Iuda 1:3 - A Nitana Vure

³ Mua o huriki a turagu, a herea a raukea iea, i muga ta ga taki mua vona a naro a Vure i korimule hita vona. Pali ngane, ga here taro, ga taki tora mua mu gu kinigao ni tagari a Velenga Kamumu. Ra ngava na Velenga Kamumu, a Vure i habi na limane huriki a ngate vona.

Iuda 1:3 Iomraidhean Croise

Apostolo 17:3

i tuveve polo ne ria, i vakasiri poloa ne ria na Hinere i taki mugea e Kristo bara i bole a nimadihi, i mate, i mahuri mule tabu. Lakea i ta maea, “E Isu a vakalongo mua vona, ia e Kristo.”

Apostolo 18:28

a vuhuna i vahehe tora turane huriki a Iuda, i vakasiri ria na Hinere, e Isu ia e Kristo.

Apostolo 20:27

a vuhuna a taki lobo mua vona pali a ngava lobo a Vure i ngaru mu gu lohoka vona.

Apostolo 28:28

“I mavonga a ngaru mua mu gu lohoka vona, a velenga na nimahuri vakaroro na Vure ni vakaru lakea ne huriki i uka ma ria a Iuda. Ria bara ri longo mai!”

Apostolo 4:12

“I uka tabu tara rana bakovi ge korimule hita, a vuhuna a Vure i rudua a viri ala taku kunana ge korimule hita, re Isu.”

Apostolo 6:7

A nitana Vure ni vakarere na tanga lobo. E huriki a murimuri ri bele kupo hateka o Ierusalem. E huriki a prister ala kupo ranga, ri longototo a nitana Vure, ri luhoi tora.

Apostolo 9:13

Pali e Ananias i koli i ta maea, “Bakovi Dagi, iau a longo e huriki ri takia a bakovi iea, ta i ratapile e huriki a tara vomu o Ierusalem.

Apostolo 9:22

A vinara ne Saulus i bele tora hateka. I vakasiri e huriki a Iuda ri made o Damaskus ne Isu ia e Kristo, lakea ri ngapa.

1 Korin 15:3

A ngava dagi e Kristo i vakalongo iau vona, iau tara a vakalongo mua vona, ra i maea: E Kristo i mate, ge bole a mapana naro hale ne hita, i muri mai a ngava ni here puru hosi na Hinere.

Galesia 2:5

Pali i uka ma mi longo mai ria, i uka liu, a vuhuna mi ngaru a ngava muholi na Velenga Kamumu i uka ma ge mapulo, pali mu gu ramai muholi vakaroro.

Galesia 3:28

Mua lobo mu rihi e Kristo, ngane mua lobo mu manga a viri ala taku. I uka tabu a Iuda, o a viri i uka ma a Iuda. I uka tabu a vorakato, o a viri i uka ma a vorakato. I uka tabu a bakovi o a ngatavine. Mu palupulupu.

Galesia 6:11

Mu matai a hinere nau, a here na limagu, i dagi hateka.

Epesus 1:1

Iau e Paulus. A Vure i vulaki iau ge iau a apostolo ne Isu Kristo. A here lakea ne mua e huriki a tara ne Kristo o Epesus, ra mu pesi tora ni luhoi torea e Isu Kristo.

Vinara 21:9

Mua bara mu rata mavonga, e BAKOVI DAGI i uka ma ge kau virihi mua, ma mu gu rare vona a maregoa na bakovi ni rabalaki.

Vinara 9:10

Lakea e BAKOVI DAGI i habi nau a tabekena kedo i rua, i here vona a ngava i habi mua na tahuna mu vapopo na dahana lolo, i made pololilo na kanono ia.

Pilipai 1:1

Iau e Paulus. A raukea iea i valai ne maria e Timoti, a vora ne Isu Kristo. A here lakea ne mua a tara ne Isu Kristo, e huriki a gare na lotu, e huriki a vora na lotu, mu made o Pilipai.

Pilipai 1:27

Pali a maki dagi hateka, mu gu laho na naro i karea a Velenga Kamumu ne Kristo. Muri ga bele ne mua, o i uka, bara longo ne mua, ta mu pesi tora na ningaru i taku, na niluhoi i taku, mu rura ni leho palupu ni tagari a Velenga Kamumu, ra si luhoi torea.

Kolosi 1:2

A here lakene mua e huriki a tara na Vure o Kolosi. A Vure i ru herehere mua, mu madoko turane Kristo. A Vure, e tamane hita, ge rata a naro kamumu ne mua, ge habi a nivalemu ne mua.

