Iosua 8:8 - A Nitana Vure

⁸ Na tahuna mu bolea pali a tanga, mu rungania na kanono ge manga a ngava e BAKOVI DAGI i vakuku. Ra ngava iea a ngava nau, mu ramai kamumua.”

Iosua 8:8 Iomraidhean Croise

Vinara 20:16

“Na tahuna mu bolea tara tanga i pesi pololilo na malala e BAKOVI DAGI ta ge habia ne mua, mu rabalaki lobo e huriki.

Iosua 1:16

E huriki a bakovi ri longototo a nitane Iosua ri koli, ri ta maea, “I kamumu mi gi ramai a ngava o taki. I vai a hini o ngaru go rudu lakea mia vona, mi gi lokovonga kunana.

Iosua 1:9

A taki ioe pali, o pesi tora, naha ni mangenge, naha ni loho paepae. A vuhuna iau e BAKOVI DAGI a Vure vomu, ga laho turamu na tabeke lobo.”

Iosua 6:24

Muri ri rungania a tanga dagi turana a maki lobo ri tabuli pololilo vona. Pali e huriki a Israel ri bole a maka maki kamumu na tanga dagi, ri ru na tava na roho ne BAKOVI DAGI.

Iosua 8:13

Ngane e huriki a nugumaheto ri dava. A tara dagi i rata a mada na tabeke mule sike na tanga. A tara na nugumaheto tara i rata a mada na tabeke na nirolona haro, ri gi burai e huriki a pile. E Iosua i vano i mahita na maloku vona a rodo iea.

Iosua 8:2

O vakalobo liu a tanga e Ai turana a hariki vona, ge manga a hini o rata virihi a tanga e Ieriko turana a hariki vona. Pali ngane mu bole a maka bulmakau a mahala ne Ai. Mu kisi a maka lebo na vabinga mu vano mu vaubi vona a tanga iea. O rudu muga ranga nugumaheto, ri gi kapiloho na pogi na tanga.”

Iosua 8:22

Ngane e huriki a nugumaheto ne Israel ra ri dili na tanga, ri pagitala ri polo halui e huriki a bakovi o Ai, ri rabalaki lobo ria.

Iosua 8:28

Lakea e Iosua i rungania a tanga e Ai. A maka luluna i tabuli mavonga i valai i harena mona.

Iosua 8:7

mu pe a hini mu kapiloho vona mu dili, mu bolea a tanga. E BAKOVI DAGI a Vure ne hita ge habia na limane mua a tanga iea.

Iosua 8:9

Lakea e Iosua i rudu ria ri vano, ri kapiloho na ngutumiri na tabeke na nirolona haro, na kurukuruna tanga e Ai e Betel, ri dava. Pali na rodo iea e Iosua i tababana na mada.