Iosua 7:1 - A Nitana Vure

¹ Muga e BAKOVI DAGI i taki e huriki a Israel nahea ri gi bole ranga maki. A maki lobo ge nono. Pali e Akan i longotaroa a ngava iea, i panaho ranga maki. Lakea e BAKOVI DAGI i madihi a hatena ne huriki a Israel. E Akan e tune Karmi, e Karmi e tune Sapdi, e Sapdi e tune Sera na kabu ne Iuda.

Iosua 7:1 Iomraidhean Croise

A Vuhuna 34:27

Ri sike e huriki e tune Iakop ranga, ri matai a podane huriki ri mate, ri bole a maki lobo na tanga dagi, a vuhuna e Sekem i rata a naro hale ne kurabane ria.

E Levi 10:6

Ngane e Moses i habi a ngava tabu ne Aron turana e tuna ala rua, e Eleasar, e Itamar. I taki tou i ta maea, “Nahea ge patoka a vune matou, naha ni rape a varakia matou, ma ga moto rata mavonga bara moto mate, a rongova ne BAKOVI DAGI bara i bele ne huriki. Pali e huriki a viri ne mua a Israel, ria ri gi kalo vona ra bakovi nga e BAKOVI DAGI i rabalaki rua na kanono.

Iona 1:7

Muri e huriki a tahodari ri vata, ri ta maea, Si gi voro a satu, si gi lohoka vona e rei a vuhuna a taiava iea i pori. R i voro a satu, i boru langa ne Iona.

Iosua 22:16

“E huriki a bakovi a ngatavine ne BAKOVI DAGI, ri nana maea, ‘I navai mu ngalahere na Vure ne hita a Israel? Mu longotaro pali a nitane BAKOVI DAGI, mu vakapesia a dede-kedo ne mua. Ngane i uka ma mu ramai tabu e BAKOVI DAGI.

Iosua 22:18

I navai ngane mu marikoi ni ramai e BAKOVI DAGI, mu ngalahere vona? “‘Mua bara mu longotaro a nitana ngane, kuduvi bara i tahate hita lobo a kabu ne Israel.

Iosua 22:20

Naha ni longokaburungi a narone Akan, e tune Sera. E BAKOVI DAGI i ta kari vona a maka maki na tanga e Ieriko, pali e Akan i longotaro a nitana, i bole a maka maki, muri e huriki a Israel ri bole a maregoa na naro hale vona. A naro hale ne Akan, i uka ma i madoko vona kikeri. A naro hale vona i madoko ne huriki lobo ri bole a vuranga vona.’”