viri Muholi’, a ‘Viri i Rata Lobo a Leho ni Habi Vona.’ I pelekado e huriki na naro i malamala, i vakatubu a vabinga na naro i malamala.

Kapiloho 19:6

Muri a longoa a maki i nangi manga a lohona e huriki ala kupo hateka ri roro. I nangi manga a bokona dari i rere, a hini i kururu i pelaka. Ri gale tala, ri ta maea, “Kavurikea a Vure! E Bakovi Dagi, a Vure ne hita i tuhaka hateka, i matakari a maki lobo!