Kapiloho 1:5 - A Nitana Vure

⁵ E Isu Kristo, ra viri i vakalongo hita na maki lobo a Vure i takia ge taki ne hita, ra viri i mahuri mule na matenga muga ne hita lobo, ra matakari ne huriki a matakari lobo na malala, ia tara ge rata kamumu mua, ge habi a nivalemu ne mua. I ngaru hateka hita. Na darana i vakamatukapaga hita na naro hale ne hita.

Kapiloho 1:5 Iomraidhean Croise

E Levi 13:58

Pali na tahuna i loi a maka kala o a maki ni rata na kulina bulmakau, i malavuroki a limuta, ge vahilolo tabu, bara ri matapado.”

Mateo 20:28

ge manga a Tuna Bakovi. Ra Tuna Bakovi, i valai i uka ma ge vakavora e huriki. I valai ge ia a vora ne huriki, ge mate, ge kona­mule e huriki ala kupo.”

Mateo 28:18

Muri e Isu i valai mai ria, i ta maea, “A Vure i habi nau a nitora lobo na hunu a malala.

Ioanes 13:1

Kuduvi a Habu na Nipagepolo ge vakatubu. E Isu i lohoka vona a parava i valai pali ge pe a malala, ge hamule sike ne Tamana. I ngaru hateka e huriki a viri vona ri made na malala, ngane ta ge vakasiri muholi ria i ngaru hateka ria.

Ioanes 13:34

“A vinara karaba a habi ne mua i maea, mu vangaru, i manga iau a ngaru mua.

Ioanes 15:9

“Iau a ngaru mua i manga e Tata i ngaru iau. Ngane a ngaru hateka mua mu gu rihi iau, ga ngaru mua.

Ioanes 18:37

Lakea e Pilato i ta maea, “I mavonga, ioe a hariki, e?” E Isu i koli, i ta maea, “O ta muholi na tahuna o gale iau a hariki. I muholi ngi, iau ni poda ga ratea a leho iea. A puru valai na malala ga vakalongo a ngava muholi. E huriki ri ngaru a ngava muholi, bara ri longo mai iau.”

Ioanes 3:11

Iau a ta muholi, mi ta vona a maki mi lohoka vona, mi vakalongo vona a maki mi matai, pali i uka ma mu longo mai a ngava mi taki mua vona.

Ioanes 3:16

“I mavonga a vuhuna a Vure i ngaru hateka e huriki na malala, lakea i rudua e Tuna a bakovi a madiva ge mate, lakea e rei a viri i luhoi tora ia i uka ma ge velu, bara i bole a nimahuri vakaroro.

Ioanes 3:32

I vakalongo a maka maki i matai, a maki i longo, pali i uka tara viri ge longo mai a ngavana.

Apostolo 20:28

Mu matakari kamumu mua turane huriki a kabukabu. A Hanu Kiripiripi i habi ria na limane mua, ge mua a matakari ne ria. Mu leho manga a matakari na tara na Vure, a Vure i konamule ria pali na darane Tuna.

Apostolo 26:23

A ngava ri takia i maea, ‘E Kristo ge bole a nimadihi, ge mate. Ia bara i muga ne huriki lobo, i pesi rike mule na matenga. Muri ge vakalongo ne huriki a Iuda, ne huriki i uka ma ria a Iuda a nitana nipara.’”

A Raukea e Paulus i Here Lakea ne Huriki a Rom 3:25

A Vure i rudua ge mate, ge bole a murine hita, ge vakalobo a rongova na Vure, lakea a Vure ge puga vuroki a naro hale ne huriki ri luhoi tora ia. I rata mavonga si gi matakilaka vona a narona i malamala, a vuhuna hosi i hatenono ne huriki a bakovi hale, i uka ma i habi a nimadihi malaviriri ne ria.

A Raukea e Paulus i Here Lakea ne Huriki a Rom 8:37

A maki hale nga bara ri bele, pali e Kristo i ngaru hateka hita, i rata hita si mulangi.

1 Korin 6:11

Ranga ne mua, hosi mua a viri maea. Pali a rane Isu Kristo a Bakovi Dagi, a Hanuna Vure ne hita ru vahilolo mua, ru rata mua mu malamala, ru rata mua mu uka ngava na matana Vure.

Galesia 2:20

Ngane iau i uka ma a viri a mahuri, pali e Kristo i mahuri pololilo nau. A maki lobo a rata koea na malala, a rata a vuhuna a luhoi torea a Tuna Vure, ra i ngaru hateka iau, i mate na murigu.

Epesus 2:4

Pali a Vure a mari ni dodo hateka, i ngaru hateka hita.

Epesus 5:2

Mu laho na naro na nivangaru, i manga e Kristo i ngaru hateka hita, i habi ia na Vure, i manga a nihabi manginoro.

Vinara 18:2

A kabu ne Levi i uka ma ge bole a malala ge manga a maka kabu ranga. A maki kamumu ri bolea, ra leho manga a prister ne BAKOVI DAGI, i manga a ngava i ta muholi vona hosi.

Vinara 23:5

Pali e BAKOVI DAGI a Vure ne mua, i uka ma i longototoa e Balam ge ruduraha mua. I gamai mua, a vuhuna a Vure i ngaru hateka mua.

