Iosua 7:11 - A Nitana Vure

¹¹ E huriki a Israel ri rata a naro hale pali, ri longotaro a ngava dagi nau a ratea ne ria. Muga a hatekakari ria, nahea ri gi bole a maka maki o Ieriko. Pali ri longotaro a nitagu. Ri panaho pali a maki a taki ta ri gi ratapile. Ri tatami, ri ruhulolo turana a maka maki ne ria.

Iosua 7:11 Iomraidhean Croise

E Levi 5:15

“Na tahuna a bakovi tara i longokaburungi ni habi a maki ni taba ne BAKOVI DAGI, i manga a hini i taki ge habi, i rata a naro hale. Ra bakovi iea ge bole vilia a sipsip a toga, ge habia ne BAKOVI DAGI ge vakaloboa a naro hale vona. A prister ge takia vona a mapana sipsip ge konea vona ge ramaia a mapana maki ni kona na mailo na Vure. Muri a bakovi iea ge bole vilia na prister tara sipsip a toga, a mapana ge maea.

Mateo 22:21

Ri koli, ri ta maea, “A hanune Kaiser, a rane Kaiser i tabuli vona.” Lakea e Isu i taki ria, “Mu habi ne Kaiser a maki ne Kaiser, mu habi na Vure a maki na Vure.”

Apostolo 5:9

Lakea e Petrus i takia i ta maea, “Pali i navai muru valongo mai a ngava ni tonia a Hanune Bakovi Dagi? Mata lakea! E huriki a riau ri tanua pali e girihimu, ri laho valai. Ioe tara, bara ri kaloho tala a podamu.”

Vinara 17:2

“Na tahuna ranga bakovi a ngatavine ri made na tanga tara e BAKOVI DAGI i habia ne mua, bara ri ratapilea a ngava dagi ne BAKOVI DAGI a Vure ne mua, ra naro iea kunana bara ri rata a naro hale.

Hibru 4:13

I uka tara viri ge kapiloho na Vure. A maki lobo si rata, a maki lobo si luhoi, a Vure i lohoka vona. Muri ma hita lobo bara si pesi na matana, ge nana hita vona a naro lobo si rata.

Iosua 23:16

A maki iea bara i bele, na tahuna i uka ma mu ramai a ngava dagi ne BAKOVI DAGI, a Vure ne mua, i vakuku mua mu gu ramai. Na tahuna mu ramai mu kavurike a vure ranga, e BAKOVI DAGI bara i tahate hateka mua. Muri i uka tara ne mua ge made vona a malala kamumu i habia ne mua. Mua lobo bara mu mate.”

Iosua 7:1

Muga e BAKOVI DAGI i taki e huriki a Israel nahea ri gi bole ranga maki. A maki lobo ge nono. Pali e Akan i longotaroa a ngava iea, i panaho ranga maki. Lakea e BAKOVI DAGI i madihi a hatena ne huriki a Israel. E Akan e tune Karmi, e Karmi e tune Sapdi, e Sapdi e tune Sera na kabu ne Iuda.

Iosua 7:10

Lakea e BAKOVI DAGI i takia e Iosua i ta maea, “O pesi rike! I navai o mahita ngalatudu na malala?