Iosua 9:1 - A Nitana Vure

¹ E huriki a hariki ri made na nirolona haro na naru e Iordan, e huriki a hariki na lolo, a tanga na kupona, a tanga na bila tabukoi na Dari na Kurukuruna Malala i harena na malala ne huriki a Lebanon, ria lobo ri longo a maka maki i rata e huriki a Israel. Re huriki a hariki nga, a hariki ne huriki a Hiti, a Amor, a Kenan, a Peres, a Hivi, a Iebus.

Iosua 9:1 Iomraidhean Croise

A Nimariu 23:23

“A agelo nau bara i muga mua, mu bele na malala ne huriki a Amor, a Hiti, a Peres, a Kenan, a Hivi, a Iebus. Muri bara vakalobo liu ria.

A Nimariu 23:31

“A harena malala ne mua ge vakatubu na Dari Vururu na tabeke ne Akaba ge vano ge harena na Dari na Kurukuruna Malala. Na tabeke mule sike ge vakatubu na naru dagi e Iupretis ge harena na tabeke i ngeki tano. Ga habi a nitora ne mua, bara mu dili vona a malala iea mu ratapile e huriki ri made vona, mu lili tala ria.

A Nimariu 3:17

A luhoi muga pali ta ga bole tala ria na tanga na nimadihi o Egipto. Muri ga bole sike ria na robo ne huriki a Kenan, a Hiti, a Amor, a Peres, a Hivi, a Iebus. Ra malala iea i kamumu, i vona a maki ni kani.

A Nimariu 34:11

Mu ramai a vinara nau a taki ioe vona mu gu ramai. Iau ga muga ga lili tala e huriki a Amor, a Kenan, a Hiti, a Peres, a Hivi, a Iebus na malala ne ria.

Ni Gi 13:29

E huriki a Amalek ri made mule puru na tabeke ne Negev. E huriki a Hiti, a Iebus, a Amor ri made na lolo. E huriki a Kenan ri made tabukoi na dari na Kurukuruna Malala, pali i ranga ri made na gagane Iordan.”

Ni Gi 34:6

“A lavu na Dari na Kurukuruna Malala, i tabuli manga a nagi ne mua na tabeke na nirolona haro.

Vinara 1:7

Mu pe a hini nga mu laho lakea na tanga na lolo ne Amor, na maka tabeke tabukoi vona. Ra maloku ne Iordan, na lolo, na bila, na tabekena malala mule puru, a malala na lavu na Dari na Kurukuruna Malala. Mu lakea na malala ne huriki a Kenan, na malala na tabeke mule lokovonga na lolo e Lebanon, i lokovonga liu na naru dagi e Iupretis.

Vinara 3:25

Iau a ngaru ioe go longo nau ga tulu poloa a naru e Iordan ga lokovonga na tabeke tara, ga masia ra malala i kamumu hateka ni varo a maka maki ni kani vona, a maka tanga kamumu na lolo turana a lolo e Lebanon.’

Vinara 4:49

Ri bole turana a maka malala lobo na tabeke na nirikena haro na naru e Iordan, i vano i harena na Dari Mate na niragana lolo e Pisga.

Vinara 7:1

E Moses i ta tabu i ta maea, “Na tahuna e BAKOVI DAGI a Vure ne hita, ge taparaki mua vona a malala mu gu bolea, bara i lili tala e huriki a tara ri made vona ngane. Na tahuna mu laho lokovonga na malala iea, bara i lili tala e huriki a tara dagi i polorua, a nigao ne ria i rangi a nigao ne mua. Re huriki a Hiti, a Girgas, a Amor, a Kenan, a Peres, a Hivi, a Iebus.

Iosua 1:15

ge harena na tahuna e BAKOVI DAGI a Vure ne hita, ge habia ne hita a malala, ge made kamumu vona e huriki a viri mua. Muri mu hamule valai na malala e Moses i habi ne mua pali, na tabeke koea ne Iordan na nirikena haro.”

Iosua 1:4

A nagi na malala mu gu bolea ge tubu mule puru na tabeke i ngeki, ge sike lakea na lolo e Lebanon. Muri ge kaogo vonga ge lakea mai a nirikena haro na naru dagi e Iupretis. A malala ne huriki a Hiti, ia tara mu bolea. Ge kaogo vonga ge lakea mai a nirolona haro, ge harena na Dari na Kurukuruna Malala.

