Kapiloho 1:16 - A Nitana Vure

¹⁶ I nugu na limana a kanena a hada i polorua. A bainat i tahoka a ngina i rua i vere hateka i toro toro tala na ngavana. A matana i para hateka i manga a haro i para na kuru haro.

Kapiloho 1:16 Iomraidhean Croise

Mateo 17:2

Na tahuna to made meli, e Isu i mareli na matane tou. A matana i para manga a haro, a varakia vona i kea manga a nipara.

Apostolo 26:13

Na kuru haro na tahuna a laho na dala, a masia a nipara i para valai na hunu. A nipara iea i para dagi hateka na haro, i para halui iau turana e huriki a bakovi ri laho turagu.

Epesus 6:17

Mu kube a hineva ni rata na aen, ra hini a Vure i korimule mua pali. Mu nugua a bainat na Hanuna Vure, ra nitana Vure.

Hibru 4:12

Si gi toni a bulune hita, a vuhuna a nitana Vure i mahuri, i tahoka a nitora. I vere hateka, i rangi a bainat i vere a tabekena i rua. I dili liu na hatene hita, a hanune hita, i manga a bainat i dili na bobona viri, i pala pida a tuhana viri. I pelekado a niluhoi, a ningaru kapiloho ne hita.

Kapiloho 1:20

Pali a hada i polorua a nugu na limagu a kanegu, turana butu na nipara i polorua ni rata na gol, ngane ga taki ioe vona a pelegona nita kapiloho. A hada i polorua nga, a agelo na tara na Vure i polorua. A butu na nipara nga, a tara na Vure i polorua.”

Kapiloho 10:1

Muri a matai tabu tara agelo hateka i puru valai na hunu. A bubu i kavitagua. A kuriki i pesi haluia a gina. A matana i para manga a haro. A vahana ru para manga a kanono.

Kapiloho 12:1

Muri a kilakila vakaturutu i bele na hunu. A ngatavine i varaki na haro. A keva i tabuli polotano na vahana. I kubea a tama ni rata na hada i ravulu a polona i rua.

Kapiloho 19:15

A bainat i vere hateka i pagitala na ngavana. Ge ratapile e huriki i uka ma ria a Iuda, “ge matakari hateka ria, i manga a viri i matakari e huriki na lebo ni rata na aen.” Ge pahabebe e huriki na murina ni pahabebe na rongova na Vure i Tuhaka Hateka.

Kapiloho 19:21

Pali e huriki ranga, a bainat i pagitala na viri i rike na hos keakea i tolo mate ria, lakea a maka kadirovo ri valai, ri kani a bobone ria, ri maru.

Kapiloho 2:1

Muri i ta tabu, i ta maea, “O here lakea na agelo ne huriki a tara na Vure o Epesus, o here maea: A ngava iea i valai na Bakovi i nugu a hada i polorua na limana a kanena, ra viri i laho na kurukuruna maka butu na nipara i polorua ni rata na gol.

Kapiloho 2:12

“O here lakea na agelo ne huriki a tara na Vure o Pergamum, o here maea: A ngava iea i valai na viri i tahoka a bainat i tahoka a ngina i rua i vere hateka.

Kapiloho 2:16

I mavonga, mu pulo a vilone mua. Ge uka, bara valai malaviriri, ga vaubi turane ria na bainat, ra i toro toro tala na ngavagu.

Kapiloho 3:1

Muri i ta tabu, i ta maea, “O here lakea na agelo ne huriki a tara na Vure o Sardis, o here maea: A ngava iea i valai na Viri i matakari a hanuna Vure i polorua, i nugu a hada i polorua. A lohoka na narone mua. E huriki ri pahaluhoi ta mu tahoka a nimahuri, pali mu mate pali.