Kapiloho 11:15 - A Nitana Vure

¹⁵ Muri, a poloruana agelo i vakia a tavure vona. Lakea a longo e huriki ri ta dagi meli na hunu, ri ta maea, “A harikianga na malala ngane ne vona e Bakovi Dagi ne hita, turana e Kristo vona. Ge matakari na parava vakaroro, i uka nilobona.”

Kapiloho 11:15 Iomraidhean Croise

A Nimariu 15:18

Nimariu BAKOVI DAGI, a nimatakari vomu i tabuli vakaroro.”

Mateo 24:31

Muri a tavure bara i tangi dagi na tahuna i rudu e huriki a agelo vona ri gi bole sike palupu na tabeke lobo na malala e huriki a bakovi a ngatavine i vulaki ria. Bara ri bole ria na tabeke lobo, i vakatubu na tabeke tara na malala, i vano i lakea na tabekena tara.

Mateo 6:13

Naha ni tuli mia mi gi dili na nitoni. O korimule mia na bakovi hale.’

Lukas 1:33

Bara ia a hariki na kabu ne Iakop na parava vakaroro. A nimatakari vona i uka ma ge lobo.”

Lukas 15:10

I mavonga kunana, a Vure turana e huriki a agelo bara ri vivi hateka, na tahuna ri masia a bakovi hale tara i pulo a vilona.”

Lukas 15:6

i lakea na tanga. Muri bara i gale palupu e huriki a turana, i taki ria, ‘Mu vivi turagu a vuhuna a matavisia pali a sipsip nau i velu.’

Apostolo 4:26

E huriki a hariki na malala ri pesi rike na ni vaubi, e huriki a matakari ri vapopo ri gi vaubi turane Bakovi Dagi, ri gi vaubi turana Viri a Vure i Vulakia.’

Hibru 1:8

Pali a Vure i luhoia e Tuna, lakea i ta maea, “Ioe, a Vure, go matakari vakaroro, o matakari e huriki na naro kiripiripi.

Kapiloho 10:7

a vuhuna na tahuna a poloruana agelo ge vaki a tavure vona, a niluhoi kapiloho na Vure ge bele muholi. Ge bele manga kunana a Velenga Kamumu a Vure i vakalongo ne huriki a vora vona, re huriki a propet.

Kapiloho 12:10

Muri a longoa a lohona viri i gale dagi na hunu, i ta maea, “Ngane a Vure i korimule hita pali. A nitora, a harikianga na Vure ne hita i bele pali. A nitora na Kristo vona i bele pali, a vuhuna ra viri i padi virihi bala e huriki e turane hita, ni voro puru pali. Ra viri mona kuduvi i pesi na matana Vure, i padi virihi ria.

Kapiloho 15:4

O Bakovi Dagi, e huriki lobo ri vakabagetua a ramu, ri mangenge vomu. Ioe kikeri o malamala. E huriki na tanga lobo ri gi valai ri gi kavurike ioe, a vuhuna i bele kavakava a naro kiripi vomu.”

Kapiloho 16:17

A poloruana agelo i guru puru na vilu a tavila vona. I rata mavonga, a lohona viri tara i gale tala dagi na Roho na Vure, na gula hariki, i ta maea, “I lobo pali!”

Kapiloho 17:14

Bara ri vaubi na Tuna Sipsip, lakea a Tuna Sipsip bara i ratapile ria, a vuhuna ia a Bakovi Dagi ne huriki a bakovi dagi. Ia a Hariki ne huriki a hariki. I gale e huriki ri laho turana, i vulaki ria, ri rata a maki lobo i taki ria ri gi rata.”

Kapiloho 19:1

Muri a longo meli na hunu a maki i nangi manga e huriki ala kupo hateka ri roro, ri ta maea, “Kavurikea a Vure! A Vure ne hita i gao hateka, i tahoka a bagetuanga dagi, i korimule hita!

Kapiloho 19:6

Muri a longoa a maki i nangi manga a lohona e huriki ala kupo hateka ri roro. I nangi manga a bokona dari i rere, a hini i kururu i pelaka. Ri gale tala, ri ta maea, “Kavurikea a Vure! E Bakovi Dagi, a Vure ne hita i tuhaka hateka, i matakari a maki lobo!

Kapiloho 20:4

Muri a matai a maka gula hariki. E huriki ri made ne ria, a Vure i habi a leho ne ria, ri gi pelekado a narone huriki. A matai tabu a hanune huriki a bakovi. E huriki nga ri taki tala a ngava ne Isu, a nitana Vure, i uka ma ri kavurikea e Livoa, o a hanuna, i uka ma ri bole a kilakila vona na dumene ria, na limane ria, lakea ni palakudu a lohone ria. Ngane ri mahuri mule, ri matakari turane Kristo na pida i ravulu rangale.

Kapiloho 8:12

A agelo i va i vakia a tavure vona. Muri a haro, a keva, a maka hada ni ubi, lakea a nipara ne ria i puru. A haro, a rodo, ranga, ni ratapile. Na haro, i uka ma i para a haro na tahuna ranga. Na rodo, a keva a hada i uka ma ri para na tahuna ranga.

Kapiloho 9:1

Muri a limana agelo i vakia a tavure vona, lakea a masia a hada i mapasi tala na hunu, i puru na malala. Ni habi vona a ki na lovo i marangeo.

Kapiloho 9:13

Muri a polotarana agelo i vakia a tavure vona, lakea a longo a lohona viri i pagitala na tupina i va na dede na nihabi ni rata na gol, ra i tabuli na ngalana Vure.