Iuda 1:24 - A Nitana Vure

²⁴ A Vure, i kara ia ge matakari kamumu mua, nahea mu gu boru. I kara ia ge matakari mua mu gu malamala, i vano i harena na tahuna muri ma mu pesi na matana, na nipara dagi vona, mu gu tahoka a nivivi dagi.

Iuda 1:24 Iomraidhean Croise

E Levi 14:11

A prister ge tulia a bakovi iea turana a maka nihabi vona, ge lakea na matana Kape na Vaponga na matane BAKOVI DAGI.

Mateo 16:27

A Tuna Bakovi bara i valai na bagetuanga ne Tamana turana e huriki a agelo vona, ge habi a mapa ne huriki takutaku, ge muri mai a narone ria.

Mateo 19:28

E Isu i koli, i ta maea, “A taki muholi mua, muri ma na malala karaba, a Tuna Bakovi bara i made na nibagetu na gula hariki vona. Mua ranga e huriki mu muri nau, bara mu made na gula hariki i ravulu a polona i rua, bara mu pelekado a kabu ne Israel i ravulu a polona i rua.

Mateo 25:31

Muri e Isu i ta maea, “Na tahuna a Tuna Bakovi ge luve turana nipara dagi, ge valai turana e huriki a agelo vona, bara i made na gula hariki vona.

Mateo 5:12

Mu vivi hateka, a vuhuna a Vure ge kona dagi hateka mua meli na hunu. E huriki a propet hosi, ria ranga, e huriki ri vakamadihi ria, a vuhuna ri ramai iau.

Lukas 9:26

E rei a viri i maruhu nau, i maruhu na ngava nau, iau, a Tuna Bakovi, bara maruhu vona na tahuna a valai na bagetuanga nau, a bagetuanga ne Tata, a bagetua ne huriki a agelo kamumu.

A Raukea e Paulus i Here Lakea ne Huriki a Rom 14:4

Naha ni pelekadoa a vora na bakovi tara. A matakari vona kunana ge masia a leho vona i kamumu o i hale. A vora ne Bakovi Dagi bara i leho kamumu, a vuhuna e Bakovi Dagi i tuhori ia ge leho kamumu.

A Raukea e Paulus i Here Lakea ne Huriki a Rom 8:31

Si lohoka vona, a Vure i pesi turane hita. I mavonga, e rei ge gege hita?

2 Korin 11:2

Iau a bage ne mua i manga a Vure i bage ne mua. Mu manga a sirula a habikaria na bakovi ala taku kunana, re Kristo.

2 Korin 4:14

A lohoka vona a Vure i vakamahuri mulea e Isu a Bakovi Dagi. I mavonga, bara i vakamahuri mule hita turane Isu, ge bole hita, si gi made turana.

2 Korin 4:17

A maka maregoa a bole na parava i popote ngane, i uka ma a maki dagi hateka, a vuhuna i rata puru nau a bagetuanga i dagi hateka, ge tabuli vakaroro. A bagetua nga ri rangi hateka a maka maregoa a bole ngane.

Epesus 3:20

A maki lobo si nana a Vure vona, a ra maki si luhoi ge ratea, a nitora vona, ra i leho pololilo ne hita, i kara ni rangi liu a ningaru, a niluhoi ne hita.

Epesus 5:27

I rata mavonga, ge masia a tara na Vure ge mata kamumu hateka, manga a ngatavine ni mareraku vona, ge lakea ne girihina. I uka ma ge katoki, i uka ma ge kuli malulu. Ge malamala, ge matapado.

Kolosi 1:22

Na nimatena, e Kristo i rata mua ngane mu made turana Vure na nivalemu. I rata mavonga a vuhuna i ngaru mu gu valai tabukoi na Vure, mu gu made malamala na matana, i uka ma ge pelekado mua.

Kolosi 1:28

Miri vakalongo mua vona a Velenga Kamumu ne Isu Kristo. Miri tovo e huriki na lohokanga lobo, miri taki ria ri gi muri mai a nitana Vure, a vuhuna miri ngaru e huriki lobo ri gi malamala, ri gi lakea na Vure. Na tahuna ri gi bele na Vure, miri ngaru ria ri gi bele manga e Kristo.

Kolosi 3:4

E Kristo i rata hita si mahuri. Na tahuna ge valai tabu, bara mu pesi turana na bagetuanga vona.

2 Timoti 4:18

E Bakovi Dagi bara i korimule iau na naro hale legelege, i bole iau a dili na harikia vona na hunu. Si gi kavurike vakaroroa. I muholi.

Iakop 2:10

A taki mavonga, a vuhuna e rei a bakovi tara i ramai a ngava lobo na vinara, pali i longotaro a vinara i taku kunana, ra bakovi iea i tahoka a rarenga pali, i manga a bakovi i longotaro a vinara lobo.

1 Petrus 4:13

Na tahuna ri bele, mu vivi, a vuhuna mu bole a maregoa i manga e Kristo i bole a maregoa. Muri bara mu vivi hateka na tahuna a bagetuanga vona i bele kavakava.

2 Petrus 1:10

I mavonga, mua e huriki a turagu, a narone mua ri gi vakasiri manga a Vure i gale mua, i vulaki mua. Bara mu ramai a maka naro kamumu nga, i uka ma mu gu boru.

Iuda 1:21

Mu luhoi vakaroro a hini a Vure i ngaru hateka mua. Mu davea a nidodo ne Isu Kristo, a Bakovi Dagi ne hita. A nidodo vona i habi ne hita a nimahuri vakaroro.

Kapiloho 14:5

I uka ma ri tatami kilala, a vuhuna ri malamala.