Iuda 1:4 - A Nitana Vure

⁴ I ranga e huriki ri dili turane mua ri tamilalu, i uka ma mu matakilala ria. Ri ngalahere na Vure. A narona Vure, i rata kamumu hita, ri puloa, ri taki ta i kamumu ri gi tabana ni mole lae. Ri marikoi ni taki e Isu Kristo a Bakovi Dagi ne ria. I paru hosi, a Vure i lohoka ne ria, i taki ge ratapile ria.

Iuda 1:4 Iomraidhean Croise

Mateo 13:25

Na rodo, na tahuna e huriki ri mahita, i valai a pile vona, i varo dili turana vit a kukuni. Muri i vano ia.

Ioanes 17:3

A nimahuri vakaroro i maea: ri gi lohoka vomu, ioe kikeri a Vure muholi. Ri gi lohoka tabu nau, iau e Isu Kristo, o rudu iau a valai.

Apostolo 11:23

Na tahuna i bele, i vivi, a vuhuna i matai a Vure i rata kamumu ria. I vara ria ri gi habi a hatene ria ni ramai e Bakovi Dagi, ri gi pesi tora.

Apostolo 15:24

Mi longo ranga e huriki ri pe mia koea, ri lakene, ri vakaviliha a niluhoi ne mua na maka ngava ri taki. Re huriki nga i uka ma mi lohoka ne ria.

Galesia 2:4

Pali e huriki ranga ni tuli dili kapiloho, ri tamilalu ta ria e huriki a turane hita. Ria a kasisi, ri dili kapiloho ne vona ni kasisi a hini e Isu Kristo i rata hita si matukapaga na Vinara. Ri ngaru ni rata hita si gi vora tabu na vinara.

Galesia 5:13

Mua e huriki a turagu, a Vure i gale mua mu gu matukapaga na vinara. Naha ni luhoi mu matukapaga ne vona ni ramai a ningaru hale na kakaine mua. Pali mu vangaru, mu vakori.

Epesus 4:14

Muri i uka ma si gi vilikoma tabu. A maka nitovo karaba legelege i uka ma ri gi kule lae hita manga a aga, i kule laea a vilu, a bokona dari. Na tahuna e huriki ri ngaru ni tami hita na nita taminga ne ria, i nangi manga a ngava muholi, i uka ma si gi longo mai.

1 Timoti 5:8

A viri i uka ma i matakari a viri vona, ra kabu vona muholi, i pea pali a Vure. Ra bakovi maea, a narona i hale hateka ne huriki i uka ma ri luhoi torea a Vure.

2 Timoti 2:12

E huriki ri hatenono na tahuna ri bole a nimadihi, bara ni rata ria a hariki, ri matakari turane Kristo; E huriki ri lohopilea e Kristo, ia tara bara i lohopile ria;

2 Timoti 3:6

I ranga e huriki a bakovi maea ri dili na maka ruma, ri tami e huriki a ngatavine manga manga, bara ri muri mai ria. Re huriki a ngatavine nga, ri rata vakaroro a maka naro hale i kupo. A hatene ria i bole rike ria, i turari ria ri rata a maka naro hale nga.

1 Petrus 2:16

I muholi i uka ma mua a vora. Pali mu laho manga a vora na Vure, mu ramai a ningaru vona. Naha ni rata a naro hale.

1 Petrus 2:8

I ta maea tabu, “A kedo iea i rata e huriki ri sibo, ri boru.” Ri sibo a vuhuna ri longotaroa a nitana, i manga a hini a Vure i taki muga ri gi rata.

1 Petrus 4:18

A Hinere i ta maea, “I gutu ni korimule e huriki a bakovi malamala. I mavonga, ge bele navai ne huriki a bakovi hale ri marikoi a Vure?”

2 Petrus 2:10

Bara i habi hateka a nimadihi ne huriki a nitamina mari ni tovo nga. Ri rata hateka a naro na molenga. Ri longotaro a ngavane huriki a matakari. Ri kuli rua hateka, i uka ma ri mangenge ni harogi pile e huriki a agelo.

2 Petrus 2:7

Pali a Vure i korimulea e Lot na vuranga iea, a vuhuna e Lot a bakovi malamala, i loho lege vona a maka naro na molenga ne huriki a bakovi hale nga.

2 Petrus 3:7

I mavonga muri ma, a nitana Vure bara i ratapile tabu a hunu a malala. Na parava a Vure ge pelekado e huriki lobo, bara i rungani a hunu, a malala, bara i ratapile e huriki ri ngalahere na Vure.

1 Ioanes 2:22

E rei a viri i takia e Isu, ta a Vure i uka ma i rudua ge korimule e huriki, a viri iea a bakovi na taminga. Ia a pile ne Kristo. I ngalahere varago ne Tamana, ne Tuna.

Iuda 1:15

Ge valai, e huriki lobo ri gi pesi na matana, ge pelekado ria, ge ratapile e huriki a bakovi a ngatavine ri marikoi a Vure. Ge ratapile ria vona a maka naro hale ri rata, na naro i vakasiri ri marikoi vona. Ge ratapile ria vona a maka ngava hale ri taki virihia vona e huriki ri marikoi vona.”

Iuda 1:18

Ri taki mua, ri ta maea, “Muri ma, na nilobona parava, e huriki a bakovi hale bara ri bele, ri biu a maka maki na Vure, bara ri ramai a ningaru hale na kakaine ria.”

Kapiloho 15:4

O Bakovi Dagi, e huriki lobo ri vakabagetua a ramu, ri mangenge vomu. Ioe kikeri o malamala. E huriki na tanga lobo ri gi valai ri gi kavurike ioe, a vuhuna i bele kavakava a naro kiripi vomu.”