Iuda 1:16 - A Nitana Vure

¹⁶ Re huriki a nitamina mari ni tovo, ra ri made turane mua, ri marikoi, ri hehe vona a naro kamumu na Vure. I uka ma ri vivi ranga, ri deke bala. Ri ramai kunana a ningaru hale na kakaine ria. Ri bibi rike mule ria. Ri tamilalu ni rata kamumu e huriki, ri gi bole a maka maki ne ria.

Iuda 1:16 Iomraidhean Croise

E Levi 19:15

“Na tahuna mu varamai na ngava, mu rata a naro kamumu na nipelekado a ngava. Naha ni tuhori a matasia, o go mangenge na bakovi na mahala. A ngava mu rata ge malamala kunana.

Ni Gi 14:36

E huriki a bakovi e Moses i rudu ria ri gi kasisia a robo iea ri hamule, ri tami e huriki ri ta maea, “A robo iea i hale. Ra ngava iea kunana i rata e huriki ri deke ne BAKOVI DAGI.” Lakea e BAKOVI DAGI i ratea a gilanga dagi i bele ne huriki a bakovi nga, ri malaviriri kunana ri mate.

Ni Gi 16:11

Ari mua, i navai mu padi momoa e Aron? Ra mua, i uka ma mu padi momo kunana e Aron, mu padi momo e BAKOVI DAGI a Vure ne hita.”

Ni Gi 16:41

Na parava muri, e huriki lobo ri tapuhaki ne Moses e Aron, ri ta maea, “Muru rabalaki pali ranga e huriki a tara ne BAKOVI DAGI.”

Lukas 15:2

Lakea e huriki a Pariseo, a mari na vinara ri ta barangungu, ri ta maea, “Ra bakovi iea i tagui e huriki a bakovi hale, i kani turane ria.”

Lukas 19:7

E huriki ri masia ri ta barangungu, ri ta maea, “Re Isu, i navai i vano i made turana bakovi hale iea?”

Lukas 5:30

Pali e huriki a Pariseo, e huriki a mari na vinara ri ta puhaki lakea ne huriki a murimuri vona, ri ta maea, “I navai mu kani mu ninu turana e huriki a bakovi ni bole a takis, e huriki a bakovi hale?”

Ioanes 6:41

Lakea e huriki a Iuda ri ta bara­ngungu, a vuhuna e Isu i ta maea, “Iau a bret a valai na hunu.”

Ioanes 6:61

E Isu i lohoka vona e huriki a murimuri vona ri ta kutukutu, lakea i nana ria, “Ra ngava a takia, mu marikoi vona?

1 Korin 10:10

Naha ni deke na Vure, i manga e huriki ranga ne ria ri rata. Ri rata mavonga, lakea a agelo na matenga i rabalaki ria.

Galesia 5:16

Pali iau a ta maea, mu laho turana Hanu Kiripiripi, lakea i uka ma mu gu ramai a ningaru hale na kakaine mua.

Galesia 5:24

E huriki a ngate ne Isu Kristo ri paditata pali na kai tavalavala a ningaru hale na kakaine ria.

Vinara 1:27

Mu made na maka kape ne mua, mu deke hateka mule ne mua, mu ta maea, ‘E BAKOVI DAGI i uka ma i ngaru hita, lakea i bole tala hita o Egipto ge habi hita ne huriki a Amor, ri gi rata hale hita.

Pilipai 2:14

A maki lobo mu rata, naha ni deke, naha ni hehe,

1 Tesalonika 4:5

Nahea ge turari mua a ningaru na malala, mu gu rata a maka naro na molenga, i manga e huriki ri made na uvo ri rata. I uka ma ri lohoka na Vure.

1 Timoti 6:5

e huriki bara ri vagege bala. E huriki ri rata mavonga, a niluhoi ne ria i hale liu, i uka ma ri lohoka tabu na nita muholi. Ri luhoi ta a naro ni ramai a Vure a dala ni bole a mahala i kupo vona.

2 Timoti 4:3

O rata mavonga, a vuhuna i uka ma ge tabaka e huriki bara ri koi ni longo a ngava muholi. Bara ri matakana lae e huriki ri gi tovo ria na ngava ri ngaru ni longo.

1 Petrus 1:14

Naha ni longototo a ningaru hosi na kakaine mua, ra mu ramai hosi na tahuna i uka ma mu lohoka, a vuhuna ngane mua e huriki a tuna Vure, mu longototoa.

1 Petrus 2:11

Mua o huriki a turagu, mu manga a mosi, mu laho polo kunanea a malala iea. A taki tora mua mu gu pile a ningaru hale na kakaine mua. A ningaru hale nga ri vaubi na hanune mua.

1 Petrus 4:2

I uka ma ge ramai tabu a ningaru hale na kakaina. Bara i nunu muri mai kunana a ningaru na Vure.

2 Petrus 2:10

Bara i habi hateka a nimadihi ne huriki a nitamina mari ni tovo nga. Ri rata hateka a naro na molenga. Ri longotaro a ngavane huriki a matakari. Ri kuli rua hateka, i uka ma ri mangenge ni harogi pile e huriki a agelo.

2 Petrus 2:18

Ri ta paki paki, pali a ngavane ria a ngava tavula, a ngava taminga. Ri tuli tabu e huriki ngane kunana ri ha taro a naro nga, ri pulo a vilone ria. Ri tuli ria na naro na molenga.

2 Petrus 3:3

A ngava iea i maea: Muga na nilobona parava, a ngava e Isu Kristo ge hamule valai, bara ni nongo vaki. E huriki bara ri ramai kunana a ningaru hale na kakaine ria.

Iuda 1:15

Ge valai, e huriki lobo ri gi pesi na matana, ge pelekado ria, ge ratapile e huriki a bakovi a ngatavine ri marikoi a Vure. Ge ratapile ria vona a maka naro hale ri rata, na naro i vakasiri ri marikoi vona. Ge ratapile ria vona a maka ngava hale ri taki virihia vona e huriki ri marikoi vona.”

Iuda 1:18

Ri taki mua, ri ta maea, “Muri ma, na nilobona parava, e huriki a bakovi hale bara ri bele, ri biu a maka maki na Vure, bara ri ramai a ningaru hale na kakaine ria.”