1 Tesalonika 2:2

Mu lohoka vona e huriki o Pilipai ri harogi mateu, mete bole a nimadihi. Muri, na tahuna mete lakea na tanga ne mua, e huriki ala kupo ri marikoi, ri toni ni lili mateu. Pali a Vure i rata mateu, i uka ma mete mangenge ni vakalongo ne mua a Velenga Kamumu.

1 Timoti 1:18

O tugu o Timoti, a vinara nga, a taki ioe vona, i ramai a nita propet ni taki virihi ioe vona hosi. A ngaru go luhoi mulea, lakea bara o pesi tora na ni luhoi torea a Vure, bara o rata kunana a naro o lohoka vona i kamumu. Lakea bara o vaubi kamumu. E huriki ranga ri lohopile pali a naro ri lohoka vona i kamumu, ri lobo ni luhoi torea a Vure. Ri rata mavonga, lakea ri ratapile a niluhoi ne ria. Ri manga a aga i mapua na rakaru.

1 Timoti 6:12

O toni a bulumu ni nunu hateka turane Kristo. Muri ma bara o mulangi, o bole a nimahuri vakaroro. Ra nimahuri vakaroro iea, a Vure i gale ioe go bolea hosi na tahuna o taki tala na matane huriki a bakovi a ngatavine, ne ioe o luhoi torea e Kristo.

2 Timoti 1:13

O ramai kamumu a ngava muholi a tovo ioe vona. O ngaru e huriki, o luhoi torea e Isu Kristo, a vuhuna o madoko turana.

Hibru 13:22

Mua o huriki a turagu, a raukea nau i uka ma i ola hateka. Mu hatenono vona a ngava tora a habi ne mua, a vara mua vona.

Hibru 6:9

Mua o huriki a turagu, mete ta tora hateka, pali mete lohoka vona a maka maki i kamumu hateka ri gi bele ne mua, a kanena hini a Vure i korimule pali mua.

1 Petrus 5:12

E Sailas i manga e turagu muholi, i rata kamumu a leho lobo a habi vona. I kori iau, i here poloa a raukea kiroko iea, ra a vara mua, a taki tala ne mua a naro kamumu muholi na Vure. Mu pesi tora vona.

2 Petrus 1:1

Iau e Simon Petrus, a vora, a apos­tolo ne Isu Kristo. A herea a raukea iea i lakene ne mua e huriki a bakovi a ngatavine a Vure i rata mua mu luhoi torea e Kristo, i manga mia. Si luhoi torea e Isu Kristo, ra viri i korimule hita, ia a Vure, i malamala liu.

2 Petrus 2:21

Bara i kamumu hateka i uka ma ge longo muga a ngava na dala malamala. Ngane a Vure bara i habi a nimadihi dagi vona, a vuhuna i longo pali a ngava na naro a Vure i vakuku hita vona si gi ramaia, pali i longotaro, i ngalahere.

Iuda 1:1

Iau e Iuda, a vora ne Isu Kristo. Iau e tarine Iakop. A herea a raukea iea i lakene mua e huriki a Vure i gale mua. A Vure e Tamane hita i ngaru mua, ge matakari mua i vano i harena na tahuna e Isu Kristo ge hamule valai.

Iuda 1:17

Mua o huriki a turagu, nahea mu gu turutu vona e huriki a bakovi nga, a vuhuna e huriki a apostolo ne Isu Kristo, a Bakovi Dagi ne hita, ri taki muga vona a maka naro nga.

Iuda 1:20

Pali mua, o huriki a turagu, mu vaka­tora a niluhoi malamala ne mua. Mu vasileki na nitora na Hanu Kiripiripi.

Kapiloho 12:11

E huriki e turane hita ri mulangi vona pali na darana Sipsip, na ngava muholi ri vakalongo e huriki vona. Ri mulangi a vuhuna i uka ma ri mangenge ni mate.

Kapiloho 2:10

I popote mu gu bole a maregoa, pali naha ni mangenge. Mu longo, e Satan i popote ge ru dili ranga ne mua na bavi, ge toha mua, bara mu tahoka a maregoa na parava i ravulu. Mu pesi tora ni luhoi tora iau, ge vano ge harena na tahuna mu mate, lakea iau bara habi ne mua a mapane mua, ra a nimahuri vakaroro, i manga a viri i mulangi na rihiva i bole a tama.