Iosua 8:33 - A Nitana Vure

³³ E huriki a Israel turana e huriki a mosi, a tahotanga, e huriki a gare, e huriki a matakari, e huriki a bolekori, e huriki a mari ni pelekado a maregoa, ri pesi na tabeke varago na Tava na Ngava Dagi ne BAKOVI DAGI, ri ngalai e huriki a prister na kabu ne Levi ri kalohoa. A tete tara i pesi tabukoi na lolo e Gerisim, a tete tara i pesi tabukoi na lolo e Ebal. Ri ramaia a nitane Moses a vora ne BAKOVI DAGI i taki ge gamai e huriki a Israel.

Iosua 8:33 Iomraidhean Croise

A Nimariu 12:49

A vinara i taku kunana ge ramai e huriki a tahotanga e huriki a mosi ra ri made turane mua.”

E Levi 24:22

Ra vinara iea ne vona e mua e huriki a tahotanga ne Israel, turana a mosi ri made turane mua. Iau e BAKOVI DAGI, a Vure ne mua, a takia a ngava iea.”

Ni Gi 15:15

A vinara i taku kunana mu ramaia, turana e huriki a mosi ri made turane mua. Ra vinara iea ge tabuli vakaroro, ge ramaia e huriki a hamone mua ri bele muri ma. A vuhuna, a matai mua turane huriki a mosi mu palupulupu kunana.

Ni Gi 15:16

Mua o huriki a Israel a mosi mu ramai kunanea a naro ge taku ni ratana a nihabi.”

Ni Gi 15:29

Na tahuna a Israel tara o a mosi tara i rata ruru a naro hale, a vinara ge ramaia ge taku kunana.

Ioanes 4:20

E huriki e tamane mia ri kavurikea a Vure na lolo iea. Pali mua e huriki a Iuda mu taki ta a tanga ni kavurikea a Vure vona, e Ierusalem kunana.”

Vinara 11:29

Na tahuna i taparaki mua lakea na robo mu ngaru ni made vona, mu lakea na lolo e Gerisim, mu gale e BAKOVI DAGI ge gamai mua. Na lolo e Ebal mu gale e BAKOVI DAGI ge ruduraha e huriki ri rata a naro hale.

Vinara 31:12

Mu gale palupu e huriki a bakovi, a ngatavine, a koma, a mosi ri made na vuhu tanga, ri gi vapopo ri gi longo a vinara. Ri gi longo a vinara, ri gi togoa e BAKOVI DAGI a Vure ne mua, ri gi ramai kamumu a maka nitana.

Vinara 31:25

i taki e huriki a prister na kabu ne Levi, ri gi matakaria a Tava na Ngava Dagi ne BAKOVI DAGI.

Vinara 31:9

E Moses i here a maka vinara i habi ne huriki a prister na kabu ne Levi, ne huriki a gare ne Israel. E huriki a Levi ri matakari a Tava na Ngava Dagi ne BAKOVI DAGI.

Iosua 23:2

Lakea i gale palupu e huriki a Israel turana e huriki a gare, a matakari, a mari ni pelekado a maregoa, a bolekori, i taki ria, “Ngane a gare liu pali.

Iosua 24:1

E Iosua i gale palupu e huriki a kabu lobo ne Israel ri vapopo na tanga e Sekem. Na tahuna ri bele vonga i gale e huriki a gare, a matakari, a mari ni pelekado a maregoa, a bolekori, ri valai ri pesi na matana Vure.

Iosua 3:14

Muri e huriki a Israel ri pe a mada, ri vano ri tulu poloa a naru e Iordan. E huriki a prister ri kalohoa a Tava na Ngava Dagi ri muga.

Iosua 3:3

ri taki e huriki ri ta maea, “Na tahuna mu matai e huriki a prister na kabu ne Levi ri gi malaga, ri gi kalohoa a Tava na Ngava Dagi ne BAKOVI DAGI a Vure ne hita, mu malaga, mu ramai ria.

Iosua 3:6

Muri i taki e huriki a prister, “Mu bolea a Tava na Ngava Dagi, mu laho muga ne huriki.” E huriki a prister ri ramai a ngava i taki e Iosua.

Iosua 4:10

E huriki a prister ri pesi na kuru­kurune Iordan i harena na tahuna e Iosua i rata lobo a maka maki e BAKOVI DAGI i vakuku ia vona, i ramaia a ngava ne Moses. E huriki ri malaviriri kunana ri bele na gagana tara.

Iosua 4:18

Na tahuna e huriki a prister ri kaloho a Tava na Ngava Dagi ne BAKOVI DAGI ri bele pali na gagana tara, a naru e Iordan i tuka, i tua hateka tabu.

Iosua 6:6

Lakea e Iosua e tune Nun i gale valai vona e huriki a prister i taki ria, i ta maea, “Mu kalohoa a Tava na Ngava Dagi ne BAKOVI DAGI. A prister ala polorua ri gi bole a tavure, ri gi muga na tava.”