Kapiloho 1:11 - A Nitana Vure

¹¹ A loho iea i ta maea, “A maki lobo o matai, o here puru na raukea, o vakaru lakea ne huriki a tara na Vure o Epesus, o Smerna, o Pergamum, o Tiatira, o Sardis, o Piladelpia, o Laodisia.”

Kapiloho 1:11 Iomraidhean Croise

Apostolo 16:14

A ngatavine tara, a rana e Lidia, i made turane ria, i longo a nitane mateu. A tanga vona e Tiatira, a leho vona ni habi a lavalava kuakua ni kona. Ia a ngatavine ni kavurike a Vure, lakea a Bakovi Dagi i vakalohoka ia ge longokilala a ngava e Paulus i taki.

Apostolo 18:24

A Iuda tara, ni poda o Aleksandria, a rana e Apolos i valai i made o Epesus. I moro ni ta. I lohoka hateka na Nita na Vure.

Apostolo 20:17

Na tahuna mi bele o Miletus, e Paulus i talo rike a ngava ne huriki a gare na tara ne Kristo o Epesus ri gi valai, ri gi masia.

1 Korin 15:32

Hosi a vaubi na maka livoa o Epesus. I uka ma a luhoi a maki na malala, a rata mavonga. Iau bara luhoi kunana a maki na malala, i uka ma ga vaubi. Ge muholi i uka tara viri ge mahuri mule na matenga, bara i manga e huriki ranga ri taki, “Si gi kani, si gi ninu, a vuhuna kuduvi bara si mate.”

1 Korin 16:8

Pali ngane ga made taro o Epesus, ge lobo taro a habu na Pentekos,

Epesus 1:1

Iau e Paulus. A Vure i vulaki iau ge iau a apostolo ne Isu Kristo. A here lakea ne mua e huriki a tara ne Kristo o Epesus, ra mu pesi tora ni luhoi torea e Isu Kristo.

Vinara 31:19

“Ngane a ngaru ni tovo ioe vona tara linge, o here purua. O tovo poloa ne huriki a Israel, muri ma ra nitana linge iea bara i taki tala ria.

Kolosi 2:1

Mua e huriki a Kolosi, turana e huriki a Laodisia, turana e huriki ranga i uka ma ri matai iau ma, a ngaru mu gu lohoka nau, a leho hateka ni tuhori mua.

1 Timoti 1:3

Hosi a pe ioe iene o Epesus, a valai a made koea o Masedonia. Muga a pe ioe, a taki ioe vona tara ngava. Ngane a ngaru ni taki tabua vomu a ngava iea. O made iene, a vuhuna i tahoka ranga bakovi iene ri tovo e huriki na ngava taminga. O ta pupukari ne ria, nahea ri gi tovo tabu a ngava taminga nga.

Kapiloho 1:17

Na tahuna a masia, a boru puru tabukoi na vahana, a tabuli manga a viri i mate. Pali i padoi iau na limana a kanena, i ta maea, “Naha ni mangenge. Iau kunana a nitubuna maki lobo. Iau kunana a nilobona maki lobo.

Kapiloho 1:19

I mavonga, a ngaru ioe go here puru a maki lobo o matai pali, ra maka maki i tabuli ngane, turana maka maki ri gi bele muri ma.

Kapiloho 1:2

Ngane a vakalongo a maki lobo a matai, ra nitana Vure, a ngava ne Isu Kristo.

Kapiloho 1:20

Pali a hada i polorua a nugu na limagu a kanegu, turana butu na nipara i polorua ni rata na gol, ngane ga taki ioe vona a pelegona nita kapiloho. A hada i polorua nga, a agelo na tara na Vure i polorua. A butu na nipara nga, a tara na Vure i polorua.”

Kapiloho 1:4

Iau e Ioanes a here lakea ne mua e huriki a tara na Vure i polorua, mu made o Asia. Ra Viri i made mona, i made hosi, bara i hamule valai, i rata kamumu mua, i habi a nivalemu ne mua. Pali e huriki a hanu i polorua, ra ri pesi na ngalana gula hariki vona, ria ranga ri gi rata kamumu mua, ri gi habi a nivalemu ne mua.

Kapiloho 1:8

A Vure e Bakovi Dagi i ta maea, “Iau kunana a nitubuna maki lobo. Iau kunana a nilobona maki lobo. Iau a made ngane, a made hosi, ga made vakaroro. Iau a tahoka a nitora lobo.”

