Iuda 1:23 - A Nitana Vure

²³ Mu korimule e huriki ranga na rongova na Vure. E huriki ranga, mu dodo ria, pali mu matadoko, mu mangenge, ma ge mua ranga mu gu boru.

Iuda 1:23 Iomraidhean Croise

E Levi 14:47

E rei a viri i kani o i mahita vona a ruma iea, ge vahilolo a maka varakia vona.

E Levi 15:17

A kuvena ge maguru taho a kala vona, o a maki ni rata na kulina bulmakau, ra maki nga ri muto, bara i muto i harena na malunga liu. Muri ge bole ge vahilolo.

A Raukea e Paulus i Here Lakea ne Huriki a Rom 11:14

Bara i rata e huriki ranga na kabu nau ri gi ngutu vona a naro kamumu a Vure i ratea ne mua, bara i korimule ranga ne ria.

1 Korin 15:33

Naha ni tami mule mua. “A bakovi kamumu bara i laho turana bakovi hale, a narona bakovi kamumu bara i mapulo, i hale.”

1 Korin 3:15

Pali a leho na viri ge nono, a leho vona bara i velu. I muholi, a bakovi bara ni korimule, pali bara i manga a viri ni korimule na ruma vona i nono.

2 Korin 5:11

I mavonga, a ta tora hateka vakaroro ne huriki ranga ri gi luhoi torea e Kristo, a vuhuna a mangenge ne Bakovi Dagi. A Vure i lohoka vona, iau a bakovi navai. A luhoi mua ranga mu lohoka nau na hatene mua.

2 Tesalonika 3:14

E rei a bakovi i uka ma i ramai a ngava mete here puru na raukea iea, mu vakalongo e huriki vona, ri gi malele ha vona, ge maruhu.

1 Timoti 4:16

O matakari kamumu a naromu. O matakari kamumu a ngava o tovo e huriki vona. Ioe bara o rata mavonga vakaroro, bara o korimule ioe turana e huriki ri longo a ngavamu.

2 Ioanes 1:11

a vuhuna e rei a viri ge tagui a bakovi maea, i koria na leho hale vona.

Iuda 1:22

Mu dodo e huriki ri loho rua.

Kapiloho 3:18

Ngane a taki mua, a gol nau ni gutu na kanono i maga hateka. Mu konea, mu gu tahoka a mahala. Mu kona nau a varakia keakea, mu gu kavitagu mua vona, i uka ma mu gu kabobo, i uka ma mu gu maruhu tabu. Mu kona nau a marasin na matane mua, mu gu matai tabu.

Kapiloho 3:4

Pali e huriki ranga ne mua o Sardis ri tabana ri tahoka a rane ria, i uka ma ri vakakatoki a varakia ne ria. Muri bara ri rodo a varakia keakea, ri gi laho turagu, a vuhuna i kara ria ri gi rata mavonga.