Vinara 7:8

Pali e BAKOVI DAGI i ngaru hateka mua, i ngaru ni ramaia a nikaba i ratea ne huriki a gare ne hita. Na ngava iea kunana, i tuhori mua na nitora dagi vona, na tahuna mu leho manga a vorakato o Egipto, i bole mule mua na limane Parao, ra hariki o Egipto.

Kolosi 1:18

E Kristo i muga ne huriki a tara na Vure. Ia a vuhuna maki lobo, ia a viri i muga i pesi rike mule na matenga, ge muga na maki lobo,

1 Timoti 6:13

Iau a taki tora ioe na matana Vure, ra i habi a nimahuri na maki lobo. A taki tora ioe na matane Isu Kristo, ra i ta muholi na matane Ponsius Pilato, i taki tala a ngava.

1 Timoti 6:15

Bara i bele na parava a Vure i vulakia. A Vure a viri si kavurikea. Ia kikeri a Matakari, a Hariki ne huriki a hariki, a Bakovi Dagi ne huriki a bakovi dagi.

Hibru 10:29

Pali a viri i lohopilea a Tuna Vure bara i bole a nimadihi dagi hateka, a vuhuna i biua a darane Isu, ra i vakatorea a ngava dagi na Vure. A ngava dagi iea i ru here hita ne vona a Vure kunana. Pali a viri i lohopilea a Tuna Vure, i ratea a Hanuna Vure i madihi a hatena. Ra Hanuna Vure, a mari ni rata kamumu hita.

Hibru 9:14

Pali a darane Kristo i rangi a darana sipsip, a bulmakau. Na nitora na Hanu Kiripiripi, ra i mahuri vakaroro, i habi mule ia na Vure manga a nihabi malamala liu. I mavonga, a darana i rata hita si malamala na matana Vure, si lobo ni rata a rabu hale bara si mate vona, si tubu ni ratea a leho na Vure Mahuri.

1 Petrus 1:19

I konamule mua na mapana i dagi hateka, ra darane Kristo. I manga a darana tuna sipsip gavutuvutu.

1 Ioanes 1:7

A Vure i made na hini palala. I mavonga, na tahuna si laho na hini palala, si varihi, a darane Tuna, e Isu, i vahilolo hita na naro hale lobo ne hita.

1 Ioanes 4:10

A naro ni ngaru muholi a viri i maea: Hita i uka ma si ngaru mugea a Vure. Pali a Vure i ngaru muga hita, i rudua e Tuna, ge a nihabi, ge kadoa a dala a Vure ge ravunu vuroki a naro hale ne hita.

Kapiloho 11:15

Muri, a poloruana agelo i vakia a tavure vona. Lakea a longo e huriki ri ta dagi meli na hunu, ri ta maea, “A harikianga na malala ngane ne vona e Bakovi Dagi ne hita, turana e Kristo vona. Ge matakari na parava vakaroro, i uka nilobona.”

Kapiloho 11:3

Ga rudu a bakovi ala rua nau, ru gu taki tala ne huriki a ngava nau. Ru gu rea na varakia katokato, ru gu rata a nita propet na parava i 1,260.”

Kapiloho 17:14

Bara ri vaubi na Tuna Sipsip, lakea a Tuna Sipsip bara i ratapile ria, a vuhuna ia a Bakovi Dagi ne huriki a bakovi dagi. Ia a Hariki ne huriki a hariki. I gale e huriki ri laho turana, i vulaki ria, ri rata a maki lobo i taki ria ri gi rata.”

Kapiloho 19:11

Muri a masia a hunu, i mata ka. A masia hos keakea! A viri i rike vona ni gale a ‘Viri Muholi’, a ‘Viri i Rata Lobo a Leho ni Habi Vona.’ I pelekado e huriki na naro i malamala, i vakatubu a vabinga na naro i malamala.

Kapiloho 19:16

Ni here na varakia, na lebona a rana tara, ra i maea, ‘A Hariki ne huriki a hariki, a Bakovi Dagi ne huriki a bakovi dagi.’

Kapiloho 2:13

Iau a lohoka vona mu made vai. A gula hariki ne Satan i tabuli na tanga iea. Pali mu tabana ni pesi tora na ragu. E Antipas, ra bakovi ne mua i kinigao ni taki tala a nitagu, ni rabalaki vonga na tanga ne Satan. Pali i uka ma mu lobo ni luhoi tora iau.

Kapiloho 3:14

I ta tabu, i ta maea, “O here lakea na agelo ne huriki a tara na Vure o Laodisia, o here maea: A ngava iea i valai na viri ni gale I Muholi, ra viri i ta muholi, i taki tala a ngava lobo a Vure i takia ge taki. Ia a vuhuna maki lobo a Vure i ratarike.

Kapiloho 7:14

Lakea a koli a ta maea, “Bakovi dagi ioe o lohoka ne ria.” Muri i taki iau, i ta maea, “Ri pagitala valai na tahuna maregoa dagi. Ri loi a varakia ne ria na darana Tuna Sipsip, lakea ri kea mahaha.