Kapiloho 10:4

Na tahuna a kururu i polorua nga ri koli, ta ga here puru a ngava ri taki, pali a longo tabu a lohona viri tara i ta valai na hunu, i ta maea, “Naha ni here a ngava na kururu i polorua nga. O ruhulolo kunana.”

Kapiloho 14:13

Muri a longo a lohona viri i gale na hunu, i ta maea, “O here maea: I vakatubu ngane, e huriki ri luhoi torea e Bakovi Dagi, pali ri mate, ri gi vivi.” A Hanuna Vure i ta maea, “I muholi hateka ri gi vivi. Ri gi malo na leho dagi ri ratea, a vuhuna ni lohoka vona pali a naro kamumu ri ratea!”

Kapiloho 19:9

Muri a agelo i taki iau, i ta maea, “O here maea: E huriki a Vure i gale ria ri gi valai na habu na parangia na Tuna Sipsip, ri gi vivi.” Muri i taki iau, “A ngava nga, a ngava muholi na Vure.”

Kapiloho 2:1

Muri i ta tabu, i ta maea, “O here lakea na agelo ne huriki a tara na Vure o Epesus, o here maea: A ngava iea i valai na Bakovi i nugu a hada i polorua na limana a kanena, ra viri i laho na kurukuruna maka butu na nipara i polorua ni rata na gol.

Kapiloho 2:12

“O here lakea na agelo ne huriki a tara na Vure o Pergamum, o here maea: A ngava iea i valai na viri i tahoka a bainat i tahoka a ngina i rua i vere hateka.

Kapiloho 2:18

Muri i ta tabu, i ta maea, “O here lakea na agelo ne huriki a tara na Vure o Tiatira, o here maea: A ngava iea i valai na Tuna Vure. A matana i para manga a huvina kanono. A vahana ru para manga a bras ni ravu, lakea i para hateka.

Kapiloho 2:24

Pali e huriki ranga ne mua o Tiatira, i uka ma mu muri mai a nitovo hale iea. I uka ma mu tovo na maki ni gale a nitovo dagi ne Satan. A taki mua, i uka ma ga habi tara nimava ne mua.

Kapiloho 2:8

Muri a bakovi iea i ta tabu, i ta maea, “O here lakea na agelo ne huriki a tara na Vure o Smerna, o here maea: A ngava iea i valai na viri ia a nitubuna maki lobo, a nilobona maki lobo, ra viri i mate, i mahuri mule.

Kapiloho 21:5

Lakea a viri i made na gula hariki i ta maea, “Mu longo! A rata a maki lobo ri bele karaba tabu.” Muri i ta maea, “O here puru a ngava nga, a vuhuna ri muholi, ri gi bele muholi.”

Kapiloho 22:10

Muri i taki iau, “Naha ni ruhulolo a nita propet na buk iea, a vuhuna a parava i popote ge valai.

Kapiloho 22:16

“Iau e Isu, a rudua a agelo nau ge vakalongo vomu a ngava nga, go taki e huriki a tara nau na tabeke lobo. Iau a vuhune Davit, iau a hamone Davit. Iau a hada e Lagavago.”

Kapiloho 3:1

Muri i ta tabu, i ta maea, “O here lakea na agelo ne huriki a tara na Vure o Sardis, o here maea: A ngava iea i valai na Viri i matakari a hanuna Vure i polorua, i nugu a hada i polorua. A lohoka na narone mua. E huriki ri pahaluhoi ta mu tahoka a nimahuri, pali mu mate pali.

Kapiloho 3:14

I ta tabu, i ta maea, “O here lakea na agelo ne huriki a tara na Vure o Laodisia, o here maea: A ngava iea i valai na viri ni gale I Muholi, ra viri i ta muholi, i taki tala a ngava lobo a Vure i takia ge taki. Ia a vuhuna maki lobo a Vure i ratarike.

Kapiloho 3:4

Pali e huriki ranga ne mua o Sardis ri tabana ri tahoka a rane ria, i uka ma ri vakakatoki a varakia ne ria. Muri bara ri rodo a varakia keakea, ri gi laho turagu, a vuhuna i kara ria ri gi rata mavonga.

Kapiloho 3:7

I ta tabu, i ta maea, “O here lakea na agelo ne huriki a tara na Vure o Piladelpia, o here maea: A ngava iea i valai na Viri Malamala, a Viri Muholi, ra viri i tahoka a ki ne Davit. A maki a talea, i uka tara viri ge tukari mulea. Pali a maki a tukaria, i uka tara viri ge talea.