Kapiloho 1:6 - A Nitana Vure

⁶ I rata hita si bele manga a harikianga vona, si manga a prister na Vure vona, re Tamana. Ne vona kunana a bagetuanga, a nitora lobo ni matakari a maki lobo vakaroro. I muholi.

Kapiloho 1:6 Iomraidhean Croise

A Nimariu 19:6

A ngaru mua mu gu made malamala, ge mua e huriki a viri nau, mu gu rata a leho manga a prister. Ra ngava nga o vakalongo e huriki a Israel vona.”

Mateo 6:13

Naha ni tuli mia mi gi dili na nitoni. O korimule mia na bakovi hale.’

Ioanes 5:23

Lakea, e huriki lobo ri gi togo iau i manga a hini ri togoa e Tata. A viri i uka ma i togo iau, i uka ma i togoa e Tata, ra i rudu iau a valai.

A Raukea e Paulus i Here Lakea ne Huriki a Rom 11:36

A Vure kunana a viri i ratarike a maki lobo. Ia kunana i nugu a maki lobo na limana, ri tabuli kamumu. A maki lobo ne vona kunana. Si gi kavurikea a rana na parava vakaroro. I muholi.

A Raukea e Paulus i Here Lakea ne Huriki a Rom 15:6

Muri bara mu pesi palupu ni kavurikea a Vure ne Isu Kristo, re Tamane Bakovi Dagi ne hita.

Pilipai 2:11

E huriki lobo bara ri taki tala ne Isu Kristo ia a Bakovi Dagi. Na naro iea ri gi kavurikea a Vure, e Tamane hita.

1 Timoti 6:16

Ia kikeri i uka ma ge mate. Bara i mahuri vakaroro. I made na nipara. A nipara iea i para hateka, i uka tara viri ge lokovonga tabukoi vona. I uka tara viri ge masia ma a Vure. I uka tara viri ge kara ni masia. Si gi togo vakaroroa. A nitora, ne vona kunana vakaroro. I muholi.

Hibru 13:21

ge habi ne mua a maka maki ge tuhori mua mu gu rata a maki lobo i ngaru mu gu rata. I rata pololilo ne hita tara maki i vivi vona na nitora ne Isu Kristo. Si gi kavurikea, si gi vakabagetua ngane, na parava vakaroro. I muholi.

1 Petrus 4:11

E rei a viri i moro ni ta, ge ta manga a Vure i habia a ngava vona. E rei a viri i moro ni kori e huriki, ge kori na nitora a Vure i habia vona. Mu rata mavonga, a maki lobo mu rata bara i habi a bagetua na Vure polo ne Isu Kristo. A bagetua lobo, a nitora lobo, ge ne vona kunana vakaroro.

1 Petrus 5:11

A nitora lobo ge ne vona kunana vakaroro. I muholi.

2 Petrus 3:18

Mu koru rike na naro kamumu ne Isu Kristo, a Bakovi Dagi ne hita, a Viri i korimule hita. Mu koru rike na lohokanga vona. Si gi kavurikea a rana mona, na parava vakaroro. I muholi.

Iuda 1:25

A Vure i taku kunana. Na matenga ne Isu Kristo, a Bakovi Dagi ne hita i korimule hita. Ni gi vakabagetu a rana. Ia kunana a Hariki ne huriki lobo. Ia kunana i matakari a tanga lobo. I mavonga muga na maki lobo ni ratarike. I mavonga ngane. Ge mavonga na parava vakaroro. I muholi.

Kapiloho 1:9

Iau e Ioanes, a turane mua. Si vaveru na ni bole a nimadihi na rane Isu. A dili turane mua na harikianga na Vure, si pesi tora ni ramaia e Isu. Iau a vara e huriki na nitana Vure, a ngava ne Isu, lakea ni lakavu iau, ni ru dili iau na bavi, koea na bodu e Patmos.

Kapiloho 4:11

“O Bakovi Dagi ne mia, a Vure ne mia. Ioe kunana i kara ioe e huriki ri gi vakabagetu ioe, ri gi togo ioe, ri gi kavurike a nitora vomu, a vuhuna ioe o ratarike a maki lobo na ningaru vomu kunana o ratarike ria, ri bele.”

Kapiloho 5:10

O rata ria ri bele manga a harikia, a prister na Vure ne hita. Ri gi matakari na malala.”