Iosua 7:9 - A Nitana Vure

⁹ E huriki a Kenan, e huriki a viri na robo iea bara ri longoa a velengana vuranga iea, ri pesi halui mia, ri rabalaki lobo mia. A ra go ratea go ratapile e huriki nga? Re huriki nga bara ri ta hale, ri biu a ramu.”

Iosua 7:9 Iomraidhean Croise

A Nimariu 32:12

Ioe bara o ratapile ria, e huriki a Egipto bara ri ta maea, ‘A Vure i tami e huriki a viri vona, i bole tala o Egipto, i tuli lakea ria na lolo, i rabalaki ria.’ Pali naha ni ratea ra naro iea. I kamumu hateka o taparakia a rongova o puloa a niluhoi vomu, naha ni rabalaki e huriki a viri vomu.

Ni Gi 14:13

Pali e Moses i koli i ta maea, “BAKOVI DAGI, na nitora vomu, o bole tala ria o Egipto e huriki o tuli valai ria koea. Ioe bara o ratapile ria, e huriki a Egipto bara ri longoa a velengana a naro o ratea ne ria.

Ioanes 12:28

O Tata, ge bagetu a ramu.” Muri a lohona viri tara i ta valai na hunu i ta maea, “Iau, a ragu ni vakabagetu pali. Pali ga ratea ge bagetu tabu.”

Vinara 9:28

E huriki a Egipto ma ri gi taki ioe, ‘I uka ma o kara ni taparaki lakea na malala o ta muholi vona ta go habia ne ria.’ Ma ri gi ta maea, ‘Ioe i uka ma o ngaru e huriki a tara vomu, i mavonga o bole lakea ria na malala golea o rabalaki ria.’

Iosua 7:10

Lakea e BAKOVI DAGI i takia e Iosua i ta maea, “O pesi rike! I navai o mahita ngalatudu na malala?

Iosua 7:8

Bakovi Dagi, e huriki a Israel ri mangenge ne huriki a pile, ri hamule pali. A ra ngava ga takia ngane?