Kapiloho 1:18 - A Nitana Vure

¹⁸ Iau a mahuri. Hosi a mate, pali ngane a mahuri vakaroro. Iau a nugua a ki na matenga, a ki na murine huriki ri mate pali.

Kapiloho 1:18 Iomraidhean Croise

Mateo 11:23

Mua e huriki a bakovi a ngatavine o Kapernaum, naha ni luhoi a Vure ge bole rike mua na hunu. I uka liu! Bara i voro puru mua na tanga ne huriki ri mate pali. A maka nivakasiri a rata na tanga ne mua, bara ni rata hosi o Sodoma, a tanga iea bara i tabana mona.

Mateo 16:19

Ga habia vomu a nitala na harikianga na hunu. A ra maki o koloa koea na malala, a Vure tara bara i koloa meli na hunu. A ra maki o puga koea na malala, a Vure tara bara i puga meli na hunu.”

Lukas 24:5

E huriki a ngatavine ri mangenge ri lolu puru na malala. Lakea a bakovi nga ru taki ria, ru ta maea, “I navai mu matakana a bakovi mahuri na tanga ne huriki ri mate?

Ioanes 11:25

Lakea e Isu i takia, “Iau a viri a vaka­mahuri mule e huriki, a habi a nima­huri ne huriki. A viri i luhoi tora iau i mate, bara i mahuri tabu.

Ioanes 14:19

I uka ma ge tabaka, e huriki na malala i uka ma ri gi matai iau, pali mua bara mu matai iau tabu. Mua bara mu mahuri mule a vuhuna iau a mahuri.

A Raukea e Paulus i Here Lakea ne Huriki a Rom 6:9

Si lohoka vona e Kristo i mate, i pesi rike mule na matenga. Ngane i uka ma ge mate tabu. A matenga i uka ma i matakari tabua.

2 Korin 13:4

Na tahuna e Kristo ni paditata na kai tavalavala, e huriki ri luhoi ta ia i uka nitora. Pali a nitora dagi na Vure i vakamahuri mule ia. I mavonga, iau a uka nitora, pali iau a mahuri na nitora dagi na Vure, i kori iau ga tuhori mua.

Galesia 2:20

Ngane iau i uka ma a viri a mahuri, pali e Kristo i mahuri pololilo nau. A maki lobo a rata koea na malala, a rata a vuhuna a luhoi torea a Tuna Vure, ra i ngaru hateka iau, i mate na murigu.

Kolosi 3:3

Mu luhoi a maki na hunu, a vuhuna mu mate pali, mu kapiloho turane Kristo pololilo na Vure.

Hibru 1:3

E Tuna i vakasiri a bagetuanga na Vure. I manga muholi a Vure. A nitana i tahoka a nitora. Na nitana kunana i rata a maki lobo ri tabuli tora. I vakaloboa a leho vona ni bole a nimadhi na naro hale ne huriki, ge rata ria ri gi malamala na matana Vure. Muri i made na limana kanena Vure, ra Viri Dagi na hunu, a rana i dagi hateka, i tahoka a nitora dagi.

Hibru 12:2

A niluhoi ne hita ge doko kunana ne Isu. Ia a vuhuna a niluhoi ne hita, ia a viri kunana i malamala liu na naro vona ni luhoi tora. Na tahuna i bole a nimadihi dagi ni mate na kai tavalavala, i hatenono kunana. I uka ma i mangenge vona a nimaruhu dagi ge mate na naro iea, a vuhuna i luhoi kunana a nivivi dagi hateka ge bole muri ma. Ngane i made na limana kanena Vure.

Hibru 7:16

Ia a prister, i uka ma i ramai a vinara, ra i taki e huriki a Levi kunana ri gi rata a leho na prister. Ia a prister a vuhuna i tahoka a nitora ni pesi rike mule na matenga.

Hibru 7:25

I mavonga i tahoka a nitora ni korimule e huriki ri luhoi torea, ri valai tabukoi na Vure, a vuhuna i mahuri vakaroro, i takia a Vure ge kori hita.

Kapiloho 10:6

i kaba na rana Viri i mahuri vakaroro, ra viri i ratarike a hunu, a maka maki lobo pololilo vona, turana malala, a maka maki i tabuli vona, turana dari, a maka maki i tabuli pololilo vona. I kaba, i taki i uka tabu ni dava,

Kapiloho 15:7

Tara ne huriki a maki mahuri i va i valai, i habi ne ria a tavila i polorua ni rata na gol. A tavila nga ri vona a rongova na Vure, ra i mahuri vakaroro.

Kapiloho 2:8

Muri a bakovi iea i ta tabu, i ta maea, “O here lakea na agelo ne huriki a tara na Vure o Smerna, o here maea: A ngava iea i valai na viri ia a nitubuna maki lobo, a nilobona maki lobo, ra viri i mate, i mahuri mule.

Kapiloho 20:13

E huriki ri mate na dari, ri mahuri mule na matenga. E huriki ri mate pali, ri made na murine huriki ri mate pali, ri pesi rike mule na matenga, lakea ni pelekado ria takutaku, i ramai a narone ria ri rata na malala.

Kapiloho 20:14

Muri, a matenga, a muri ne huriki ri mate pali, ni voro puru na darilomu na kanono. A naro iea ni gale a ruana matenga, a darilomu na kanono.

Kapiloho 3:7

I ta tabu, i ta maea, “O here lakea na agelo ne huriki a tara na Vure o Piladelpia, o here maea: A ngava iea i valai na Viri Malamala, a Viri Muholi, ra viri i tahoka a ki ne Davit. A maki a talea, i uka tara viri ge tukari mulea. Pali a maki a tukaria, i uka tara viri ge talea.

Kapiloho 4:9

Na tahuna a maki mahuri nga to vakabagetua, to togoa, to kavurikea ra viri i made na gula hariki, ra viri i mahuri vakaroro,

Kapiloho 5:14

A maki mahuri i va ri ta maea, “I muholi!” Lakea e huriki a nupesi ri tabuli puru, ri kavurike rua.

Kapiloho 6:8

A mata lakea, a masia a hos havura! A bakovi i rike vona, a rana e Matenga. A viri ni gale A Murine Huriki Ri Mate Pali i muri vona. Ni habi ne rua a nitora ni rabalaki e huriki ala kupo (¼) Ru gu rabalaki ria na bainat, na pago, na gilanga dagi, ru gu rudu a maka maki ri tegi na robo ri gi kara mate ria.

Kapiloho 9:1

Muri a limana agelo i vakia a tavure vona, lakea a masia a hada i mapasi tala na hunu, i puru na malala. Ni habi vona a ki na lovo i marangeo.