Iosua 10:23

Ri vano ri tuli valai ra hariki o Ierusalem, o Hebron, o Iarmut, o Lakis, o Eklon.

Iosua 11:17

A kilakilana malala iea i tubu na lolo e Alak tabukoi o Idom na tabeke mule puru, i lakea liu na tanga e Bal-Gad na maloku ne Lebanon tabukoi na lolo e Hermon na tabeke mule sike. E Iosua i vaubi tabaka turane huriki a hariki nga, i rabalaki lobo ria.

Iosua 13:5

a malala ne huriki a Gebal; a malala lobo ne Lebanon i tubu na tabeke na nirikena haro na tanga e Bal-Gad, tabukoi na lolo e Hermon, i harena na dala lakea o Hamat;

Iosua 15:12

A nagi na malala ne huriki a Iuda na tabeke na nirolona haro, ra Dari na Kurukuruna Malala. E huriki a hamone Iuda ri made pololilo vona a nagi iea.

Iosua 22:4

Ngane, e BAKOVI DAGI a Vure ne hita i habi a nivalemu ne huriki a turane mua, i manga hosi i ta muholi ne ria. I mavonga mu hamule mai a tanga ne mua, na tabeke ne Iordan, hosi e Moses a vora ne BAKOVI DAGI i habi ne mua.

Iosua 22:7

E Moses i habi na kalavana kabu ne Manase a malala na tabeke ne Basan, pali e Iosua i habi tabu na kalavana kabu ne Manase, turana a kabu ranga ne Israel, a malala na tabeke na nirolona haro ne Iordan. Na tahuna e Iosua i rudu e huriki nga ri hamule na tanga ne ria na tabeke ne Iordan tara, i nana e BAKOVI DAGI ge rata kamumu ria.

Iosua 23:4

Ngane mu longo kamumu. A malala ne huriki ranga i uka ma mu rangi ma, a pasivunu pali ne mua mu gu bole, i manga a naro a rata na malala ne huriki lobo a rangi ria na vabinga. A nagi na malala ne mua i tubu na naru e Iordan na tabeke na nirikena haro, i vano i harena na Dari na Kurukuruna Malala na tabeke na nirolona haro.

Iosua 24:11

“‘Mu laho polo a naru e Iordan mu bele vona a tanga e Ieriko, lakea e huriki a bakovi o Ieriko ri vaubi ne mua. E huriki a Amor, a Peres, a Kenan, a Hiti, a Girgas, a Hivi, a Iebus, ri vaubi ne mua, pali iau a tuhori mua, mu rangi ria.

Iosua 3:10

Ngane bara mu lohoka vona e BAKOVI DAGI a Vure ne hita i tahoka a nimahuri, i made turane hita, ge lili tala e huriki a Kenan, a Hiti, a Hivi, a Peres, a Girgas, a Amor, a Iebus. Bara mu matakilaka hateka vona a nitora vona

Iosua 3:17

E huriki a Israel ri laho polo na hini kere. E huriki a prister ri kalohoa a Tava na Ngava Dagi ne BAKOVI DAGI, ri pesi mavonga na hini kere na kurukuruna a naru e Iordan, i harena ne huriki ri laho polo lobo.

Iosua 5:1

E huriki a hariki o Amor ri made na tabeke na nirolona haro ne Iordan, e huriki a hariki o Kenan ri made na harena a Dari na Kurukuruna Malala, ri longo a velengane BAKOVI DAGI i ratea a naru e Iordan i mara i laho polo vona e huriki a Israel. E huriki a hariki nga, ri longo e huriki a Israel ri valai tabukoi, ri mangenge hateka, i vakulu a tagane ria.

Iosua 6:27

I mavonga e BAKOVI DAGI i laho turane Iosua, e huriki lobo na robo iea ri bibi rikea a rana.

Iosua 9:7

Pali e huriki a Israel ri taki e huriki a Hivi ri ta maea, “I navai mi gi rata a ngava dagi turane mua? Mi luhoi i uka ma mua a viri basi.”